Énkjínkón 3:7 - Xo̱jo̱n eén Néná

⁷ Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Énkjínkón 3:7 ပူးပေါင်းရင်းမြစ်များ

Joo̱b 1:1

Ki̱a̱ nangi Uu̱ kisꞌijña ngo nda̱ xi kiꞌmí Joo̱b xi achichí ndaxota̱ ko̱jo kixi̱ kamá. Ngatsjéni̱xtjin nga kamábendikón Néná, kó chiíjín katsꞌén ni xi ndajín.

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 14:16

Xota̱ xi kjínkoón tsakjón má ni xi ndajiín, kó ꞌbijñámasien, ta̱nga xota̱ xi kitikjo̱a̱a̱ nkꞌa ꞌboxié yojoo̱, kó jmí ni ndasénjiín.

Énkjínkón 14:27

Tsi xcha̱ndikón Néná, xikónií tsi ki̱a̱ tjitjó kjo̱a̱mindyioo̱n, kó kui nii̱ xi kꞌo̱xiéꞌaá ngi̱ya tsja kjo̱a̱bo̱yaa̱.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 23:4

Ngata̱ niꞌínmejénjín ji nga ka̱macho̱n ji, ta̱sá nda ti̱ꞌinkjé jí, kó tꞌíjñímasin ji kui nii̱.

Énkjínkón 26:12

Tjín ngasee̱ kjo̱a̱chiyá ngo xota̱ xi kitikjo̱a̱, ta̱bo̱a̱jiín ngo xota̱ xi ta̱nisién kjínkón ꞌboxié yojoo̱.

Énkjínkón 26:5

Ndókjo̱e̱ꞌe ji xota̱ xi kitikjo̱a̱a̱, xikótsꞌèn tsoboaá nga ko̱ndókjo̱a̱jo, tsi̱ꞌe̱ nga jmí tsi xota̱ xi kjínkón ka̱maa̱ yojoo̱.

Énkjínkón 28:11

Xota̱ xi cho̱o̱n xota̱ xi kjínkón tsoó yojoo̱, ta̱nga xota̱ ni̱ma̱ xi tjiín kjo̱a̱kjíntakoón, kuí boá xi bokó nga ja̱koxi̱ ꞌyá xotaa̱ bo̱a̱.

Énkjínkón 28:26

Xota̱ xi ti̱ kuii̱ yojoo̱ ꞌniákón, xota̱ kitikjo̱a̱ boá, ta̱nga kui xi kjínkoón, kuí boá xi kjo̱tjoꞌa.

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

Xota̱ Roma̱ 12:16

Tsjatsꞌèn ti̱ndyiónjnú nga ngo nga ngojnú, ngata̱ jejín ꞌna̱xiéjnú yojojnú, ta̱sá ngatamani̱ma̱jnú xota̱ xi ni̱ma̱. Ngata̱ bo̱a̱jín ꞌmíjnú nga jún xi tjín ngasejnú kjo̱a̱kjíntakón.