Jenesii̱s 15:1 - Xo̱jo̱n eén Néná

¹ Ngije kamá kui nii̱, Néná jatjokjaà Abra̱n nga akoó ngo ni, kó bi̱ katsoó: —Abra̱n, ngata̱ ndakinjín má ji, ngatꞌa̱ án boá xi tsꞌénkoón ji. Achichí tsie kjo̱a̱cho̱n xi sꞌe̱ tsjaa.

Jenesii̱s 15:1 ပူးပေါင်းရင်းမြစ်များ

Jenesii̱s 15:2

Sꞌe̱ Abra̱n bi̱ katsoó Néná: —¡Ne ko̱jo re tsa̱ꞌa̱n! Mítsjà ko̱e̱ꞌéní kjo̱a̱cho̱n xi nde ndí kji̱e̱ jmíjínna. Kó nga ko̱yà án, kui moso̱ xi xín chji̱a̱ni xi tsꞌénkonda ndiꞌana kuí xí tsi̱ꞌe̱ ka̱ma ngayeje ni xi tjínna. Sꞌe̱ Néná bi̱ katsoó: —Ndí xí tse̱ boá xi tsi̱ꞌe̱ ka̱ma ngayeje ni xi tjiín, jmí tsi tsi̱ꞌe̱ mosòo̱ Eliesee̱r.

Jenesii̱s 21:17

Kó Néná tsintꞌieé nga tsꞌénkjandayá nda̱chií, kósꞌe̱ ndítsjie xi Néná ndeskande ndiꞌakꞌajmii̱ tsíchji̱a̱a̱ na̱ Angaa̱r nga bi̱ katsoó: «Mí xí kjimaa na̱ Angaa̱r. Ngata̱ ndakinjín má ji, ngatꞌa̱ jè tsintꞌie an nda̱a̱ kui ndií.

Jenesii̱s 22:1

Jaskan ngije jaꞌa kjín nó, Néná askotꞌayákón Abraa̱n, kó tsíchji̱a̱a̱, sꞌe̱ bi̱ katsoó: «Abraa̱n, mejénna nga si̱ꞌinkꞌasꞌínní ngo kjo̱a̱tjó xi ndíi̱ Isaa̱, kui xi ndí ngototóo̱, kui xi achichí tjoó. Tꞌenje̱ ji ki̱a̱ nangi Moriaa̱j, ngo na̱xi̱ xi kokoo».

Jenesii̱s 22:20

Jaskan ngije jaꞌa ni̱xtjin, tjín xí kijítsáyaá Abraa̱n ngo ni nga bi̱ katsoó: «Xo̱ngòo̱ kui xi ꞌmí na̱ Milkaa̱, chjo̱ón Najoo̱r ntsꞌie ji, jin ndí jè kisꞌiee̱». Kuí bí xi̱ꞌbi̱ kui ndií: Uu̱, Buu̱, Kemuee̱l, Kesee̱nd, Asoo̱, Pilndaa̱, Indlaa̱f, ko̱jo Betuee̱l. Uu̱ boá xi ndí tjón kamá. Kemuee̱l boá xi kamá na̱ꞌmii̱ Araa̱n, kó Betuee̱l boá xi kamá na̱ꞌmii̱ na̱ Rebekaa̱.

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Xo̱jo̱n Salmoo̱ 115:10

Jún xi chináꞌmijnú, ti̱ꞌanꞌniátakónjnú Néná, ¡kuí boá xi bosikójoná ko̱jo xi kónná!

Xo̱jo̱n Salmoo̱ 142:5

Ji Ne, jí boá xi ꞌniú tsꞌénmíꞌaá ko̱jo bi̱ tꞌíxiaán: «¡Jí boá xi tichínní! ¡Kꞌi̱e̱ kui nga̱sondiee̱ jí boá ngayeje ni xi tjínna!»

Xo̱jo̱n Salmoo̱ 18:2

Ji Ne, jí boá xi xikoó ngo ndi̱jo̱je xi tsa̱ꞌa̱n, jí boá xi xikoó ngo ndiꞌaa̱ re, ko̱jo jí boá xi niꞌíndéní. Ne tsa̱ꞌa̱n, jí boá xi ngaꞌniúna, ko̱jo jí boá xi chínní, jí boá xi xikoó ngo ni xi ꞌbíchjaá ni xi ndajín, jí boá xi ꞌnaxiéꞌéní nga niꞌínkjìn jí ngaꞌniúu̱. Jí boá xi xikoó ngo ngi̱ndie xi ꞌniú nkꞌa nínga botíjña̱ ꞌma an.

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 3:3

Ta̱nga ji Ne, ta̱ jí tsí xi tichínní xikoó ngo ni xi ꞌbíchjaá ni xi ndajín, jí boá xi kjo̱a̱jena ji, kó jí boá xi chjaninkꞌe ji tokó án.

