Énkjínkón 30:4 - Xo̱jo̱n eén Néná

⁴ »ꞌYá xí kijínijíngí nkꞌajmi jàn, sꞌe̱ kjindibájaya nginí. ꞌYá xí kamaá íjñaꞌniú tjo̱o̱ ngi̱ya tsja. ꞌYá xí kamaá nga ngo ńjño íxtiéní ndáchíkoón. ꞌYá xí kamaá íjñaá tsindió tꞌanangii̱. Kó ꞌmí kuí, kó a yé jí jaꞌeén ndií.

Énkjínkón 30:4 ပူးပေါင်းရင်းမြစ်များ

Jenesii̱s 32:29

Kósꞌe̱ Jakoo̱b bi̱ katsoó nga asíyaá: —Tꞌíyéní jaꞌée̱n ngotꞌe̱. Kó kuí nda̱a̱ bi̱ katsó: —¡Jè chjiéngá xchi̱e̱ ji jaꞌénna katsaki! Kósꞌe̱ ki̱a̱ katsꞌénchikonñé Jakoo̱b,

Joo̱b 11:7

»A beriítakín ji nga ka̱maa̱ xchi̱e̱ ji ni xi tjiꞌmaá Néná. A ka̱maári kixi̱ ka̱ma ji, xikoó kui Néná xi tjiín ngayeje ngaꞌniuú.

Joo̱b 11:8

¡Jmíni̱xtjin ka̱ma xchi̱e̱ ji kui nii̱! ¡Ngatꞌa̱ nkꞌa ngase ta̱bo̱a̱jiín nkꞌajmii̱, na̱nga̱ ngase ta̱bo̱a̱jiín ti̱xa̱na̱nga̱a̱,

Joo̱b 26:8

Kuí boá xi mindyiá ndáfoaa̱ ki̱a̱ ngi̱jin ṉdi̱i̱, kó nde jmí ni májiín ṉdi̱i̱, ndatsi é ndáfoaa̱.

Xo̱jo̱n Salmoo̱ 135:7

Néná ndibájo̱ná ṉdi̱i̱, ndeskande nínga ꞌniú kjinnii̱ tꞌanangii̱. Néná tsangiya nga foaꞌatꞌee̱, kui xi tsáyà nga je ko̱a̱ꞌa stseé. Néná ꞌboxiéni tjo̱o̱ ki̱a̱ ngi̱ndie nínga tikóntjoó.

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Xo̱jo̱n Salmoo̱ 22:27

Ngayeje xota̱ xí tjín nga̱sondiee̱ kjo̱a̱ꞌátsjiee̱n Néná, kó kui ko̱e̱je̱kon nginií, kó ngayeje xtín xota̱ xi tjín na̱xi̱ńdaá, sa̱ꞌíndikoón nga ko̱siéntikoó.

Xo̱jo̱n Salmoo̱ 24:2

Ngatꞌa̱ kuí boá xi katsꞌénda tꞌanangii̱ ki̱a̱ nga̱són ndáfoaa̱ ndáchíkoón, kó ti̱ ꞌniú íjñá ki̱a̱ nga̱són ndáfoa xi tsꞌénmongaa̱.

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Éksondo̱ 15:10

Ta̱nga ji ꞌniú akjatsie ji, kó kiniꞌínkjíngándé jí ki̱a̱ ndáchíkoón. ¡Ngi̱jii̱n kui ndáfoa xi tjiín ngaꞌniuú ki̱a̱ kijíngandá xikoó chiꞌisá!

Éksondo̱ 6:3

Xota̱ xi xcháa̱, Ne xi tjiín ngayeje ngaꞌniuú katsóna, ta̱nga kamábejín kó ꞌmí jaꞌén ja̱koxi̱na, kó kuí bí xi̱ꞌbi̱: AN XI AA̱N.

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Xota̱ Roma̱ 10:6

Ta̱nga bi̱ tsꞌén ítꞌa kjo̱a̱a̱ xota̱ xi sꞌijii̱n Néná: Ngata̱ bi̱jín se ji ngi̱jii̱n ini̱màa̱: ꞌYá xi ko̱e̱je̱ ndiꞌakꞌajmi jàn. (Bi̱ xian an, tsi̱ꞌe̱ nga ko̱e̱je̱kjaꞌá Kristoo̱, kó kji̱ndi̱bájo̱ kꞌi̱e̱ tꞌanangii̱).

Ndeuteronomio̱ 28:58

Nga fetꞌani Moisee̱ bi̱ katsó ngasee̱ xota̱ Israee̱l: «Tsi xcha̱ndikónjínjnú kui Néná xi je ko̱jo xi tjiín ngaꞌniuú, kó tsi si̱ꞌankjatjosónjínjnú kjo̱a̱botíxoma xi kjitꞌa kui xo̱jo̱o̱n,

Ndeuteronomio̱ 30:12

Niꞌínjín kjiꞌi nga ka̱makjínjnú, ti̱nde chjiénjín nga tjín xí ka̱tso̱yà cha̱n cha̱njnú tsi̱ꞌe̱ nga si̱ꞌankjatjosónjnú.

Ni xi akakoo̱ 19:12

Ndyi̱ko̱n ꞌna̱ kamá xikoó tsi ngo ndiꞌí, kó achichí kjín korona̱ kisꞌińdoo̱ to̱ko̱, kó ngo jaꞌén kisitꞌaa̱, xi ta̱ ngototo kui xi be,