Jenesii̱s 25:20 - Xo̱jo̱n eén Néná

²⁰ Yichán noó Isaa̱ nga kisꞌijñajo̱ na̱ Rebekaa̱, kui xi tsa̱kji̱ín Betuee̱l, ndichja Labaa̱n kui xi xota̱ Araa̱n xi kisꞌińdo Pandaa̱n-Araa̱n.

Jenesii̱s 25:20 ပူးပေါင်းရင်းမြစ်များ

Jenesii̱s 24:15

Kó ti̱ tsꞌénchji̱a̱ ngasee̱ Néná kuí nda̱ mosoo̱ nga jachó na̱ Rebekaa̱ nga tsꞌényaꞌa ngo nisa ndáfoa nga̱són tjiaa̱. Na̱ Rebekaa̱ tsa̱kji̱ín Betuee̱l boá, ndíndee̱ na̱ Milka̱ chjo̱ón Najoo̱r, ntsꞌi̱e̱ Abraa̱n.

Jenesii̱s 24:29

Kó Labaa̱n, ntsꞌi̱e̱ na̱ Rebekaa̱ nga kamábe sti̱ngaroo̱ ko̱jo ngo ni xi ꞌbíkjá ndsa̱ xí yaꞌa na̱ Rebekaa̱, kó nga tsintꞌié ni xi katsó ndichja, kui nda̱a̱ tsanga má kijí ndi̱tsén jàn, kó kamábe nga ki̱a̱ síndo kui nda̱ mosoo̱ ko̱jo cho̱toꞌoyitsꞌeèn ki̱a̱ tꞌa ndáńchꞌií.

Jenesii̱s 24:67

kó Isaa̱ kijíjo̱ na̱ Rebekaa̱ ndiꞌa xi tji̱xi̱ín cho̱ kiniꞌándanii̱ nínga kisꞌijña na̱ Sara̱ na̱aa̱n Isaa̱, sꞌe̱ ixánjo̱, kó bo̱a̱ tsꞌén nga na̱ Rebekaa̱ chjo̱ón Isaa̱ kamá. Kui nii̱ xi asíko̱jo Isaa̱ nga tsá katsꞌénchíyà nga kꞌien na̱aa̱n.

Jenesii̱s 25:26

Jaskan katsen ntsꞌi̱e̱ Esauu̱, kó Jakoo̱b ikítꞌa jaꞌén, ngatꞌa̱ kjiꞌiꞌniú chikín chikiín tji̱ngi̱ se Esauu̱. Ichítié ko̱jo tie noó Isaa̱ nga katsꞌén ndí ꞌni̱o̱o̱ na̱ Rebekaa̱.

Jenesii̱s 27:43

Kó kuíni nga xi̱ꞌin, ndaꞌyéꞌínní ni xi xiaán, ta̱sá tꞌen ji ndiꞌaa̱ ntsꞌié án xi ꞌmí Labaa̱n kui xi tikón nangi Araa̱n,

Jenesii̱s 28:2

Ta̱sá tꞌen ji nangi Pandaa̱n-Araa̱n, ndiꞌaa̱ na̱ꞌmindyiboáa Betuee̱l, kó ki̱a̱ ti̱xenje̱ ji ngo ndichjexti ji xi ndí ínchjiín Labaa̱n.

Jenesii̱s 31:20

Kó kijíjo̱ ngayeje ni xi kisꞌiee̱, tsꞌenṉcha̱jo Labaa̱n ngatꞌa̱ jmí ni katsójiín nga je tsꞌénfí. Kó ngije jaꞌatio ndejèꞌ Éufratee̱, kijí xtji̱e̱e̱n na̱xi̱ Ngalaa̱nd.

Jenesii̱s 33:18

Kjiꞌanga Jakoo̱b kijíꞌoyá nginí nangi Pandaa̱n-Araa̱n, nda jachó ngo na̱xi̱ńdá nínga tikón ngo nda̱ xi ꞌmí Sikee̱n, kui xi ndií Jamoo̱r. Kui ngindiee̱ ki̱a̱ tikón nangi Kanaa̱n, kó Jakoo̱b ki̱a̱ tsꞌatsie chií tꞌanangi xi úchán to̱ntiboa íchjínií ndií Jamoo̱r, kui tꞌanangii̱ ki̱a̱ kisꞌijña kje̱n na̱xi̱ńdaá, kó ki̱a̱ katsꞌénda Jakoo̱b ndiꞌaa̱ kui xi tji̱xi̱ín cho̱ kamándani. Kó ki̱a̱ katsꞌénda ngo ṉchandikón kui xi, Néná xí tsi̱ꞌe̱ Israee̱l, ítꞌajaꞌén.

Jenesii̱s 35:26

Ndí xí kisꞌiee̱ na̱ Silpaa̱ na̱ chji̱ni̱e̱ꞌboo̱ na̱ Liyaa̱, kuí boá xi Ngaa̱nd ko̱jo Asee̱r. Kuí bí xí kamá ndií Jakoo̱b xi katsen nga kisꞌijña ki̱a̱ nangi Pandaa̱n-Araa̱n.

Jenesii̱s 35:9

Ngasꞌe̱ Néná jatjokjaà Jakoo̱b kjiꞌanga kijíꞌoyá nginí Pandaa̱n-Araa̱n, kó katsꞌénchikonñé.

Jenesii̱s 46:15

Kantié ján kamá ngayeje xota̱ tji̱e̱ xi kisꞌiee̱ Jakoo̱b ko̱jo na̱ Liyaa̱, kui xi katsen ki̱a̱ nangi Pandaa̱n-Araa̱n, ko̱jo ndíndee̱, ko̱jo ndí chjo̱ón Jakoo̱b kui xi ꞌmí na̱ Ndinaa̱.

Rkaa̱ 4:27

Kó ti̱ bo̱a̱ ti̱ tsꞌén ki̱a̱ Israee̱l kjín má xota̱ xi tjiín chiꞌin xi tsꞌénkjátsón tji̱xin yojoná kisꞌie kui ni̱xtjin jàn, nga kisꞌijña nda̱ chji̱ni̱e̱ꞌe̱én Néná xi ꞌmí Eliseoo̱, ta̱nga nde ngojín kui jaá xi kamátsjiejón, ta̱kuítsí nda̱ xi ꞌmí Naamaa̱n xi chji̱a̱ni nangi Siria̱.

Ndeuteronomio̱ 26:5

Kósꞌe̱ kui xi sa̱ꞌínkꞌasꞌien kui ni̱se̱nya̱á, bi̱ ka̱tso̱: “Xota̱ xi xchána ki̱a̱ tsíchji̱a̱ni ngo xtín xota̱ arameo̱ xi kisꞌiejiín ngo ngi̱ndie nínga kisꞌińdo síkijí. Ki̱a̱ kijíkꞌíndo nangi Ejipto̱, kó ki̱a̱ kamá ngo xtín na̱xi̱ńdá xi kjín kamá ko̱jo xi ꞌniú kamá.