Xo̱jo̱n Salmoo̱ 3:4

Nda̱na katsꞌénkjién án nga tsíchji̱a̱a̱ Néná, kó ndeskande na̱ngo̱xi̱ tsjièe̱ katsꞌénsénna.

Xo̱jo̱n Salmoo̱ 5:12

Ji Ne, jí boá xi niꞌínchikonñí xota̱ xi kixi̱i̱, kó kjo̱a̱nda xi tjiín ji foaꞌatjiyajoo̱n kui, xikoó ngo ni xi ꞌbíchjaá ni xi ndajín.

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Xo̱jo̱n Salmoo̱ 84:9

Tsitsíjin ji Ne, ji xi ꞌbíchjée̱ ni xi ndajiín, tsitsíjìi̱n kje̱n kui xi ji kachjeꞌéjin ji.

Xo̱jo̱n Salmoo̱ 91:4

Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji, kjo̱a̱kixi̱i̱ kui, xikónií ngo ni xi ꞌbíchjaá ni xi ndajiín xi skoón jí.

Éksondo̱ 14:13

Kó Moisee̱ bi̱ katsoó xota̱ na̱xi̱ńdaá: —¡Xió tindyiónjnú, kó ngata̱ ndakonjínmájnú! Ngata̱ nda̱jín májnú, ngatꞌa̱ sꞌe̱ xcha̱jnú nga Néná boá xi kꞌo̱xiéꞌájnú. Kui xota̱ Ejipto̱ xi ndyi̱yajnú ngotꞌe̱, nginijánjín xcha̱jnú, ngatꞌa̱ Néná boá xi skja̱n ngajojnú.

Énkjínkón 11:18

To̱n xi tsꞌén xota̱ xi ꞌniú ndajiín, ta̱ ni xi ꞌboṉcha̱jo boá xi̱ꞌba̱, ta̱nga to̱n xi tsꞌén xota̱ xi kixi̱i̱, kuí boá xi ni xi nda xi niꞌaán.

Énkjínkón 30:5

»Tsjie boá ngayeje eén Néná, kó Néná boá xi koo̱n nga jmí ni ka̱májiín xota̱ xi kui maꞌniátakón.

Kjo̱a̱chaꞌaá 3:24

Kuíni nga ngayeje ini̱ma̱na nga bi̱ xian an: Néná boá xi ngayeje ni xi tjínna, kó kuí boá xi kjimaꞌniáko̱n an.

Xki̱ 12:6

Néná bi̱ katsoó nga jaán: «Nda má tasiénijónjnúꞌun. Ánní nga ma kon takónjnú nga chꞌo tsꞌén ndyi̱ndokjo̱a̱taꞌínjnú Moisee̱. Jè yàjnú jún nga kjiꞌanga tjín ni xi xiyàjnúꞌun, kjiꞌanga ngo chji̱ni̱e̱ꞌén tsꞌénkjién án, kuí boá kui chji̱ni̱e̱ꞌe̱én xi chjiájo an nga bokóo̱ ngo ni, ko̱jo tsi ngi̱jin ńjñaá chjiájo an. Ta̱nga Moisee̱, kuí boá xi ta̱nisién ꞌniáko̱n an ngi̱jii̱n ngayeje xota̱ xi tsꞌénxátꞌana, kó tíkje̱n tíkje̱n chjiájo an kui. Kó kuí boá xi xiya cha̱n cha̱a̱n nii̱, kó tsjandiè an nga be kje̱n án».

Xki̱ 18:20

Néná bi̱ katsoó Aaroo̱n: «Ki̱a̱ na̱xi̱ńdá Israee̱l ngayeje xota̱ tji̱e̱e̱, jè kui katseꞌeé nangi nínga síndo, ta̱nga xota̱ tji̱e̱e̱ Lebii̱ ngojín nangi tsjàa̱, ngatꞌa̱ án boá xi ka̱ma an ni xi sa̱ko̱ó kui xotaa̱. Kjiꞌanga an sa̱ꞌínkꞌasꞌienna tie nga úchán ni xi tjiín xota̱ Israee̱l, ngayeje kui nii̱ xi tsi̱ꞌe̱ xota̱ tji̱e̱e̱ Lebii̱ ka̱ma, xikoó tsi ngo chjí kjo̱a̱a̱ xá xí tsꞌén ki̱a̱ ndiꞌandikoón. Ta̱kuítsí kui xotaa̱ xi ka̱maa̱ ko̱e̱je̱ tiña nínga tikón ndiꞌandikoón. Tsi xota̱ Israee̱l ko̱e̱je̱ tiñatꞌa nínga tikón ndiꞌandikoón, ko̱yà, ngatꞌa̱ jè boá kui nii̱, kó chjiéngá niꞌánkꞌién xi bo̱a̱ tsꞌeén. »Chjiéngá kjo̱a̱kiti xi kꞌuijñá ngatsjéni̱xtjin ka̱majnú kui nii̱».

