Jenesii̱s 25:11 - Xo̱jo̱n eén Néná

¹¹ Kó ngije kꞌien Abraa̱n, Néná katsꞌénchikonñé Isaa̱, kó kui nda̱a̱ ki̱a̱ kisꞌijñatꞌa nínga tikón kui ndáńchꞌi̱ xi ꞌmí «Ndáńchꞌií Néná xi tikoón ko̱jo be ngayeje nii̱».

Jenesii̱s 25:11 ပူးပေါင်းရင်းမြစ်များ

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 16:14

Ndeskande koó kjiꞌa kui ndáńchꞌií «Ndáńchꞌií kui Néná xi tikoón ko̱jo xi be ngayeje nii̱» kiꞌmí. Kui ndáńchꞌií ki̱a̱ tikón ngamasiee̱n na̱xi̱ńdá Kandee̱ ko̱jo na̱xi̱ńdá Beree̱nd.

Jenesii̱s 17:19

Sꞌe̱ bi̱ katsó Néná: —Ndatsi sꞌijinjiín, ta̱nga ja̱koxi̱ boá nga na̱ Saraa̱ tsjaá jí ngo ndí, kó Isaa̱ kꞌuítꞌe jaꞌén jí. Ngatsjéni̱xtjin nga kꞌuijñá kui ni xi tsꞌénꞌbindajoo̱ ji ngi̱jin xota̱ tji̱e̱ tse̱.

Jenesii̱s 24:35

Néná achichí tjítsꞌénchíkonñé ndi̱a̱na ngatꞌa̱ achichí cho̱n, Néná katsjaá cho̱tsa̱nga̱, ko̱jo cho̱yojo, ko̱jo to̱nsinié, ko̱jo to̱ntiboa, ko̱jo já moso̱, ko̱jo ínchjín moso̱, ko̱jo cho̱toꞌoyitsꞌe̱n ko̱jo bórró.

Jenesii̱s 24:62

Kó Isaa̱ ki̱a̱ kisꞌijña xtji̱e̱e̱n nangi kixí xi tikón xtji̱e̱e̱n na̱ngi, kó kui kamángixónján ki̱a̱ jachó nínga tikón kui ndáńchꞌi̱ xi ꞌmí «Ndáńchꞌií Néná xi tikoón ko̱jo be ngayeje nii̱».

Jenesii̱s 26:12

Ti̱ kuii̱ nó, Néná katsjaá Isaa̱ nga tsie ni tjié kamáxchaá, kó úchán bo̱a̱ kjiꞌi ngase ni xi ítji̱e̱ kui tꞌanangii̱ xi jaꞌátikó.

Jenesii̱s 50:24

Jaskan ngije jaꞌa ni̱xtjin, Kosiee̱ bi̱ katsoó já ntsꞌi̱e̱: «Jè ta̱ chiboa tsí ni̱xtjin chajaa̱ nga ko̱yà an. Ta̱nga nga sꞌijinjnú nga Néná boá xi kji̱ndi̱bákasikójojnú, kó kuí boá xi ko̱e̱je̱jo nginíjnú nínga tikón kui tꞌanangi xi katsóyàtjón nga tsja̱á Abraa̱n, Isaa̱ ko̱jo Jakoo̱b. Kó jún chjiéngá ngiboanéná tꞌínjnú nga kjiꞌanga kjo̱chó ni̱xtjin kongínjo̱jnú ńdana kꞌi̱e̱e̱ ngije ko̱yà an».

Xo̱jo̱n Salmoo̱ 112:2

Xota̱ tji̱e̱e̱ xota̱ xi kixi̱i̱ boá xi ko̱tíxoma na̱xi̱ńdaá, kó ngatsjéni̱xtjin nga ka̱machikonñé.