Énkjínkón 4:18 - Xo̱jo̱n eén Néná

¹⁸ »Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Énkjínkón 4:18 ပူးပေါင်းရင်းမြစ်များ

Joo̱b 11:17

Achichí tsjatsꞌèn ku̱i̱ndyin ji, kó tsijen ngase ka̱maa̱, ta̱bo̱a̱jiín nga ndisꞌueé. Kó ndatsi je kamájñoó, xikónií tsi ta̱jñó ka̱ma.

Joo̱b 17:9

Xota̱ xi kixi̱i̱, fíra ndi̱yà xí tjimá, kó xota̱ xi jmíjéjiín ndyiojón ndyiojón kꞌuié ngasee̱ ngaꞌniú!

Joo̱b 23:10

Ta̱nga Néná jè be nínga tsoꞌbá an, kó tsi skítꞌayákónna, bo̱a̱ má kꞌuié án xikoó to̱nsinié xi kui soboá soboaá.

Xo̱jo̱n Salmoo̱ 84:7

Tji̱e̱nga ndyi̱fí, tsie ngase ngaꞌniú kꞌuieé, kó sku̱i̱e̱ Néná nga kjo̱chó na̱xi̱ńdáꞌniú Sioo̱n.

Xo̱jo̱n Salmoo̱ 97:11

Ndiꞌií boá xi tsꞌentsíjee̱n xota̱ xi kixi̱i̱, kó tsjaá kjo̱a̱tsja xota̱ xi kixi̱ síndo ini̱ma̱a̱.

Énkjínkón 13:9

Kjo̱a̱mindyioo̱n xota̱ xi kixi̱i̱, xikónií ngo ndiꞌí xí tsjá tsꞌén tí, ta̱nga kjo̱a̱mindyioo̱n xota̱ xi ꞌniú ndajiín, xikónií ngo ndiꞌí xí kꞌo̱.

Énkjínkón 15:24

Ndi̱ya̱à kjo̱a̱mindyioo̱n xota̱ xi makjiín, xtji̱e̱e̱n nkꞌajmii̱ boá, tsi̱ꞌe̱ nga ki̱a̱jín ko̱e̱je̱ xtji̱e̱e̱n ti̱xa̱na̱nga̱a̱ kjo̱a̱bo̱yaa̱.

Énkjínkón 2:20

Ji ndí nda̱chií, ki̱a̱ tꞌentji̱ngi ji ndi̱yà xí ndaa̱, kó ngatsjéni̱xtjin nga ndi̱ya̱à xota̱ xi kixi̱i̱ ti̱ńtje̱ ji,

Énkjínkón 2:9

Bo̱a̱ tsꞌén nga ka̱makjiín ji, ni xi na̱xo̱ ko̱jo ni xi kixi̱, ni xi ngo ndséje̱n, ko̱jo ngayeje ndi̱yà xí nda.

Matioo̱ 5:14

Jún xí xikoó ndiꞌií nga̱sondiee̱. Ngo na̱xi̱ńdá xí tikón nga̱soón ngo tji̱ngi̱, ka̱májín kꞌuijñáꞌmá.

Matioo̱ 5:16

Bo̱a̱ tsꞌén ngatí ndiꞌíjnú ngindyi̱ko̱n xotaa̱, tsi̱ꞌe̱ nga sku̱i̱e̱ ni nda xi ndyi̱niꞌánjnú, kó ngayejejnú te̱ꞌéjnúu̱ kjo̱a̱je Na̱ꞌmijnú xi tikón ndiꞌakꞌajmi jàn.

Matioo̱ 5:45

tsi̱ꞌe̱ nga ndií Na̱ꞌminá xí tikón ndiꞌakꞌajmi jàn ka̱majnú, ngatꞌa̱ kuí xí tsꞌentjoó tsꞌueé xota̱ xi nda ko̱jo xi ndajín, kó kuí xí tsꞌénkáꞌaá stseé xota̱ xi kixi̱ ko̱jo xi kixi̱jín.

Juaa̱ 8:12

Ti̱ ingo ndi̱yà tsíchji̱a̱jo nginí Kjisoo̱ xotaa̱, nga bi̱ katsoó: –Án boá ndiꞌí xí tsꞌentsíjee̱n xotaa̱ kui nga̱sondiee̱, xi ko̱e̱je̱tji̱ngina jmíni̱xtjin nga nínga jñó kjótsoꞌbá, ngatꞌa̱ kꞌuiérií ndiꞌí xí tsjá kjo̱a̱mindyioo̱n.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

Xota̱ Filipo̱ 2:15

Tsi̱ꞌe̱ nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú, ko̱jo nga ndií Néná xi tsjie ka̱majnú jún ngi̱jii̱n kui xota̱ chꞌokon, ko̱jo xota̱ xi ndajín xi tjín ngotꞌe̱. Ngi̱jii̱n kui xotaa̱, jún xikónií ngo ńño ꞌna̱a̱ nga̱sondiee̱ kjimajnú,

2 Xo̱jo̱o̱n Peé 1:19

Kó bo̱a̱ tsꞌén nga jatjo kixi̱ én xí tsíchji̱a̱ já chji̱ni̱e̱ꞌe̱én Néná. Nda ndyi̱niꞌánjnú tsi ndyi̱bosiénnijonjnúu̱ kui eén, ngatꞌa̱ kuí boá xi kjima xikoó ngo ndiꞌí xí tsꞌentsíjen nga jñoó, ngaskande nga sisi̱én nga kamángindyiojón, kó ńño tsiee̱ kjo̱tjo tsi̱ꞌe̱ nga sa̱ꞌíntsijee̱n ini̱ma̱jnú.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.

Ni xi akakoo̱ 21:23

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n.

Ni xi akakoo̱ 22:5

Kó kui ngi̱ndiee̱ nginijánjín ka̱majñó, kó xi kꞌuíndo ki̱a̱a̱, ngiti̱ ka̱machjiénjiín ndiꞌí xí tsꞌentsíjen ko̱jo tsi ndiꞌií tsꞌueé, ngatꞌa̱ Néná kui xi Ndi̱a̱ná tsja̱á ndiꞌií, kó kuí xota̱ xi̱ꞌba̱ xi ko̱tíxoma ngatsjéni̱xtjii̱n.