Xki̱ 24:4

»Ngajoo̱ Néná boá nga tsꞌénchji̱a̱ an, Kui Néná xi tjiín ngayeje ngaꞌniuú. Jè be an ni xi mejeén kui, ngatꞌa̱ kje̱n kui je kisꞌijña an.

Matioo̱ 28:5

Kó kui ndítsjiee̱, bi̱ katsoó ínchjiín: –Ngata̱ ndakonjínmájnú jún, ngatꞌa̱ jè be an nga Kjisoo̱ xí ndyi̱mindyiséjnú, nda̱ xi akjatꞌa kroo̱,

Matioo̱ 8:26

Sꞌe̱ Kjisoo̱, bi̱ katsoó: –Ánní nga ndyi̱ndakónjnú jún xota̱ xi sꞌijinjiín. Kósꞌe̱ Kjisoo̱ jastjíe̱n, kó katsꞌénxchánjo̱ tjo̱o̱ ko̱jo ndáchíkoón, sꞌe̱ kisꞌie xió xió nga̱són ndáfoaa̱.

Rkaa̱ 1:13

Ta̱nga ndítsjiee̱, bi̱ katsoó: —¡Sakariya̱, ngata̱ ndakinjín má ji! Ngatꞌa̱ Néná je tsintꞌieé ji ko̱jo chjóo̱n nga ndyi̱ndokjo̱a̱jnúu̱, kó na̱ Sabee̱ ngo ndí kꞌuieé, xi Jua̱ kuítꞌe jaꞌén jí.

Rkaa̱ 1:30

Sꞌe̱ ndítsjiee̱, bi̱ katsoó: —Na̱ Riya̱, ngata̱ ndakinjín má ji, ngatꞌa̱ Néná tsꞌéntsjaá kjo̱a̱ndaa̱.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Ni xi kamá 10:22

Kó kui jaá, bi̱ katsoó: –Nda̱jun ngito̱ko̱ xi ꞌmí Korniee̱ xí katsangiyajne̱, ngo nda̱ xi kixi̱ ko̱jo xi bendikón Néná xi nda tjindókjo̱a̱ kjo̱a̱a̱ kui ngayeje na̱xi̱ńdaá xota̱ jundíoo̱, kó ngo ndítsjiee̱ Néná katsóyaà kui nda̱a̱ nga ku̱i̱chji̱a̱a̱ ji, tsi̱ꞌe̱ nga kꞌuin jí ndiꞌaa̱, kó kuí ku̱i̱ntꞌie̱é ni xi ko̱ndókjo̱e̱je.

1 Xota̱ Korinto̱ 3:22

Tsi tsi̱ꞌe̱ Pabloo̱, tsi tsi̱ꞌe̱ Apoloo̱, tsi tsi̱ꞌe̱ Peé, tsi tsi̱ꞌe̱ nga̱sondiee̱, tsi tsi̱ꞌe̱ kjo̱a̱mindyioo̱n, tsi tsi̱ꞌe̱ kjo̱a̱bo̱yaa̱, tsi tsi̱ꞌe̱ ni xi kjima ngotꞌe̱, tsi tsi̱ꞌe̱ ni xi sꞌe̱ ka̱ma, ngayeje kui nii̱ nga tsa̱jún boá,

Ndeuteronomio̱ 31:6

Chjiéngá ꞌniú ko̱jo chꞌokon ngatamajnú, ngatꞌa̱ Néná boá xi skja̱n ngajojnú, ngata̱ ndakonjínmájnúu̱ kui xota̱ na̱xi̱ńdaá, ngatꞌa̱ Néná jmíni̱xtjin ku̱i̱ꞌíjñámasienjnú».

Xota̱ Ebreo̱ 1:1

Ni̱xtjin xcháján, Néná kjín ndi̱yà ko̱jo ja̱ kje̱ꞌe ja̱ kje̱ꞌe tsꞌén tsíchji̱a̱jo xota̱ xi xcháná nga katsꞌénkjién já chji̱ni̱e̱ꞌe̱én.

Ni xi akakoo̱ 1:17

Nga kamábe an, tsꞌákatójó an ngindie se xikó maá tsi kꞌien an, ta̱nga kui íjñasónna tsja kixi̱, kó bi̱ katsóna: –Ngata̱ ndakinjín ma ji, án boá xi tjón an ko̱jo xi fetꞌa an,

Na̱ Ruu̱t 2:12

¡Néná nga tꞌíchjií ngayeje ni nda xi kiniꞌín ji! ¡ꞌNiú nda ngatsꞌénjoo̱ kui Néná xí tsi̱ꞌe̱ na̱xi̱ńdá Israee̱l, kui xi timindyisé ji nga skoón!