Jenesii̱s 29:33 - Xo̱jo̱n eén Néná

³³ Jaskan ti̱ tsaꞌa nginí ingo ndí na̱ Liyaa̱, kó nga katsen kui ndí xí ma joó, bi̱ katsó: «Néná boá xi katsjána kui ndií nga, ngatꞌa̱ tsintꞌié nga tjójiín an xi̱ꞌinna». Kó kuíni nga Simeo̱n ítꞌajaꞌén, ngatꞌa̱ kui jaꞌeén «Néná ntꞌié» tsó.

Jenesii̱s 29:33 ပူးပေါင်းရင်းမြစ်များ

Jenesii̱s 30:18

Kó na̱ Liyaa̱ Isakaa̱r ítꞌajaꞌén. Kui jaꞌeén «ni xi niꞌán» tsó, ngatꞌa̱ bi̱ katsó «Néná katsjána ngo ni xi niꞌán, ta̱ngatꞌanii̱ nga na̱ moso̱na katsjáa̱ xi̱ꞌinna».

Jenesii̱s 30:20

Kó na̱ Liyaa̱ Sabulo̱n ítꞌajaꞌén «Ni xi ta̱ boeꞌéná» tsó kui jaꞌeén, ngatꞌa̱ bi̱ katsó: «¡Néná boá xi ta̱ katsjána ngo ni xi ta̱nisién tsjákjiꞌi! Ngotꞌe̱ ꞌne̱ nda ngase sa̱ꞌínjo̱na xi̱ꞌinna, ngatꞌa̱ jè jun ndí katsjáa̱».

Jenesii̱s 30:6

Sꞌe̱ na̱ Rakee̱l, Ndaa̱n ítꞌajaꞌén, kui jaꞌeén «Kjo̱a̱kixi̱» tsó. Ngatꞌa̱ bi̱ katsó: «Kixi̱ Néná, ngatꞌa̱ nga kamábe nga jmí ni xi ndajínkjiꞌi tjítsꞌen an, katsjána ngo ndí».

Jenesii̱s 30:8

Kó na̱ Rakee̱l Neftali̱ ítꞌajaꞌén, ngatꞌa̱ kui jaꞌeén «Kjo̱a̱bixkán» tsó, ngatꞌa̱ bi̱ katsó: «ꞌNiú askjanjo̱na ndichja án, kó án boá xi katsꞌée̱n».

Jenesii̱s 34:25

Ta̱nga Simeoo̱n ko̱jo Lebii̱, já ntsꞌi̱e̱ na̱ Ndinaa̱ kijí na̱xi̱ńdá jàn xi ma ján ni̱xtjin, kó ki̱cha̱ katsꞌénkꞌiénni ngayeje jáxíꞌín xi katsꞌeén sirkunsisio̱n yojoo̱, kó nde ngojín xi tsꞌaxiéꞌá yojoo̱ ngatꞌa̱ oo̱n kuí jaá.

Jenesii̱s 34:30

Kó Jakoo̱b katsꞌénxchánjo̱ Simeoo̱n ko̱jo Lebii̱ nga bi̱ katsoó: —Kjo̱a̱a̱ ni xi kiniꞌánjnú, achichí kjo̱a̱xti jéꞌe̱jojnúꞌun. Ngotꞌe̱ ꞌne̱ xota̱ Kanaa̱n ko̱jo xota̱ Feree̱ nde ka̱mamejénjiín sku̱i̱e̱na. Chiboa tsí má ñá, kó tsi kui xotaa̱ ku̱i̱ꞌíkjo xkjín sꞌe̱ skjánjo̱ná, ka̱márií sa̱ꞌínkꞌiénná ngayeje ñá.

Jenesii̱s 35:23

Ndí xí kisꞌiee̱ na̱ Liyaa̱ kuí boá xi Rubee̱n, ndí xi tjoón, ko̱jo Simeoo̱n, ko̱jo Lebii̱, ko̱jo Jundáa̱, ko̱jo Isakaa̱r ko̱jo Sabuloo̱n.

Jenesii̱s 42:24

Kósꞌe̱ Kosiee̱ kijíboaꞌá chií kó achichí askjandá, sꞌe̱ jaskan jachókón nginií kó tsíchji̱a̱jo, sꞌe̱ katsjákjo̱a̱ nga ikꞌítꞌaꞌniú Simeoo̱n ngindyi̱ko̱n ngayeje kui jaá.

Ndeuteronomio̱ 21:15

»Tsi ngo nda̱ xi jó ka̱ma chjo̱ón, kó tsi nga joó nga kꞌuieé ndí, ta̱nga tsi ta̱ ngo tsí xi tjoó, kó tsi tjójiín xi ingoo̱. Kó tsi ndí xi tjoón kui nda̱a̱, na̱ xi tjójiín boá xi kisꞌiee̱, kjiꞌanga sa̱ꞌínda xo̱jo̱n nínga kjitꞌa ni xi sa̱ko̱ó ndií, kui ndií, jó bo̱a̱ kjiꞌii̱ ni xi ku̱i̱ꞌíjñaá ndií xi ngasee̱ xi nga sakoó xi̱ꞌbi̱, ngatꞌa̱ kuí boá xi ndí tjoón. »Ka̱májín jó bo̱a̱ kjiꞌi ni xi sa̱ko̱ó ndií kui xota̱chjo̱on xi tjoó kui nda̱a̱, ngatꞌa̱ kuijín bo̱a̱ xi ndí tjoón. Ndí xí ja̱koxi̱ nga kui xi tjoón, kuí boá xi tjiín kjo̱a̱nda nga jó bo̱a̱ kjiꞌi ni xi sa̱ko̱ó, ngatꞌa̱ kuí boá xi tjón katsen. Tsi kje̱ꞌe tsꞌén si̱ꞌan kui nii̱, ja̱ ndajín si̱ꞌanjo̱ ndí xí ja̱koxi̱ nga kui xi tjoón tsobo̱a̱.