Énkjínkón 3:3 - Xo̱jo̱n eén Néná

³ Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱, xikoó tsi ngo ni xi jmeyá kjásen ji ngatamaa̱, kó ngi̱jin ini̱ma̱a̱ tꞌíjñijin ji kui nii̱,

Énkjínkón 3:3 ပူးပေါင်းရင်းမြစ်များ

Xo̱jo̱n Salmoo̱ 25:10

Kjo̱a̱ni̱ma̱takón ko̱jo kjo̱a̱kixi̱ boá, ngayeje ndi̱ya̱à Néná, kó kuí boá ni xi sa̱ko̱ó xota̱ xi sa̱ꞌínkjatjosón kjo̱a̱ꞌbíndàa̱, ko̱jo xi ku̱i̱ntꞌiéꞌeén kjo̱a̱botíxomàa̱.

Xo̱jo̱n Salmoo̱ 85:10

Kjo̱a̱ni̱ma̱takoón ko̱jo ni xi ja̱koxi̱i̱, xikoó tsi kasakoo̱ xkjín, kó kjo̱a̱kixi̱i̱ ko̱jo kjo̱a̱xioó, ndse̱je̱n kamá, xikoó tsi atíndsoꞌá xkjín.

Éksondo̱ 13:9

Kui sꞌueé kuí boá xi ka̱ma xikoó ngo chi̱bo̱a̱ xi kjótꞌa ndsa̱jnú ko̱jo tsi xtjienjnú, kó kuí boá xi sa̱ꞌínkjaꞌátsjienjnú nga Néná katsꞌénkjién ngaꞌniuú nga tsꞌaxiéjnú nangi Ejipto̱, kuíni nga nga jmíni̱xtjin niꞌánchíyájnú kjo̱a̱botíxomaa̱ Néná.

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Énkjínkón 1:9

Ngatꞌa̱ kjo̱a̱bokoyaá xi xcháa̱, kuí boá xi xikónii̱ tsi ngo niꞌbíꞌátoko ka̱maa̱, ko̱jo tsi xikoó ngo ni xi jmeyá kjásen ji ka̱maa̱.

Énkjínkón 14:22

Xota̱ xi tsꞌénkjó nga ni xi ndajín sa̱ꞌín, tsꞌénchájá ndi̱ya̱à, ta̱nga xota̱ xi mongase nga ni xi ndaa̱ sa̱ꞌín, sakoó kjo̱a̱tjó ko̱jo kjo̱a̱kixi̱.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 20:28

Nda̱ ree̱ achichí ꞌniú ꞌbíjñá xá xí tjiín, kjiꞌanga kixi̱ tikón ngindyi̱ko̱n Néná, ko̱jo kjiꞌanga nda tsꞌénjo̱ xota̱ na̱xi̱ńdaá.

Énkjínkón 6:21

Ngatsjéni̱xtjin tꞌíjin ji ngi̱jin ini̱ma̱a̱, kó xikoó tsi ngo ni xi jmeyé kjásen ti̱ꞌin ji.

Énkjínkón 7:3

ngatsjéni̱xtjin chꞌi̱e̱ xki̱ ji, xikoó tsi ngo ni xi tjítꞌa ndse̱, ko̱jo tsi xikoó tsi ki̱a̱ nga̱són ini̱ma̱a̱ ti̱ꞌinꞌindé ji.

Matioo̱ 23:23

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ boeꞌéjnú jún ngo tjín xi tie nga úchaán xka̱ mentaa̱, xka̱ anii̱ ko̱jo xka̱ kominoo̱, ta̱nga niꞌánkjatjosónjínjnú kjo̱a̱botíxoma xi ꞌniú nkꞌaá kjo̱a̱kitii̱: Nga kixi̱ ka̱majnú, nga ni̱ma̱ ka̱majnú ngayeje xotaa̱, ko̱jo nga sꞌi̱jinjnú Néná. Chjiéngá si̱ꞌan kui nii̱, ta̱nga ti̱ chjiéngá si̱ꞌan ni xi ingoo̱ nga.

2 Xota̱ Korinto̱ 3:3

ngatꞌa̱ ya cha̱n cha̱n nga jún boá xi xikoó kui xo̱jo̱n xi Kristoo̱ katsꞌénda, xi ji̱n kiniꞌánkꞌasꞌienjne̱ jún, ngo xo̱jo̱n xi jmí tsi tinta̱ kiniꞌánꞌindóni, ta̱sá A̱si̱énni̱xtjii̱n Néná xí tikoón xi kiniꞌánꞌindóni, ngo xo̱jo̱n xi jmí tsi nga̱soón ngo ndi̱jo̱ kiniꞌánꞌindó, ta̱sá ngi̱jin ini̱ma̱ná boá nínga akjatꞌa.

Xota̱ Éfeso̱ 5:9

Ti̱ꞌánjnú ni xi ndaa̱, ko̱jo ni xi kixi̱, ko̱jo ni xi ja̱koxi̱i̱, ngatꞌa̱ kuí nii̱ xi bokó nga nínga tsijee̱n ndokjo̱a̱ ñá.

Ndeuteronomio̱ 6:8

Tji̱xi̱ín cho̱ tjatꞌe ji, kó ki̱a̱ tꞌíꞌní jí ndse̱ ko̱jo tsi xtjin tjatꞌe kui tji̱xi̱ín.

Xota̱ Ebreo̱ 10:16

Bi̱ katsó Ndi̱a̱ná: Kuí bí kjo̱a̱ꞌbínda xi sa̱ꞌinjo̱ an kui xotaa̱, Ngije kamá kui ni̱xtjii̱n. Ngi̱jii̱n kjo̱a̱kjíntakoón kꞌuijñájin an kjo̱a̱kitina. Kó nga̱són ini̱ma̱a̱ sa̱ꞌinꞌindó an.