Énkjínkón 8:5 - Xo̱jo̱n eén Néná

⁵ Jún ndí já xo̱ngò xi jmí ni bejín, ndí jákjíndí xi kji̱e̱ jmí ni májiín, ¡nda má ti̱ꞌankjójnú ni xi ndyi̱niꞌánjnú!

Énkjínkón 8:5 ပူးပေါင်းရင်းမြစ်များ

Xo̱jo̱n Salmoo̱ 19:7

Ta̱nisién ꞌniú nda kjo̱a̱kitii̱ Néná, kó kuí boá xi tsꞌendáyà ini̱ma̱a̱. ꞌNiú ꞌniátakón kjo̱a̱kitii̱, ngatꞌa̱ kuí boá xi tsjaá kjo̱a̱kjíntakón xota̱ xi nkꞌajín ꞌboxié yojoo̱.

Xo̱jo̱n Salmoo̱ 94:8

Ngatamakjínjnú kui nii̱, jún xota̱ chi̱ni xi chji̱a̱ni na̱xi̱ńdaá, kó jún xota̱ xi kitikjo̱a̱, ngaskande kjiꞌání nga xota̱ xi kjínkón ka̱majnú jún.

Énkjínkón 1:22

«Jún ndí jákjíndí xi kji̱e̱ jmí ni yàjínjnú kjo̱a̱a̱ kjo̱a̱mindyioo̱n, ko̱jo xi mojnóchàjnú, ngaskande kjiꞌání nga to̱kó si̱ꞌantjójnú ni xi jmí ni chjíjiín. Ngaskande kjiꞌání nga to̱kó ko̱jno̱chajnú, ngaskande kjiꞌání nga to̱kó si̱ꞌanchꞌójnú kjo̱a̱kjíntakoón.

Énkjínkón 1:32

Ngatꞌa̱ xota̱ xi jmí ni bejiín, achichí tsá fesón, ngatꞌa̱ mejénjiín nga xota̱ xi kjínkón ka̱ma. Kó xota̱ xi kitikjo̱a̱a̱, kjo̱a̱a̱ nga nda tjitjóninkꞌaa̱ yojoo̱ boá nga kju̱i̱e̱ni.

Énkjínkón 1:4

Kó ti̱ machjién kuí eén tsi̱ꞌe̱ nga xi̱ꞌinkjo̱a̱ ka̱ma xota̱ xi kji̱e̱ ꞌniújín maá ni xi bokoyá kjo̱a̱mindyioo̱n, ko̱jo tsi̱ꞌe̱ nga jákjíndí xí xo̱ngo̱ò kꞌuieé kjo̱a̱kjíntakón, ko̱jo nga nda sa̱ꞌínkjó ni xi sa̱ꞌín.

Énkjínkón 3:35

Xota̱ xi kjínkoón xcha̱ndikón, ta̱nga xota̱ xi kitikjo̱a̱a̱, xcha̱ndikónjín.

Énkjínkón 8:12

»Án boá xi kjo̱a̱kjínkoón, kó ki̱a̱ nijan tikónjo̱na kjo̱a̱niꞌánkjó xi ndaa̱, tjínná kjo̱a̱kjíntakón ko̱jo kjo̱a̱botíxoma xi ndaa̱.

Énkjínkón 8:4

«Jún xota̱ xi chji̱a̱ni ngayeje kui nga̱sondiee̱, ¡jún boá xi tsꞌénchji̱a̱jnúꞌun!

Énkjínkón 9:4

«Jún ndí i̱xtikjindí xo̱ngò xi kji̱e̱ jmí ni májínjnú, ndibáchonjnúꞌun kꞌi̱e̱e̱, jún xi niꞌánkjójínjnú ni xi niꞌánjnú,

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

1 Xota̱ Korinto̱ 1:28

Néná jaꞌájin ni xi ta̱ kon ta̱ maa̱ nga̱sondiee̱, ko̱jo ni xi jmí ni chjíjiín, ko̱jo ni xi kji̱e̱ jmíjín, tsi̱ꞌe̱ nga sa̱ꞌínchaja ni xi kuii̱,