Énkjínkón 3:2 - Xo̱jo̱n eén Néná

² kó bo̱a̱ tsꞌén nga kjín ni̱xtjin ko̱jo kjín nó ka̱maa̱ nga ku̱i̱ndyin ji nga̱sondie, kó kꞌuieé kjo̱a̱xió.

Énkjínkón 3:2 ပူးပေါင်းရင်းမြစ်များ

Joo̱b 5:26

Kjiꞌa ngije xchá jí nga ko̱yè jí, xikó maá ngo chꞌo̱ to ndso̱ko̱a̱n ṉño̱pan xi ni̱xtjii̱n má nga chjaꞌátikó.

Xo̱jo̱n Salmoo̱ 119:165

Xota̱ xi tjoó ée̱n, achichí kjo̱a̱xió ꞌbeé, kó jmíni̱xtjin stingí.

Xo̱jo̱n Salmoo̱ 128:6

¡Néná ngatsjandieè nga xchi̱e̱ ji nga ka̱maxchá ndíi̱ ko̱jo ndíndée̱! ¡Ngatꞌieé kjo̱a̱xió xota̱ Israee̱l!

Xo̱jo̱n Salmoo̱ 21:4

Ji tsíꞌaá nga kꞌuijñá nga̱sondie, kó jo̱ꞌo kasée̱, sꞌe̱ achichí kjín nó katseꞌée̱ nga kisꞌijña, ngatsjéni̱xtjin ko̱jo ta̱kjiꞌání.

Xo̱jo̱n Salmoo̱ 91:16

Achichí kjín nó tsjàa̱ nga kꞌuijñá nga̱sondie, kó án xí sa̱ꞌin an nga sku̱i̱e̱ kjo̱a̱ꞌnaxiéꞌána».

Énkjínkón 10:27

Xota̱ xi bendikón Néná, achichí kjín nó ka̱maa̱, ta̱nga xota̱ xi ꞌniú ndajiín, nde tsiejín ka̱maa̱ nga kꞌuíndo nga̱sondie.

Énkjínkón 16:31

Tsja̱kichjií xota̱ xi je xchaá, xikó maá tsi ngo korona̱ ma kjo̱a̱a̱ nga kixi̱ tsꞌén tikón.

Énkjínkón 4:10

»Ji ndí, ndaꞌyéní kó ti̱ꞌinjo̱ꞌo ji énna, tsi̱ꞌe̱ nga kjín ngase nó ka̱maa̱ nga ku̱i̱ndyin ji nga̱sondie.

Énkjínkón 4:4

Na̱ꞌmina boá xi akóyána, nga bi̱ katsóna: «Ngi̱jin ini̱ma̱a̱ tjajin ji ni xi tꞌíxiaán, ti̱ꞌinkjatjosén ji kjo̱a̱botíxomana, kó bo̱a̱ tsꞌén nga tsie ka̱maa̱ nga ku̱i̱ndyin ji nga̱sondie.

Énkjínkón 9:11

Ngatꞌa̱ án boá xi sa̱ꞌin an nga kjín ngase ni̱xtjin ku̱i̱ndyin ji nga̱sondie, kó kjín ngase nó ka̱maa̱.

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

Xota̱ Roma̱ 5:1

Ja̱ kuíni nga Néná katsꞌénjo̱ꞌoná xikoó xota̱ xi kixi̱, ndokꞌóchji̱nií nga sꞌijinná kuí, kó tjínná kjo̱a̱xió ngatꞌaa̱ Ndi̱a̱ná Jesukristoo̱.

Ndeuteronomio̱ 11:21

kó bo̱a̱ tsꞌén nga jún ko̱jo ndíjnú, kjín nó ka̱majnú nga ku̱i̱ndyionjnú kui tꞌanangi xi katsóyàtjónjnú Néná nga tsja̱ajnú. ¡Ki̱a̱ ku̱i̱ndyionjnú tji̱e̱nga kꞌuijñá nkꞌajmii̱!

Ndeuteronomio̱ 5:32

»Kuíni nga jún xota̱ Israee̱l, ti̱ꞌankjatjosónjnú ngayeje kui kjo̱a̱botíxomaa̱ Nejnú xi tjítsꞌenkꞌasꞌiénjnúꞌun.

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.