Énkjínkón 7:1 - Xo̱jo̱n eén Néná

¹ Ji ndí, ndaꞌyéꞌín ni xi tꞌíxiaán, kó xikoó tsi ngo ti̱jìto̱n ngatamaa̱ kjo̱a̱botíxomana.

Énkjínkón 7:1 ပူးပေါင်းရင်းမြစ်များ

Joo̱b 22:22

Te̱ꞌéndiè ji nga kui ko̱kóyaá én xí fotjonii̱ tsꞌoa, kó ngi̱jin ini̱ma̱a̱ tꞌíjin ji eén.

Énkjínkón 1:8

Ji ndí, tasínijìi̱n nga sa̱ꞌínchji̱ni̱e̱e̱ na̱ꞌmíi̱, kó ngata̱ niꞌínchꞌíjín ji ni xi ko̱kóyaá na̱áa̱n.

Énkjínkón 10:14

Xota̱ xi kjínkoón achichí ꞌniú ma mejeén kjo̱a̱kjíntakoón, ta̱nga nga chji̱a̱ xota̱ xi kitikjo̱a̱a̱, jè tikónndaa̱ ni xi ndajiín.

Énkjínkón 3:1

Ji ndí ngata̱ niꞌínchíyéjín ji kjo̱a̱kitina, kó tjajintakín ji kjo̱a̱botíxomana,

Énkjínkón 4:21

Nda nda má tjajintakín ji, kó ngi̱jin ini̱ma̱a̱ tꞌíjñijin ji,

Énkjínkón 5:5

Kui xi ki̱a̱ nijan sa̱ꞌínkamajo̱ kui chjo̱ón, ¡jè xikoó tsi je katsꞌénkꞌién yojoo̱!

Énkjínkón 6:20

Ji xi̱ꞌin, nda nda má ti̱ꞌinkjatjosén ji kjo̱a̱botíxomaa̱ na̱ꞌmíi̱, kó nga ꞌbíjñímasínjín ji kjo̱a̱bokoyaá na̱áa̱n.

Énkjínkón 6:35

Nde ngojín ni skjíbéngí kjo̱a̱a̱ ni xi kamátaꞌin ti̱nde sa̱ꞌínjetakónjín, ndatsi kjín ni xi ta̱ko̱e̱ꞌérií.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Rkaa̱ 8:15

Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

Juaa̱ 14:23

Sꞌe̱ Kjisoo̱, bi̱ katsó: –Xi tjoó an, sa̱ꞌínkjatjosón kjo̱a̱botíxomana, kó Na̱ꞌmina tjó sa̱ꞌín, kó kji̱ndibáchonjne̱, kó ngo ngi̱ndie nijan ku̱i̱ndyionjo̱jne̱.

Juaa̱ 15:20

Ngatjaꞌátsjienjnú én xi je kixianjnúꞌun: “Mosoo̱ nkꞌajín ngase xaá ta̱bo̱a̱jiín ndi̱a̱a̱.” Tsi je ikiyotji̱ngina, ti̱ ku̱i̱yotjíngíjnú jún nga, tsi ndyi̱niꞌánkjatjosónjnú énna, ja̱ ti̱ si̱ꞌankjatjosón énjnú nga.

Ndeuteronomio̱ 11:28

ta̱nga tsi si̱ꞌankjatjosónjínjnú, kó tsi ta̱ngatꞌanii̱ nga kje̱ꞌe ne si̱ꞌantsjajnúu̱, kó tsi kꞌuijñámasienjnú ngayeje ni xi je akoyájnúꞌun, ndajín tsꞌén ku̱i̱ndyionjnú.

Ni xi akakoo̱ 1:3

Achichíra̱tsjaa̱ xi tsꞌènyà, ko̱jo xi ntꞌié nga tjíniꞌányá kui én xi tsáyà ni xi sꞌe̱ ka̱maa̱, ko̱jo xi tsꞌénkjátjosón én xí Néná tsáyà, xi kjitꞌa kui xo̱jo̱o̱n, ngatꞌa̱ jè kjimatiña ni̱xtjii̱n.

Ni xi akakoo̱ 22:9

Ta̱nga kui bi̱ katsóna: –Jmí ngata̱ bo̱a̱jín niꞌín, ngatꞌa̱ ti̱ mosoo̱ Néná boá an nga xikoó jí, ko̱jo já ntsꞌie xi já chji̱ni̱e̱ꞌe̱én, ko̱jo xikoó ngayeje xota̱ xi tsꞌenseén ni xi kjitꞌa kui xo̱jo̱o̱n. ¡Néná boá xi ti̱ꞌindikín jí!