Jenesii̱s 28:15 - Xo̱jo̱n eén Néná

¹⁵ Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 28:15 ပူးပေါင်းရင်းမြစ်များ

Jenesii̱s 21:20

Ngije kamáxchá kuí nda̱chií, ki̱a̱ kisꞌijña nangi kixií Paraa̱n. Kó ki̱a̱ kamaá nga nda katsꞌénxájo̱ yáchjonyá ko̱jo yáyojó, kó Néná ngatsjéni̱xtjin asíko̱jo. Kó nga jachó ni̱xtjin, na̱aa̱n ki̱a̱ tsangii̱ ngo na̱ xi chji̱a̱ni nangi Ejipto̱ xi kisꞌijñajo̱ kui nda̱a̱.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 30:25

Ngije jaꞌa ni̱xtjin nga katsen ndií na̱ Rakee̱l kui xi ꞌmí Kosiee̱, Jakoo̱b bi̱ katsoó Labaa̱n: —Te̱ꞌéní ínchjínna, ko̱jo ndína, ngatꞌa̱ ta̱ngatꞌanii̱ kui nga je katsꞌenxá kjo̱a̱ndaa̱ ji, kó te̱ꞌéndièní nga kjuín ngiñá an nangina.

Jenesii̱s 31:13

Án boá kui Ne xi kamáyè ji ki̱a̱ Betee̱l, nínga kachjatjénjen ji isti̱ ngo ndi̱jo̱, kó katseꞌéní ndso̱ꞌbe nga si̱ꞌinkjatjosénní. Kó ngotꞌe̱ ꞌne̱ ti̱sítji̱n ji, kó tja̱tje ji kui ngi̱ndiee̱, kó tꞌen nginí ji nangi Kanaa̱n nínga katsen ji”.»

Jenesii̱s 31:3

Kósꞌe̱ Néná bi̱ katsoó Jakoo̱b: «Tꞌen nginí ji nangi nínga síndo xi xcháa̱ ko̱jo xota̱ xingi̱ ji, kó án ki̱a̱ kjótsoꞌbájoo̱».

Jenesii̱s 31:5

kó ki̱a̱ bi̱ katsoó: —Na̱ꞌmijnú jè ngiti̱ bo̱a̱jín tsꞌén tsꞌensénna xikoó ngasꞌe̱. Jún yàjnú nga ta̱nisién ꞌniú nda katsꞌenxájo̱ an na̱ꞌmijnú, ta̱nga kuí ta̱ngongá tsꞌénꞌboṉcha̱jona, ngatꞌa̱ kjín ndi̱yà asíkjo xikó kjiꞌi ꞌbíchjína, ta̱nga Néná xí tsi̱ꞌe̱ na̱ꞌmina asíko̱jona, kó katsjandièjiín nga ndajínkjiꞌi ni xi sa̱ꞌínjo̱na.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Jenesii̱s 35:3

ngatꞌa̱ chjiéngá Betee̱l kongín, tsi̱ꞌe̱ nga ngindyi̱ko̱n Néná konginkíndyiá. Ki̱a̱ boá nínga sa̱ꞌindàa̱ ngo ṉchandikón Néná, tsi̱ꞌe̱ nga tsjàa̱ ndokꞌóchjì, ngatꞌa̱ kuí boá xi asíko̱jona kjiꞌanga kisꞌiena kjo̱a̱xti. Néná boá xi ngatsjéni̱xtjin tsoꞌbájo̱na ndi̱yà xí tsoꞌbá an».

Jenesii̱s 39:2

Achichí nda kisꞌijña Kosiee̱ ndiꞌaa̱ nda̱ Ejiptoo̱ xi ndi̱a̱a̱ kamá, ngatꞌa̱ Néná tikónjo̱.

Jenesii̱s 39:21

Néná to̱kó asíko̱jo ngase, kó akoó kókjiꞌi tjoó, ngatꞌa̱ Néná xí katsꞌén nga nda̱ ngito̱ko̱ xi tsꞌénkonda ndo̱bo̱a̱ya̱à nda katsꞌénjo̱ Kosiee̱.

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Jenesii̱s 48:21

Jaskan Jakoo̱b, bi̱ katsoó Kosiee̱: —Jè ta̱ chiboa tsí ni̱xtjin chajana nga ko̱yà án, ta̱nga Néná kꞌuijñájo̱jnú, kó kuí boá xi kjo̱jo nginií nangii̱ na̱ꞌmindyiboáa.

