Jenesii̱s 28:14 - Xo̱jo̱n eén Néná

¹⁴ ¡Xota̱ tji̱e̱e̱ kjín ka̱ma xikó maá xa̱a̱ tꞌanangii̱! Kó kꞌi̱e̱ kꞌuíndo ngayeje kui na̱xi̱ńdaá, kó ngatꞌaa̱ ji ko̱jo xota̱ tji̱e̱ tse̱ boá nga ngayeje xota̱ na̱xi̱ńdá xí tjín nga̱sondiee̱ ka̱machikonñé.

Jenesii̱s 28:14 ပူးပေါင်းရင်းမြစ်များ

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 13:14

Ngije xín kijí Loo̱t, Néná bi̱ katsoó Abra̱n: «Abra̱n, ngotꞌe̱ ꞌne̱ chjanínkꞌé ji kje̱n, kó ki̱a̱ nínga tindyin ji tsitsíjìi̱n xtji̱e̱e̱n ta̱ꞌin, xtji̱e̱e̱n nangi, xtji̱e̱e̱n nínga fotjo tsꞌueé, ko̱jo xtji̱e̱e̱n nínga ꞌbosꞌien tsꞌueé.

Jenesii̱s 13:15

Ngatꞌa̱ ngayeje kui tꞌanangi nínga tsꞌén be ndyikin ji, kuí boá xi ngatsjéni̱xtjin tsjaa ji ko̱jo ngayeje xota̱ tji̱e̱ tse̱.

Jenesii̱s 13:16

Kó án boá xi sa̱ꞌin an nga kjín ka̱ma xota̱ tji̱e̱ tse̱, xikó maá nga jmíjín xi ka̱maa̱ ku̱i̱ꞌíxki̱ xa̱a̱ tꞌanangii̱, bo̱a̱ má tsꞌén jmíjín xi ka̱maa̱ ku̱i̱ꞌíxki̱ xikó kjiꞌi ka̱ma xota̱ tji̱e̱ tse̱.

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Jenesii̱s 48:19

Ta̱nga Jakoo̱b kamámejénjiín bo̱a̱ katsꞌén, kó bi̱ katsó kui: —Jè be an xi̱ꞌin, jè be an. Manasee̱ ti̱ bo̱a̱ ti̱ tsꞌén ngo na̱xi̱ńdá xi je ka̱ma ndií nga, ta̱nga ndíi̱ xi kjindí ngasee̱ ꞌniú ngase xcha̱ndikón kuí, ta̱bo̱a̱jiín xi ingoo̱, kó xota̱ tji̱e̱e̱ kui, ngo xtín na̱xi̱ńdá ka̱ma.

Xo̱jo̱n Salmoo̱ 72:17

¡Ngatsjéni̱xtjin nganiꞌánkjaꞌátsjien jaꞌeén kui ree̱! ¡Ngatsjéni̱xtjin ngatamayandikón jaꞌeén tji̱e̱nga tikón tsꞌueé! ¡Kó kui jaꞌeén xi ngatsꞌénchíkonñéni xkjín xotaa̱! ¡Ngayeje na̱xi̱ńdaá xi achichíra̱tsjaa̱ nga tsó!

Éksondo̱ 32:13

Ngatjaꞌátsjiee̱n ni xi ja̱koxi̱ nga sa̱ꞌinkjatjosón an kasée̱ Abraa̱n, ko̱jo Isaa̱, ko̱jo Jakoo̱b. Jí boá xi bo̱a̱ kasée̱ nga ji xi si̱ꞌin ji nga xota̱ tji̱e̱e̱ ngo na̱xi̱ńdá xí je si̱ꞌin ji, kó nga kjín ka̱ma xikó maá ńño xi tjín nkꞌa jàn, kó nga ngatsjéni̱xtjin ko̱e̱ꞌée̱ tꞌanangi xi chji̱a̱ni nangi Kanaa̱n.

Xki̱ 23:10

»¡Xota̱ nda boá xota̱ Israee̱l! Jmíjín xi ka̱maa̱ ku̱i̱ꞌíxki̱. ¡Xota̱ xi tjiín kjo̱a̱xió boá xota̱ Israee̱l! ¡Achichíra̱ ndatsi bo̱a̱ kon ka̱ma an xikoó kui xotaa̱!»

