Énkjínkón 6:12 - Xo̱jo̱n eén Néná

¹² Tjín xota̱ xi ndajín ko̱jo xi jmí kjo̱a̱soboájiín xi ngongá ni ndiso ndyi̱ꞌbini̱jmì,

Énkjínkón 6:12 ပူးပေါင်းရင်းမြစ်များ

Xo̱jo̱n Salmoo̱ 10:3

Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱, kó xota̱ xi xki̱ꞌá to̱o̱n, chꞌo tsoó ko̱jo tsꞌenchꞌó Néná.

Xo̱jo̱n Salmoo̱ 10:7

Én xí chji̱a̱ tsꞌoa, tjikítsie maá ni xi ndajín, ko̱jo kjo̱a̱ndiso, ko̱jo kjo̱a̱chꞌáṉcha̱ kó ngindie na̱je̱n síndoꞌmaá ni xi tsꞌénꞌónná, ko̱jo ni xi ndajín xi mejeén sa̱ꞌín.

Xo̱jo̱n Salmoo̱ 101:3

Nde ngojín nii̱ xindajín xi koaꞌaxki̱ an, ngatꞌa̱ chꞌóna ni xi tsꞌén xota̱ xi xín ndi̱yà kjien, kó tsjandièjín an nga ki̱a̱ nijan sa̱ꞌínkamajo̱na.

Xo̱jo̱n Salmoo̱ 36:3

Én xí chji̱a̱, ni xi ndajín ko̱jo kjo̱a̱ndiso boá, jè ngiti̱ bo̱a̱jín tsꞌén xikoó ngo xota̱ xi nda tsꞌénkjó, ko̱jo xi ni xi ndaa̱ tsꞌén.

Xo̱jo̱n Salmoo̱ 59:7

Achichí nkꞌa maá yojoo̱ nga ta̱ chiboa chji̱a̱, kó nga chji̱a̱, xikó maá tsi kichiro̱ eén nga bi̱ tsó: ꞌYá xí ntꞌiéná.

Énkjínkón 10:32

Tsꞌoa xota̱ xi kixi̱i̱, ni xi tsjatsó boá chji̱a̱, ta̱nga tsꞌoa xota̱ xi ꞌniú ndajiín, én chꞌo tsó boá xi chji̱a̱.

Énkjínkón 11:6

Kjo̱a̱kixi̱ xi tsꞌén xota̱ xi kixi̱i̱, kuí boá xi kꞌo̱xiéꞌá, ta̱nga xota̱ xi ꞌboṉcha̱a̱, ti̱kuíní kjo̱a̱ndikonkoón xi chja̱ya̱a̱ ka̱ma.

Énkjínkón 16:27

Xota̱ xi ꞌniú ndajiín, kuí boá xi mongase ngase ni xi ndajín, kó én xí chji̱a̱ tsꞌénchjánná, xikó maá ndiꞌií.

Énkjínkón 16:30

ꞌbíchjá ndyi̱ko̱n, nga tsꞌénkjó nga ni xi ꞌniú ndajín mejeén sa̱ꞌín, kó ꞌbindyióꞌniú má tsꞌoa nga je katsꞌén ni xi ndajín.

Énkjínkón 17:4

Xota̱ xi ndajiín tsꞌensíjin ni xi chji̱a̱ xota̱ xi ndajiín, kó xota̱ xi ndisoo̱ tsꞌensíjin ni xi chji̱a̱ xota̱ xi ndisoo̱.

Énkjínkón 2:12

tsi̱ꞌe̱ nga ni xi ndajiín xín sa̱ꞌínkjaꞌaa̱, ko̱jo xota̱ xi ꞌniú ndajiín jmí ni sa̱ꞌínjo̱jiín.

Énkjínkón 3:32

Ngatꞌa̱ Néná achichí chꞌoó xota̱ xi ꞌniú ndajiín, ta̱nga achichí tjó tsꞌénjo̱ xota̱ xi kixi̱i̱.

Énkjínkón 4:24

Ngata̱ én chꞌo tsójín ndokjo̱e̱ ji, chje̱ꞌéxíi̱n ndso̱ꞌbe ji kjo̱a̱ndisoo̱.

Énkjínkón 6:14

Kui xotaa̱ ta̱ngongá ni xi ndajiín xi tjíjin ini̱ma̱a̱, kó ngatsjéni̱xtjin nga tsꞌénkjó ni xi ndajín, kó ngongá nga kjo̱a̱xti ndyi̱ꞌboxié.

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Ni xi kamá 20:30

kó ngaskande ti̱ juún tjín xí kjo̱tjojin xi ko̱kóyá kjo̱a̱ndiso, tsi̱ꞌe̱ nga xota̱ tsi̱ꞌe̱ Néná ki̱a̱ ko̱e̱je̱tji̱ngii̱.

1 Timoo̱ 5:13

Kui ínchjín kꞌán xi je kꞌien xi̱ꞌii̱n kjimangaa̱ nga xki̱ ndiꞌa tjimá, kó kamátsiꞌé, ko̱jo ta̱ tjimájo̱ én, nga ndyi̱kongajin ngayeje ni, nga ndyi̱chji̱a̱ ni xi chjiénjín nga ku̱i̱chji̱a̱.

Xo̱jo̱o̱n Sandiyaá 1:21

Kó kuíni nga chja̱ꞌáxínjnúu̱ yojojnú ngayeje ni xi ndándí ko̱jo ngayeje ni xi ndajín xi achichí tjín kuí nga̱sondiee̱, kó ni̱ma̱kjo̱a̱ ngatamajnú nga si̱ꞌanjo̱ꞌojnú kui én xí Néná je ítji̱e̱jin ngi̱jin ini̱ma̱jnú, ngatꞌa̱ kui eén tjínrií ngaꞌniú tsi̱ꞌe̱ nga kꞌo̱xiéꞌájnú.

Xo̱jo̱o̱n Sandiyaá 3:6

Kó najee̱n xikónií ngo ndiꞌí, ta̱nisién ndajín, ngatꞌa̱ kuí boá xi tsꞌénkjátsón ngayeje yojoo̱. Ndo̱bo̱a̱ṉkꞌi̱e̱e̱n ꞌbítí kui najee̱n, kó kui najee̱n ꞌbítí ngayeje kjo̱a̱mindyionná.