Xo̱jo̱n Salmoo̱ 46:11

Néná xí tsi̱ꞌe̱ jájuún kꞌi̱e̱ tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 46:7

Néná xí tsi̱ꞌe̱ jájuún ñá boá xi tikónjinná, Néná boá xi kónná, Nee̱ Jakoo̱b.

Xo̱jo̱n Salmoo̱ 91:11

Ngatꞌa̱ Néná sa̱ngíyá ndítsjiee̱ tiña nínga tindyin ji, tsi̱ꞌe̱ nga skoón ngayeje ndi̱yà nínga ku̱i̱ńtje̱ ji.

Éksondo̱ 13:11

»Kó ngije Néná katsꞌénkꞌasꞌienjnú nangi Kanaa̱n, kui ngi̱ndie xi katsoó xota̱ xi xchájnú,

Éksondo̱ 3:12

Kó Néná bi̱ katsoó: —¡Moise̱, án boá xi kjótsoꞌbájoo̱ ngatsjéni̱xtjin! Kó tsi̱ꞌe̱ nga xchi̱e̱ ji nga an xi tsꞌéntsangiyaa, ngo chi̱bo̱a̱ tsjaa: Ngije kaꞌnaxié ji xota̱ Israee̱l, ngayeje jún kuí má kui na̱xi̱i̱ si̱ꞌandikónjnúꞌun.

Lebitiko̱ 26:42

»Án boá xi sa̱ꞌinkjatjosón an ni xi kixiyatjóo̱n Abraa̱n, ko̱jo Isaa̱, ko̱jo Jakoo̱b, kó sa̱ꞌinchikonñé an tꞌanangi xi je kixian an nga tsjajnúꞌun,

Xki̱ 23:19

»¡Néná jmí tsi bo̱a̱ kon xikoó ñá! Jmí éndísó chji̱a̱jín, ti̱nde bosíkjojín xi kókón kui. Néná tsꞌénkjátjosón ni xi tsáyàtjón nga sa̱ꞌín.

Xki̱ 6:24

“Néná ngatsꞌénchíkonñeé, kó ngatsjéni̱xtjin nga koon,

Matioo̱ 18:20

Ngatꞌa̱ nínga jó ko̱jo tsi ján xota̱ ka̱matikó xí sꞌijii̱n an, ki̱a̱ kotíjña̱jìi̱n ngamasiee̱n.

Matioo̱ 24:35

Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Ndeuteronomio̱ 30:3

Néná ni̱ma̱ ka̱maa̱ jún, kó ingo ndi̱yà nginí sa̱ꞌínchikonñéjnú. Sa̱ꞌínkjín nginíjnú ki̱a̱ na̱xi̱ńdá nínga tjón katsangiyajnú. Ndatsi je ꞌniú kjin nínga tindyiónjnú, Néná ko̱ngasejnú, kó kji̱ndi̱bájo̱ nginíjnú ki̱a̱ na̱xi̱ńdá xi katsóyàtjoón nga tsja̱á xota̱ xi xchájnú. Kó ki̱a̱ boá nínga ndatsꞌèn ku̱i̱ndyionjnú, kó kjín ngase ndí kꞌuiéjnú ta̱bo̱a̱jiín xota̱ xi xchájnú.

Ndeuteronomio̱ 31:6

Chjiéngá ꞌniú ko̱jo chꞌokon ngatamajnú, ngatꞌa̱ Néná boá xi skja̱n ngajojnú, ngata̱ ndakonjínmájnúu̱ kui xota̱ na̱xi̱ńdaá, ngatꞌa̱ Néná jmíni̱xtjin ku̱i̱ꞌíjñámasienjnú».

Ndeuteronomio̱ 31:8

Ti̱ kuíní Néná xí ko̱e̱je̱tjoón, kó kuí boá xi ko̱síko̱joo̱ ngayeje ni xi si̱ꞌin ji, jmíni̱xtjin ku̱i̱ꞌíjñámasiee̱n. ¡Ngata̱ ndakinjín má, ꞌna̱xié ji kjo̱a̱tsiendikóo̱n!»

Ndeuteronomio̱ 7:9

»Kuíni nga jún chjiéngá xcha̱ndikónjnú Néná, nga kuí boá xi Néná xí ja̱koxi̱i̱. Néná tsꞌénkjátjosón ni xi índajo̱ ngayeje xota̱ tji̱e̱ xi tsꞌéntjó, ko̱jo xi ntꞌiéꞌeén kjo̱a̱botíxomaa̱,

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.