Matioo̱ 8:11

Kó xiyàjnúꞌun nga achichí má xota̱ xi kji̱ndi̱báni nínga fotjo ko̱jo nínga ꞌbosꞌien tsꞌueé, xi kꞌuíndotꞌajo̱ yámíxa̱ Abraa̱n, ko̱jo Isaa̱, ko̱jo Jako̱b ki̱a̱ nínga botíxomaa̱ Néná,

Ni xi kamá 3:25

Jún boá xi xikoó tsi ndií já chji̱ni̱e̱ꞌe̱én Néná, ko̱jo ni xi índajo̱ Néná xota̱ tji̱e̱ xcháná, nga bi̱ katsoó Abraa̱n: “Ngayeje xota̱ na̱xi̱ńdá xí tjín nga̱sondiee̱ nda ka̱mataꞌin ngatꞌaa̱ xota̱ tji̱e̱ xi kꞌuieé ji.”

Xota̱ Ngalasia̱ 3:16

Ngotꞌe̱ ꞌne̱ ndakjíꞌí, Néná katsóyàtjoón Abraa̱n ni xi tsja̱á ko̱jo xota̱ tji̱e̱e̱. Ta̱nga xo̱jo̱o̱n chji̱a̱jín kjo̱a̱a̱ xota̱ tji̱e̱ xi kjín, chji̱a̱ nga ta̱ ngo tsi, nga bi̱ tsó: “Tji̱e̱ xi tse̱”, tjítsó. Kui tji̱e̱e̱ kuí xí Kristoo̱.

Xota̱ Ngalasia̱ 3:8

Kó xo̱jo̱n eén Néná kisitꞌa tjón tjón nga Néná sa̱ꞌínkixi̱ xota̱ nga̱sondiee̱ ta̱ngatꞌanii̱ nga Néná sꞌijii̱n, kó Néná katsóyàtjoón Abraa̱n nga bi̱ katsoó: “Ji sa̱ꞌinkjieén tsi̱ꞌe̱ nga ta̱ngatꞌanii̱ ji nga nda ka̱machikonñé ngayeje na̱xi̱ńdá xí tjín nga̱sondiee̱.”

Xota̱ Éfeso̱ 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱. Kui xi katsꞌén nga ngi̱jii̱n Kristoo̱ kasakoná ngayeje to̱ko̱ya kjo̱a̱niꞌánchikonñé, xi ndibání ndiꞌakꞌajmi jàn xi tsjáná a̱si̱énni̱xtjii̱n.

Ndeuteronomio̱ 12:20

Ta̱nga ngije Néná katsꞌénkjatjosón ni xi katsóyàtjón nga sa̱ꞌín, kó ngije katsꞌéntsié tꞌanangi xi tsa̱jún, kó tsi mejénjnú xi̱ni̱e̱jnú yojo, ka̱má xi̱ni̱e̱jnú tsi bo̱a̱ tsꞌén mejénjnú.

Ni xi akakoo̱ 7:4

Kó tsintꞌie an kótjín kamá xi kiniꞌánkaꞌa kui chi̱bo̱a̱a̱: Úchán ko̱jo yichán nijón mi̱ ma xi chji̱a̱ni tji̱e̱e̱ xota̱ xi chji̱a̱ni Israee̱l.

Ni xi akakoo̱ 7:9

Ngije kamá kui nii̱, askotsijen an kó kamábe an achichí ꞌniú kjín xota̱ xi ngaskande nde ta̱ꞌyajín xi kamaá íxki̱, xota̱ xi chji̱a̱ni ngayeje na̱xi̱ńdá, ko̱jo ngayeje xtín xota̱, ko̱jo ngayeje to̱ko̱ya én, ko̱jo ngayeje nangi, ndyi̱a̱kixi̱ kui xotaa̱ kje̱n nínga tikón xi botixómaá, ko̱jo kje̱n cho̱tsa̱nga̱a̱, nga ndyi̱yajá ńjño tiboa, kó xka̱jèn ndyi̱yaꞌa ngi̱ya tsja.