Jenesii̱s 18:19 - Xo̱jo̱n eén Néná

¹⁹ Kuí xá jaꞌajin an kui nga ko̱tíxomaa̱ ndií ko̱jo xota̱ xi síndo ndiꞌaa̱ nga ku̱i̱ntꞌiéꞌénna ko̱jo nga ni xi nda ko̱jo ni xi kixi̱ sa̱ꞌín. Tsi bo̱a̱ sa̱ꞌín Abraa̱n, sa̱ꞌinkjatjosón an ngayeje ni xi je kixiyatjóo̱n nga sa̱ꞌin an».

Jenesii̱s 18:19 ပူးပေါင်းရင်းမြစ်များ

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 35:2

Kósꞌe̱ Jakoo̱b, bi̱ katsoó xota̱ xkjín ko̱jo xi ki̱a̱ síndojo̱: «Tꞌíndomasienjnú kui ni xi ne ndyi̱ꞌmìjnúu̱ xi síndojnú, sꞌe̱ jaskan ti̱ndáyájnú kó tasíkjojnú ńjñojnú,

Joo̱b 1:5

Ngije kamá nga ngo nga ngo kui sꞌué xí katsꞌén, Joo̱b katsangiyakjaꞌá ndií, kó tsíꞌaá Néná tsi̱ꞌe̱ nga sa̱ꞌínjetakoón ta̱jmì jéní xi katsꞌén kui jaá. Joo̱b achichí ta̱jñó fostjíe̱n nga tsꞌenkꞌásꞌieén Néná ngo kjo̱a̱tjó nga ítií cho̱ kjo̱a̱a̱ nga ngo nga ngo ndií. Joo̱b katsꞌén kui nii̱ ngatꞌa̱ katsꞌénkjó nga tsi ta̱ katsꞌénjé jaá nga chꞌo katsoó Néná, ko̱jo tsi chꞌo tsꞌén íjin ngi̱jin ini̱ma̱a̱. Kamángá maá Joo̱b nga kui nii̱ katsꞌén ndyiojón ndyiojón.

Xo̱jo̱n Salmoo̱ 1:6

Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.

Xo̱jo̱n Salmoo̱ 11:4

Néná ki̱a̱ tikón na̱ngo̱xi̱ tsjiee̱, kó ndiꞌakꞌajmii̱ boá nínga tikón ngi̱ndie xi botixómá, kó tsꞌénkotsijee̱n ko̱jo tsꞌénkotꞌa ni xi tsꞌén xota̱ nga̱sondiee̱.

Xo̱jo̱n Salmoo̱ 34:15

Néná ngatsjéni̱xtjin nga tsꞌénkotsijee̱n xota̱ xi kixi̱i̱, kó ntꞌieé kjiꞌanga ni̱ma̱ tsó nga chji̱a̱a̱.

Énkjínkón 22:6

Ti̱ꞌinchji̱ni̱ ji ndíi̱ ndeskande nga xi̱xi̱, kó ngaskande nga ka̱maxchá ku̱i̱ꞌíjñámasienjín ni xi akakoyée̱.

Lebitiko̱ 14:42

Jaskan ndi̱jo̱ xi tja̱tsi̱e̱ kꞌuíndoo̱ nínga kaꞌnaxié kui ndi̱jo̱ xi je kachjeꞌéxiín, kó kui xoó kjojòn nginí kje̱ꞌe ndáse xí tja̱tsi̱e̱.

Matioo̱ 25:17

kó nda̱ xi katseꞌeé jó to̱n talentoo̱, ngi jó katsꞌén ngase.

Juaa̱ 10:14

Án boá nda̱ nda xi koo̱n cho̱tsa̱nga̱a̱, kó be án cho̱tsa̱nga̱na, kó cho̱tsa̱nga̱na bena an,

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

Ni xi kamá 27:31

kó Pabloo̱ katsóyaà nda̱jun ngito̱ko̱o̱ ko̱jo jájuún, kó bi̱ katsoó: –Tsi kui jaá kꞌi̱e̱jín kꞌuíndo ngi̱yaa̱ tjotso jee̱, ti̱nde jún kjo̱tjoꞌajínjnú nga.

Xota̱ Éfeso̱ 6:4

Kó jún xi xi xchájnú, ngata̱ niꞌánxtindajínjnú ndíjnú, ta̱sá nda ti̱ꞌanchji̱ni̱e̱jnú, ko̱jo ndókjo̱a̱jojnú nga si̱ꞌanxchájnú xikótsꞌèn mejeén Ndi̱a̱ná.

Ndeuteronomio̱ 32:46

Ngi̱chií sájín Moisee̱, bi̱ katsoó xota̱ na̱xi̱ńdaá: «Nda má ti̱ꞌankjójnú kjo̱a̱a̱ ngayeje ni xi je akoyájnúꞌun, kó tatíxomájnúu̱ ndí xíꞌínjnú ko̱jo ndí ínchjínjnú, tsi̱ꞌe̱ nga ku̱i̱ntꞌiéꞌén nga ngo nga ngo kui kjo̱a̱botíxomaa̱.

1 Timoo̱ 3:12

Nda̱ xi ko̱síko̱jo já ngito̱ko̱o̱ na̱ngo̱xi̱i̱, chjiéngá ta̱ ngo tsi chjo̱on kꞌuieé, kó chjiéngá nda ko̱tíxomaa̱ ndií, ko̱jo xota̱ xi síndo ndiꞌaa̱.

2 Timoo̱ 1:5

Foaꞌátsjienna nga ngayeje ini̱ma̱a̱ nga sꞌijii̱n Néná. Tjón má na̱xcháa̱ xi ꞌmí na̱ Loindaa̱ kisꞌijii̱n, ko̱jo na̱áa̱n xi ꞌmí na̱ Eunisee̱ nga. Kó ngotꞌe̱ ꞌne̱ be an nga ti̱ bo̱a̱ ti̱ tsꞌén sꞌijii̱n ji nga.

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.