Jenesii̱s 29:31 - Xo̱jo̱n eén Néná

³¹ Kó Néná kamábe nga Jakoo̱b katsꞌénchꞌó na̱ Liyaa̱, kó katsjaá nga kisꞌiee̱ ndí, ta̱nga na̱ Rakee̱l ndi̱ kamá.

Jenesii̱s 29:31 ပူးပေါင်းရင်းမြစ်များ

Jenesii̱s 16:1

Abra̱n jera̱ tjiín tie nó nga síndo ki̱a̱ nangi Kanaa̱n, kó na̱ Saraii̱ kui xi chjo̱ón Abra̱n kji̱e̱ jmí ndí kisꞌiejiín, ta̱nga na̱ Saraii̱ kisꞌijñaa̱ ngo na̱ moso̱ xi chji̱a̱ni nangi Ejipto̱ xi ꞌmí na̱ Angaa̱r. Kó na̱ Saraii̱ bi̱ katsoó xi̱ꞌii̱n: «Abra̱n, Néná ndi̱ katsꞌénna, kuíni nga ta̱sá na̱ moso̱na tsjajnije̱ ji. Jè yé ji kjo̱a̱xcha̱áná, nga tsi kui na̱ moso̱na ngo ndí kꞌuieé, tsa̱ꞌa̱n ka̱ma, ngatꞌa̱ na̱ moso̱na boá». Kó Abra̱n kasasiennii̱ kui nii̱, kó na̱ Saraii̱ katsjaá Abra̱n na̱ mosoo̱.

Jenesii̱s 20:18

Ngatꞌa̱ ta̱ngatꞌanii̱ na̱ Saraa̱ nga Néná ndi̱ katsꞌén kui ínchjiín katsaki.

Jenesii̱s 25:21

Na̱ Rebekaa̱ ndi̱ kamá, kuíni nga Isaa̱ tsíchji̱a̱a̱ Néná nga tsíchji̱a̱tjé chjo̱ón. Kósꞌe̱ Néná katsꞌénseén ni xi tsíꞌá Isaa̱, kó tsaꞌa ndí na̱ Rebekaa̱.

Jenesii̱s 27:41

Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Jenesii̱s 29:30

Kó Jakoo̱b tjó ngase kamaá na̱ Rakee̱l ta̱bo̱a̱jiín na̱ Liyaa̱, ndatsi ngi yito nó katsꞌénxájo̱ kjo̱a̱nda ngase Labaa̱n.

Jenesii̱s 29:32

Kó na̱ Liyaa̱ kisꞌiee̱ ngo ndí, kui xi Rube̱n ítꞌajaꞌén, ngatꞌa̱ bi̱ katsó: «Néná kamábe kjo̱a̱ndasenna, kó ngotꞌe̱ ꞌné nga ja̱koxi̱ nga sa̱ꞌínmejénna xi̱ꞌinna».

Jenesii̱s 30:22

Kó Néná kamáni̱ma̱a̱ na̱ Rakee̱l, kó tsintꞌieé nga tsíchji̱a̱a̱, kó katsjaá ngi̱ndie nga tsaꞌa ndí,

Jenesii̱s 35:23

Ndí xí kisꞌiee̱ na̱ Liyaa̱ kuí boá xi Rubee̱n, ndí xi tjoón, ko̱jo Simeoo̱n, ko̱jo Lebii̱, ko̱jo Jundáa̱, ko̱jo Isakaa̱r ko̱jo Sabuloo̱n.

Xo̱jo̱n Salmoo̱ 127:3

Ndí xí tjínná, kuí boá ngo ni xi ta̱ katsjáná Néná. Ndí xí beꞌé ínchjiín, kuí boá xi kjo̱a̱niꞌánchikonñé xi katsjáná Néná.

Éksondo̱ 3:7

Ta̱nga Néná, bi̱ katsó ngasee̱: —Jè kamábe an kjo̱a̱ni̱ma̱ xi ndyi̱foaꞌatio xota̱ na̱xi̱ńdána, ngatꞌa̱ xota̱ Ejiptoo̱, moso̱ je katsꞌén. Jè tsintꞌièe̱ nga ndyi̱kjandayà nga ndyi̱míꞌá nga kosiko̱jo an, kó ti̱ jè kamábe an nga já ngito̱ko̱o̱ ꞌniú ndajín ndyi̱tsꞌènjo̱, kuíni nga jè jéꞌe̱kòo̱n tsi̱ꞌe̱ nga kꞌoxiéꞌá an ngi̱ya tsja xota̱ Ejiptoo̱, kósꞌe̱ kjuínjo̱ an ngo ngi̱ndie xi nda ko̱jo xi tiyá, ¡ngo ngi̱ndie nínga ꞌniú tjín nichinie! Kó nangi Kanaa̱n boá kui ngi̱ndiee̱, nínga síndo xota̱ na̱xi̱ńdá xi nde kji̱e̱ bejínna.

