Jenesii̱s 19:24 - Xo̱jo̱n eén Néná

²⁴ Kósꞌe̱ kjiꞌá boá nga Néná katsꞌénkixó ndiꞌí ko̱jo ndso̱ko̱a̱n asufre̱ ki̱a̱ nga̱soón na̱xi̱ńdáꞌniú Sondoma̱ ko̱jo Ngomorra̱.

Jenesii̱s 19:24 ပူးပေါင်းရင်းမြစ်များ

Jenesii̱s 13:10

Kó Loo̱t askotsijen nga ngo foaꞌatjiyajoo̱n, kó kamábe tꞌanangi són xi tikóntꞌa ndejèꞌ Jorndaa̱n nga tjín síkijí ndáfoa ki̱a̱a̱, ngatꞌa̱ ngindiee̱ nga sa̱ꞌínkjié Néná na̱xi̱ńdáꞌniú Sondoma̱ ko̱jo Ngomorra̱, ngayeje kui ngi̱ndie són xi ꞌmí Soaa̱r achichí tsjachon kamá, xikó maá Endee̱n, kui ngi̱ndie nínga tjitjíe̱ yá tjié xi tjón katsꞌénda Néná, kó achichí ni kamáxchá ki̱a̱a̱, xikó maá tꞌanangi nínga kisꞌijña na̱xi̱ńdá Ejipto̱.

Jenesii̱s 13:12

Kó Abra̱n ki̱a̱ kisꞌijña nangi Kanaa̱n, tji̱e̱nga Loo̱t ki̱a̱ kijíkꞌíjñá na̱xi̱ńdá xi síndotꞌa ndejèꞌ Jorndaa̱n, tiñaa̱ na̱xi̱ńdáꞌniú Sondoma̱.

Jenesii̱s 18:17

Ta̱nga Néná bi̱ tsꞌén katsꞌénkjó: «Ka̱májín kꞌuiꞌmáa̱ Abraa̱n ni xi sa̱ꞌin an,

Jenesii̱s 19:23

Jè má tjitjó tsꞌueé nga jachó Loo̱t ki̱a̱ na̱xi̱ńdá Soaa̱r.

Joo̱b 1:16

To̱kó tsꞌénchji̱a̱ ngase kui nda̱a̱ nga jachó ingo nda̱ xi yaꞌa ngo én, kó bi̱ katsoó Joo̱b: «¡Jí xingá Joo̱b, ngo ndiꞌií cho̱ꞌo̱n kjindibáni nkꞌa jàn, kó katsꞌénkꞌién cho̱tsa̱nga̱a̱ ko̱jo já xí koón kui cho̱o̱! ¡Kó ta̱ ngo chií an xi jatjongiꞌmana yojona, tsi̱ꞌe̱ nga kjoéꞌe̱tsáyaá kui nii̱ ji!»

Joo̱b 18:15

Ki̱a̱ kꞌuijñáꞌyá ndiꞌa xi tsi̱ꞌe̱, ta̱nga xikoó tsi kuijín tsi̱ꞌe̱ ka̱maa̱, kó ndso̱ko̱a̱n asufre̱ ku̱i̱xo̱ nga̱soón kui ndiꞌaa̱.

Xo̱jo̱n Salmoo̱ 11:6

Kuí boá xi sa̱ꞌínkixó ndiꞌí ngi̱jii̱n kui xotaa̱, ko̱jo ndiꞌí, ko̱jo ndso̱ko̱a̱n asufre̱, ko̱jo tjo̱ xi tsꞌénchjánná sa̱ngíyaá. Kuí boá ni xi tsoboaá kui xotaa̱.

Éksondo̱ 9:23

Kó Moisee̱ yején yánísieé xtji̱e̱e̱n nkꞌa jàn. Kó ti̱ kjiꞌa Néná katsꞌéntsennié cho̱ꞌo̱n nangi Ejiptoo̱, kó katsꞌénkjaꞌatꞌe ko̱jo katsꞌénkixó ndókoá.

Kjo̱a̱chaꞌaá 4:6

Ngatꞌa̱ kamátsié ngase ni xi ndajiín ki̱a̱ na̱xi̱ńdáꞌniú Jerusalee̱n, ta̱bo̱a̱jiín jé xí katsꞌén xotaa̱ ki̱a̱ na̱xi̱ńdáꞌniú Sondoma̱, kui ngi̱ndiee̱ ta̱niján má kiniꞌánkjié, kó jmí tsi xota̱ nga̱sondiee̱ xi bo̱a̱ katsꞌén.

Rkaa̱ 10:12

Kó xiyàjnúꞌun nga kui ni̱xtjin jàn, nga kui na̱xi̱ńdaá tsie ngase jé xí sa̱ko̱ó, ta̱bo̱a̱jínnii̱ na̱xi̱ńdáꞌniú Sondoma̱.

Ndeuteronomio̱ 28:24

Ngindiee̱ nga stsé sa̱ngíyájnú, ta̱sá xa̱ ko̱jo tsomí xi sa̱ngíyájnú ngaskande nga sa̱ꞌínkjié ngayeje nii̱.

Ndeuteronomio̱ 29:22

»Xota̱ Israee̱l xi jaskan stse̱n, ko̱jo xota̱ xi xín nangi kjin kji̱ndi̱báni sku̱i̱e̱ kui kjo̱a̱botíjé xí ta̱nisién ndajiín, ko̱jo chiꞌin xi Néná sa̱ngíyaá xota̱ na̱xi̱ńdaá.

Ndeuteronomio̱ 29:23

Kjiꞌanga skotsíjee̱n tꞌananginá, ta̱ ndso̱ko̱a̱n asufree̱ tsí, ko̱jo na̱xa̱ ko̱jo tꞌanangi kití xi sku̱i̱e̱. Ngiti̱ ka̱májín ni kꞌuítji̱e̱ tꞌananginá, ngatꞌa̱ ngiti̱ jmí ni tsja̱ajín tꞌanangii̱, nde kꞌijñá tsja̱ajín. Xikó maá tsi ndyi̱yà nga katsꞌénxchán Néná nga katsꞌénkjié na̱xi̱ńdáꞌniú Sondoma̱, ko̱jo Ngomorra̱, ko̱jo Andmaa̱, ko̱jo Seboii̱n.

2 Xo̱jo̱o̱n Peé 2:6

Néná ti̱ katsꞌénjeé nga katsꞌénkjié na̱xi̱ńdáꞌniú Sondoma̱ ko̱jo Ngomorra̱, kó ítí ngaskande nga ndiso kamá, tsi̱ꞌe̱ nga kui nii̱ xi chi̱bo̱a̱ kamaá xota̱ xi bendikónjín Néná.

Xo̱jo̱o̱n Jundaa̱ 1:7

Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.

Ni xi akakoo̱ 14:10

Néná sa̱ꞌínxchán, kó ꞌniú sa̱ꞌínjeé, ngo kjo̱a̱ni̱ma̱ xi ꞌniú sa̱ꞌínkjaꞌa ngi̱jin ndiꞌí, ko̱jo ngi̱jin asufre̱ xi tjítí ngindyi̱ko̱n ndítsjiee̱ ko̱jo cho̱tsa̱nga̱a̱.