Énkjínkón 3:24 - Xo̱jo̱n eén Néná

²⁴ Kjiꞌanga tsjáfé ji, ko̱nda̱kínjín ji, ta̱sá nda tsjáfé ji, kó achichí nda ko̱e̱ꞌéńjñaá.

Énkjínkón 3:24 ပူးပေါင်းရင်းမြစ်များ

Xo̱jo̱n Salmoo̱ 3:5

An jajña an, kó kisꞌifé an, kó ti̱ jaꞌá nginína, ngatꞌa̱ ta̱ngatꞌanii̱ kui nga tikón an.

Xo̱jo̱n Salmoo̱ 4:8

Tjínna kjo̱a̱xió nga kjojña an, ko̱jo nga ko̱e̱ꞌéńjñána, ngatꞌa̱ ta̱ jí tsí xi kjimaꞌniátakoón ji Ne.

Énkjínkón 6:22

Kui boá kui nii̱ xi ko̱ko̱ó ndi̱yà nínga kꞌuin jí, kuí boá xi skoón kjiꞌanga tsjáfé ji, kó kuí boá xi ku̱i̱chji̱a̱joo kjiꞌanga kjo̱a̱ꞌaá.

Joo̱b 11:19

Tsjajní ji, kó nde ngojín xi ku̱i̱ndyiándikoón, kó achichí ka̱ma xota̱ xi ka̱mamejeén kjo̱a̱ndàa̱.

Lebitiko̱ 26:6

»Án boá xi sa̱ꞌin an nga xió ko̱jo nga nda tsꞌén ku̱i̱ndyionjnú. Chjiénjín nga ko̱nda̱konjnú cho̱ xi tamaá, ti̱nde ngata̱ ndakonjínmájnú kondra̱jnú, ngatꞌa̱ nde niꞌínjín ka̱majnú nga si̱ꞌánjnúu̱: Ta̱ ún tsí jún xi ka̱manii̱ nga ko̱ngandikónjnú úchán xota̱, kó ta̱ úchán tsi jún xi ka̱manii̱ nga ko̱ngandikónjnú tie mi̱ xota̱.

Xo̱jo̱n Salmoo̱ 127:2

Ta̱kjo̱a̱ndaní nga ta̱jñó ku̱i̱stjíe̱njnú, ko̱jo tsi sájín tsjayójofejnú, ko̱jo tsi ꞌniú si̱ꞌanxájnú, tsi̱ꞌe̱ nga kꞌuiéjnú nichinie, kjiꞌanga Néná xí tjoó ngo xota̱ ndatsi kjiꞌifé nga tsjaá.

Ni xi kamá 12:6

Kó ngo ni̱xtji̱e̱n ngindiee̱ nga Erondee̱ sa̱ꞌínjeé Peé ngindyi̱ko̱n xota̱ na̱xi̱ńdaá, Peé kjiꞌifé ngamasiee̱n jó jájún, nga tjitáꞌniú jó ńꞌniúki̱cha̱, tji̱e̱nga jájún xi ngasee̱ ndyi̱konda nga̱ntjo̱a̱ ndo̱bo̱a̱ya̱à.

Xo̱jo̱n Salmoo̱ 112:8

Jmí kjo̱a̱jín nga tjín ni xi nda̱ ka̱maa̱, ti̱nde jmí kjo̱a̱jín nga tjín ni xi stsa̱kjonní, ngaskande jè tsꞌenkjó má nga kui xi je katsꞌeén ngayeje kondra̱a̱.

Énkjínkón 1:33

Ta̱nga kui xota̱ xi sa̱ꞌínsénna, achichí xió kꞌuíndo, kó stsa̱kjonjiín ni xi ndajiín».

Eklesiastee̱ 5:12

kó ngaskande ngiti̱ foféjín ngatꞌa̱ achichí to̱n je tjiín. Ta̱nga xota̱ xi tsꞌénxaá, ka̱márií tsi tsie ko̱jo tsi chiboa nichinie skji̱ni̱e̱, ta̱nga ata̱ tsjatsꞌèn fofé.

Xo̱jo̱n Salmoo̱ 3:6

Tsakjonjín má an ndatsi tie mi̱ xota̱ kondra̱ xi je íchjáꞌyána.

Xo̱jo̱n Salmoo̱ 91:5

Ka̱májín ko̱nda̱kin jí ni xi ndakon xi ma nga jñoó, ti̱nde ka̱májín ko̱nda̱kin jí yá yojó xi fítji̱e̱n nga ni̱xtjii̱n.

Énkjínkón 19:23

Tsi ndyi̱yandikón Néná, kuí nii̱ xi tsja̱aná kjo̱a̱mindyion, kó tsjatsꞌèn ku̱i̱ndyión nga jmí ni ka̱májínná.