Matioo̱ 10:37

Ngayeje xota̱ xi ꞌniú ngase tjoó na̱ꞌmii̱ ko̱jo na̱aa̱n ta̱bo̱a̱jiín án, ka̱májín xota̱ tsa̱ꞌa̱n ka̱ma. Ngayeje xi ꞌniú mején ngasee̱ ndí xi̱ꞌii̱n ko̱jo tsi ndí chjo̱ón ta̱bo̱a̱jiín án, ti̱ ka̱májín xota̱ tsa̱ꞌa̱n ka̱ma nga,

Matioo̱ 6:24

Nde ngojín xota̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná, ko̱jo mosoo̱ kjo̱a̱cho̱o̱n ka̱majnú.

Rkaa̱ 1:7

Ta̱nga jmí ndí kisꞌiejiín, ngatꞌa̱ nga ndi̱ kamá na̱ Sabee̱, kó nga joó nga je ꞌniú xchá.

Rkaa̱ 14:26

–Tsi tjín káꞌá xota̱ xi mejeén ko̱e̱je̱tji̱ngina, kó tsi ꞌniú tjó ngasee̱ na̱ꞌmii̱, ko̱jo na̱aa̱n, ko̱jo chjo̱ón, ko̱jo ndií, ko̱jo ntsꞌi̱e̱, ko̱jo ndichja, ko̱jo ngaskande yojoo̱, ka̱májín xota̱na ka̱ma.

Juaa̱ 12:25

Xi tjoó kjo̱a̱mindyioo̱n, sa̱ꞌínchaja, kó xi chꞌoo̱ kjo̱a̱mindyioo̱n xikótsꞌèn tikón kui nga̱sondiee̱, kuí boá xi ta̱sá tsꞌénfoaꞌátjó, kó kꞌuijñá ngatsjéni̱xtjii̱n.

Ni xi kamá 7:8

Kó Néná índajo̱ Abraa̱n tsi̱ꞌe̱ nga sa̱ꞌín ni xi ꞌmí sirkunsisioo̱n, kó kuíni nga Abraa̱n, kisꞌiee̱ ngo ndí xi ꞌmí Isaa̱, kó xi ma jin ni̱xtjin nga katsen, katsꞌeén sirkunsisioo̱n, kó Isaa̱ ti̱ bo̱a̱ ti̱ katsꞌénjo̱ ndií, kui xi kiꞌmí Jako̱b nga, kó Jako̱b ti̱ bo̱a̱ ti̱ katsꞌénjo̱ nga tiejó ndií, kui xi xota̱ xi tji̱e̱ xcháná.

Ndeuteronomio̱ 21:15

»Tsi ngo nda̱ xi jó ka̱ma chjo̱ón, kó tsi nga joó nga kꞌuieé ndí, ta̱nga tsi ta̱ ngo tsí xi tjoó, kó tsi tjójiín xi ingoo̱. Kó tsi ndí xi tjoón kui nda̱a̱, na̱ xi tjójiín boá xi kisꞌiee̱, kjiꞌanga sa̱ꞌínda xo̱jo̱n nínga kjitꞌa ni xi sa̱ko̱ó ndií, kui ndií, jó bo̱a̱ kjiꞌii̱ ni xi ku̱i̱ꞌíjñaá ndií xi ngasee̱ xi nga sakoó xi̱ꞌbi̱, ngatꞌa̱ kuí boá xi ndí tjoón. »Ka̱májín jó bo̱a̱ kjiꞌi ni xi sa̱ko̱ó ndií kui xota̱chjo̱on xi tjoó kui nda̱a̱, ngatꞌa̱ kuijín bo̱a̱ xi ndí tjoón. Ndí xí ja̱koxi̱ nga kui xi tjoón, kuí boá xi tjiín kjo̱a̱nda nga jó bo̱a̱ kjiꞌi ni xi sa̱ko̱ó, ngatꞌa̱ kuí boá xi tjón katsen. Tsi kje̱ꞌe tsꞌén si̱ꞌan kui nii̱, ja̱ ndajín si̱ꞌanjo̱ ndí xí ja̱koxi̱ nga kui xi tjoón tsobo̱a̱.

Na̱ Ruu̱t 4:13

Ngije jaꞌa chiboa ni̱xtjin Boo̱ ixánjo̱ na̱ Ruu̱t, kó Néná katsjaá ngi̱ndie nga tsaꞌa ndí.