Jenesii̱s 21:22 - Xo̱jo̱n eén Néná

²² Ti̱ mejeén ti̱ kui ni̱xtjin Abimelee̱k ko̱jo Fikoo̱l nda̱ xtitjoón jájuún kijíkoón Abraa̱n, kó bi̱ katsoó: —Jè kamábe an nga Néná boá xi bosikójoo̱ ngayeje ni xi niꞌín ji.

Jenesii̱s 21:22 ပူးပေါင်းရင်းမြစ်များ

Jenesii̱s 20:14

Kósꞌe̱ Abimelee̱k iskjíbé cho̱tsa̱nga̱, cho̱yojo, moso̱ xi chjo̱on ko̱jo xi xi̱ꞌin, kó katsjaá Abraa̱n, sꞌe̱ katsjáꞌóyá nginií na̱ Sara̱ chjo̱ón Abraa̱n.

Jenesii̱s 20:17

Kósꞌe̱ Abraa̱n tsíchji̱a̱a̱ Néná, kósꞌe̱ Néná katsꞌéndaya Abimelee̱k, kó chjo̱ón ko̱jo ínchjín mosoo̱ kamá kisꞌie nginií ndí.

Jenesii̱s 20:2

Kui ngi̱ndiee̱ Abraa̱n katsóyà nga na̱ Saraa̱ ndichja boá, jmí tsi chjo̱ón, kuíni nga Abimelee̱k nda̱ re xi botixómaá nangi Ngeraa̱r, katsangiyakjaꞌá na̱ Saraa̱ tsi̱ꞌe̱ nga chjo̱ón sa̱ꞌín nga.

Jenesii̱s 26:26

Nga kamábe kui nii̱ Abimelee̱k, jatjoni nangi Ngeraa̱r kó jachókoón Isaa̱ nga kijíchji̱a̱jo kó ti̱ kijíjo̱ Ausaa̱k, ngo nda̱ xi nda yaꞌa ko̱jo Fikoo̱l ngo nda̱ xi ngito̱ko̱o̱ jájuún kamá.

Jenesii̱s 26:28

Kó bi̱ katsó kui jaá: —Jè kamáyàjne̱ nga Néná tikónjoo̱ ji, kuíni nga mejénjne̱ nga ngo ni kꞌuíndajo̱jne̱ ji, ta̱nga chjiéngá ngindyi̱ko̱n Néná si̱ꞌán kuí kjo̱a̱ꞌbíndaa̱.

Jenesii̱s 28:15

Kꞌi̱e̱ tikónjoo̱ ji, kó jmíni̱xtjin kꞌuijñámasiee̱n ngaskande nga kjo̱tjosón ni xi tꞌíxiaán. An skoon ta̱ nínga kꞌuin jí, kó an kjoéꞌe̱jo ngiñaá kui ngi̱ndiee̱».

Jenesii̱s 30:27

Kó Labaa̱n bi̱ katsoó: —Ngo kjo̱a̱nda kuíꞌaá, ngata̱ ꞌmijín ji, ta̱sá ti̱ndyinra ji kꞌi̱e̱e̱, jè kamábe an nga ta̱ngatꞌanií ji nga Néná katsꞌéncho̱nna,

Jenesii̱s 31:5

kó ki̱a̱ bi̱ katsoó: —Na̱ꞌmijnú jè ngiti̱ bo̱a̱jín tsꞌén tsꞌensénna xikoó ngasꞌe̱. Jún yàjnú nga ta̱nisién ꞌniú nda katsꞌenxájo̱ an na̱ꞌmijnú, ta̱nga kuí ta̱ngongá tsꞌénꞌboṉcha̱jona, ngatꞌa̱ kjín ndi̱yà asíkjo xikó kjiꞌi ꞌbíchjína, ta̱nga Néná xí tsi̱ꞌe̱ na̱ꞌmina asíko̱jona, kó katsjandièjiín nga ndajínkjiꞌi ni xi sa̱ꞌínjo̱na.

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Xota̱ Roma̱ 8:31

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

1 Xota̱ Korinto̱ 14:25

kó ni xi tjiꞌmaá ini̱ma̱a̱ ka̱matsijen, kó ko̱siéntikoó nga sa̱ꞌíndikón Néná, kó bo̱a̱ ka̱tso̱ nga ja̱koxi̱ boá nga Néná ki̱a̱ tikónjinjnú.

Xota̱ Ebreo̱ 13:5

Ngata̱ niꞌántjójínjnú to̱o̱n, tsja ngatamajnú xikó kjiꞌi ni xi tjínjnú ngotꞌe̱, ngatꞌa̱ Néná jè bi̱ katsó: “Jmí ni̱xtjin kꞌuijñá so̱bo̱a̱a̱, ti̱nde jmíni̱xtjin kꞌuijñámasiee̱n”.

Ni xi akakoo̱ 3:9

Án boá xi sa̱ꞌin an, nga kui xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱, kui xi xota̱ jundío̱ tsoó yojoo̱, kó kuijín bo̱a̱, nga ko̱e̱je̱kasiéntꞌaatikoó ji ngindie ndsa̱ki, tsi̱ꞌe̱ nga sku̱i̱e̱ nga tjóna ji.