Énkjínkón 3:18 - Xo̱jo̱n eén Néná

¹⁸ ¡Kjo̱a̱kjínkoón kuí boá xi xikoó tsi ngo yá xí tsjaá kjo̱a̱mindyion xota̱ xi kui foníkjá, kó achichíra̱tsjaa̱ xota̱ xi kui yaá kjiꞌiꞌniuú.

Énkjínkón 3:18 ပူးပေါင်းရင်းမြစ်များ

Jenesii̱s 2:9

Sꞌe̱ jaskan Néná katsꞌéntjó tꞌanangii̱ ngayeje to̱ko̱ya yá, achichí tsjákón kamá kui yaá, kó tsajaá to xi nda chinie. Ngamasiee̱n kui ngi̱ndiee̱ kisꞌijña ngo yá xí tsjá kjo̱a̱mindyion, ko̱jo ngo yá xí tsjá kjo̱a̱kjíntakón kjo̱a̱a̱ ni xi ndaa̱ ko̱jo ni xi ndajiín.

Jenesii̱s 3:22

kó bi̱ katsó Néná: «Ngotꞌe̱ ꞌné nga nda̱a̱ ko̱jo naa̱ je kamá xikoó ñá, nga je makjiín ni xi ndaa̱ ko̱jo ni xi ndajiín. Tsi skji̱ni̱e̱ too̱ yá xí tsjá kjo̱a̱mindyioo̱n, ka̱márií kꞌuíndo ngatsjéni̱xtjin».

Énkjínkón 11:30

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Énkjínkón 13:12

¡Ni xi chiyaá kó fotjosónjín, kjo̱a̱ndasen tsjaá ini̱ma̱ná! ¡Ta̱nga xikónií tsi ngo yaá kjo̱a̱mindyion ma, kjiꞌanga fotjosón ni xi mejénná si̱ꞌán!

Énkjínkón 15:4

Én xí nda ndokjo̱a̱a̱, kuí boá xi xikoó yá xí tsjá kjo̱a̱mindyioo̱n, ta̱nga én xí chꞌo tsoó, tsꞌéndásénná.

Énkjínkón 4:13

ꞌNiú chjábé jí kjo̱a̱bokoyána, kó ngata̱ ꞌbíjñímasínjín ji, ꞌniú chíi̱n, ngatꞌa̱ kuí boá kui nii̱ xi ku̱i̱ndyinni ji.

Énkjínkón 8:32

»Jún ndí jákjíndí, ¡nda má tasiénijónjnúꞌun! Achichíra̱tsjaa̱ xi ki̱a̱ ko̱e̱je̱tji̱ngi ndi̱yàna.

Énkjínkón 8:34

Achichíra̱tsjaa̱ xota̱ xi ntꞌiéna, kui xi ndyiojón ndyiojón ndibá ndiꞌana, nga konda nga̱ntjo̱a̱a̱ ko̱jo yáseé.

Eklesiastee̱ 7:12

Ngatꞌa̱ kjo̱a̱kjíntakoón ko̱jo to̱o̱n skoónri xikoó ngo ni xi ꞌbíchjaá ni xi ndajín, ta̱nga kjo̱a̱kjínkoón foaꞌatjónrií kui nii̱, kó kuí boá xi ka̱ma tsja̱á nga kjín nó ka̱maa̱ xota̱ nga̱sondiee̱.

Ni xi akakoo̱ 2:7

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 22:2

Ngamasiee̱n ndi̱yàtié xi jee̱ kui na̱xi̱ńdaá, ko̱jo nga̱ndee̱ kui ndejeèꞌ, kamáxchá ngo yaá kjo̱a̱mindyioo̱n, kui xi xki̱ sá tsjá to, tiejó ndi̱yà nga ngo nó, kó xka̱a̱ kui yaá, kuí boá xi tsꞌendáyà chiꞌii̱n xota̱ na̱xi̱ńdá xí tjín nga̱sondiee̱.