Jenesii̱s 25:18 - Xo̱jo̱n eén Néná

¹⁸ Xota̱ tji̱e̱e̱ Ismaee̱l ki̱a̱ kisꞌińdo nangi Abilaa̱ ngaskande xtji̱e̱e̱n na̱ngi, tiñaa̱ tsindioó na̱xi̱ńdá Ejipto̱ xtji̱e̱e̱n na̱ngi, ki̱a̱ ngándá nínga kisꞌińdo xkjín.

Jenesii̱s 25:18 ပူးပေါင်းရင်းမြစ်များ

Jenesii̱s 10:7

Kuu̱ jun kamá ndií, kó kuí bí xi̱ꞌbi̱: Sebaa̱, Abilaa̱, Sabtaa̱, Raamaa̱, Sabtekaa̱, ko̱jo Nimrroo̱nd. Nimrroo̱nd kuí boá xi tjón tjón achichí ngaꞌniú kisꞌiee̱ kui tꞌanangii̱. Kó Néná katsjandieè nga ngo nda̱ xi tsꞌenkꞌién cho̱ kamá. Ki̱a̱ kjindibánii̱ én xí bi̱ tsoó: «Xikónií Nimrroo̱nd ji, ngo nda̱ xi Néná katsjandieè nga ngo nda̱ tsꞌenkꞌién cho̱ kamá». Na̱xi̱ńdá xí atíxoma Nimrroo̱nd kuí boá xi Babee̱l, Eree̱k, ko̱jo Akaa̱d, kó ngayeje kui ngi̱ndiee̱ ki̱a̱ kisꞌińdo Nangii̱ Babilonia̱. Kui ngi̱ndiee̱ ki̱a̱ jatjoni Asuu̱r, kui nda̱ xi katsꞌénda ngo na̱xi̱ńdáꞌniú xi ꞌmí Nínibe̱, ko̱jo Reoboo̱t Ii̱r, ko̱jo Kélaa̱j, ko̱jo Resee̱n kui na̱xi̱ńdáꞌniú xi kisꞌijña ngamasiee̱n nínga tikón Nínibee̱ ko̱jo Kélaa̱j. Raamaa̱ jó kamá ndií, kó kuí bí xi̱ꞌbi̱: Sebaa̱, ko̱jo Ndendaa̱n.

Jenesii̱s 13:10

Kó Loo̱t askotsijen nga ngo foaꞌatjiyajoo̱n, kó kamábe tꞌanangi són xi tikóntꞌa ndejèꞌ Jorndaa̱n nga tjín síkijí ndáfoa ki̱a̱a̱, ngatꞌa̱ ngindiee̱ nga sa̱ꞌínkjié Néná na̱xi̱ńdáꞌniú Sondoma̱ ko̱jo Ngomorra̱, ngayeje kui ngi̱ndie són xi ꞌmí Soaa̱r achichí tsjachon kamá, xikó maá Endee̱n, kui ngi̱ndie nínga tjitjíe̱ yá tjié xi tjón katsꞌénda Néná, kó achichí ni kamáxchá ki̱a̱a̱, xikó maá tꞌanangi nínga kisꞌijña na̱xi̱ńdá Ejipto̱.

Jenesii̱s 14:10

Kó ki̱a̱ nangi nínga soón Ndáchíkón Kꞌieèn, achichí kjín ndáńchꞌi̱ nínga tjo tjingóxkjà tjín, kó nga ndyi̱monga kui já re xi chji̱a̱ni Sondoma̱ ko̱jo Ngomorra̱, ki̱a̱ ixó ngi̱yaa̱ kui ndáńchꞌií, kó jájún xi ngasee̱ ngi̱jin kꞌijñá jàn tsanga.

Jenesii̱s 16:12

Ismaee̱l xikónií ngo ndi̱je̱ xi kji̱e̱ machji̱ni̱e̱jín ka̱ma ngi̱jii̱n xotaa̱, ngatꞌa̱ ngayeje xotaa̱ xi skjánjo̱ kui, ta̱nga ti̱ kuí xí ka̱manii̱ nga nda kꞌuijñá, ndatsi ngaskande ntsꞌi̱e̱ kondra̱ kꞌuíndonii̱.

Jenesii̱s 16:7

Nga jachó na̱ Angaa̱r tꞌa ndáńchꞌi̱ xi tikón nangi kixí ki̱a̱ xtji̱e̱e̱n ndi̱yà xi fí xtji̱e̱e̱n na̱ngi, ki̱a̱ jachókoón ndítsjie xi Néná,

Jenesii̱s 2:11

Ndejèꞌ xi tjoón kuí xí ꞌmí Piso̱n, kó kuí bí xi jaꞌatjiyajoo̱n ngayeje nangi Abila̱, nínga tjín to̱nsinié,

Jenesii̱s 20:1

Kó Abraa̱n jatjoni kui ngi̱ndiee̱ kó kijí xtji̱e̱e̱n nangi kixí xi tikón xtji̱e̱e̱n na̱ngii̱, kó ki̱a̱ kisꞌijña ki̱a̱ nangi Ngeraa̱r, kui ngi̱ndie xi tikón ngamasiee̱n na̱xi̱ńdá Kandee̱ ko̱jo na̱xi̱ńdá Suu̱r.

Jenesii̱s 21:14

Nga kamángindyiojón Abraa̱n achichí ta̱jñó jastjíe̱n iskjíbé pan ko̱jo ngo ti̱jìtjíxin ndáfoa, kósꞌe̱ katsjaá na̱ Angaa̱r nga íjñasón tjiaa̱, kó katsꞌénkixotꞌa nga tsangatji̱ngii̱ na̱ Angaa̱r ko̱jo ndií. Kó kui xota̱chjo̱on ko̱jo ndií ta̱xkiya kijí xtji̱e̱e̱n nangi kixií Beersebaa̱.

Xo̱jo̱n Salmoo̱ 78:64

kó chináꞌmii̱ ki̱cha̱ndojó kiniꞌánkjiesónni, kó ínchjín kꞌaán askjandánsénjín.

Éksondo̱ 15:22

Kó Moisee̱ katsjaá kjo̱a̱a̱ xota̱ Israee̱l tsi̱ꞌe̱ nga kjo̱tjoni nínga tikón Ndáchíkón Inií, kó tsintꞌiéꞌén kuí xotaa̱, sꞌe̱ kijí xtji̱e̱e̱n nangi kixí xi tikón xtji̱e̱e̱n na̱ngii̱, kó ján ni̱xtjin kisꞌiṉtso̱ma nga nde chií ndáfoa kasakojiín.