Jenesii̱s 28:20 - Xo̱jo̱n eén Néná

²⁰ Sꞌe̱ jaskan Jakoo̱b bi̱ katsó nga sa̱ꞌínkjatjosón ngo ni: «Tsi Néná ko̱e̱je̱jona, kó tsi skónna ndi̱yà nínga tsꞌénfí an, kó tsi tsja̱ana ni xi skjíni̱e̱ an ko̱jo ńjño xi koajà an,

Jenesii̱s 28:20 ပူးပေါင်းရင်းမြစ်များ

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 31:13

Án boá kui Ne xi kamáyè ji ki̱a̱ Betee̱l, nínga kachjatjénjen ji isti̱ ngo ndi̱jo̱, kó katseꞌéní ndso̱ꞌbe nga si̱ꞌinkjatjosénní. Kó ngotꞌe̱ ꞌne̱ ti̱sítji̱n ji, kó tja̱tje ji kui ngi̱ndiee̱, kó tꞌen nginí ji nangi Kanaa̱n nínga katsen ji”.»

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Xo̱jo̱n Salmoo̱ 116:14

kó sa̱ꞌinkjatjosón an ni xi kixiyatjón an nga sa̱ꞌin an, ngindyi̱ko̱n xota̱ na̱xi̱ńdáa̱.

Xo̱jo̱n Salmoo̱ 116:18

Ki̱a̱ ndi̱tsee̱n na̱ngo̱xi̱i̱, ki̱a̱ ngamasiee̱n na̱xi̱ńdáꞌniú Jerusale̱n, ko̱jo ngindyi̱ko̱n ngayeje xota̱ na̱xi̱ńdáa̱, sa̱ꞌinkjatjosón an ni xi kixiyatjoón nga sa̱ꞌin an. ¡Si̱ꞌantsjàa̱ Néná!

Xo̱jo̱n Salmoo̱ 119:106

Sa̱ꞌinkjatjosón an ni xi kixiyatjoón nga sa̱ꞌin an: kuintꞌieꞌée̱n kjo̱a̱botíxoma kixi̱i̱.

Xo̱jo̱n Salmoo̱ 22:25

Jí boá xi tsꞌenkjoó kjiꞌanga tsꞌéntsjaà ki̱a̱ ngi̱jii̱n xota̱ xi matikoó. Sa̱ꞌinkjatjosón an ni xi indajoo̱ ji ngindyi̱ko̱n xota̱ na̱xi̱ńdá xí bendikoón.

Xo̱jo̱n Salmoo̱ 56:12

Ji Ne, foaꞌátsjienna ni xi kixiyatjoón nga sa̱ꞌinkjatjosón an, kó kꞌuichjíñaá nga tsjaa̱ kjo̱a̱tjó nga sa̱ꞌintsjaá.

Xo̱jo̱n Salmoo̱ 61:5

Ngatꞌa̱ ji Ne, jè kandaꞌyé ji ni xi kixiyatjoón nga sa̱ꞌinkjatjosón an, jí boá xi katseꞌée̱ tꞌanangi xota̱ na̱xi̱ńdá xí bendikón jaꞌée̱n.

Xo̱jo̱n Salmoo̱ 61:8

Bo̱a̱ tsꞌén siée̱ salmo̱ jaꞌée̱n ngatsjéni̱xtjin, kó ndyiojón ndyiojón sa̱ꞌinkjatjosoón ni xi kixiyatjoón nga sa̱ꞌin an.

Xo̱jo̱n Salmoo̱ 66:13

Kꞌosꞌi̱e̱n an ki̱a̱ na̱ngo̱xi̱i̱ nga kjóchojo̱ an kjo̱a̱tjó xi ndikón nganda tse̱, kó bo̱a̱ tsꞌén kꞌuichjií ni xi kixiyatjoón,

Xo̱jo̱n Salmoo̱ 76:11

Si̱ꞌankjatjosóo̱n Néná ngayeje ni xi kiꞌmíyatjóo̱n nga si̱ꞌán, ngayeje jún xota̱ na̱xi̱ńdá xi tindyiontꞌájnú, ndibájo̱jnúu̱ kjo̱a̱tjó kui Néná xi fíndikónná.

Juaa̱ 1:16

Ngatꞌa̱ kjo̱a̱nda tsiee̱ Néná jatjoni ngayeje ni xi katsjáná. Katsjáná ngo kjo̱a̱nda sꞌe̱ katsjá nginíná ingo kjo̱a̱ndaa̱,

Ni xi kamá 18:18

Kó achichí kjín ni̱xtjin kamá ngasee̱ Pabloo̱ nga kisꞌijña na̱xi̱ńdáꞌniú Korinto̱. Sꞌe̱ jaskan ngije katsꞌénkixotꞌa já ntsꞌiee̱, nijan kijíjo̱ na̱ Prisilaa̱ ko̱jo Akilaa̱ nga kijíyà ngo tjotso je nga kijí nangi Siria̱, kó ki̱a̱ na̱xi̱ńdáꞌniú Senkrea̱ nga tikón ngase Pabloo̱, ngindiee̱ nga ko̱e̱je̱, íjón taka takaa̱ to̱ko̱, tsi̱ꞌe̱ nga katsꞌénkjatjosón ngo ni xi je tsíchji̱a̱tjoón Néná nga sa̱ꞌín.

1 Timoo̱ 6:8

Kuíni nga tsi tikónná nichinie ko̱jo ńjño xi xcha̱já, tsjangatꞌiéná kjo̱a̱a̱ kui nii̱.