Énkjínkón 27:18 - Xo̱jo̱n eén Néná

¹⁸ Xota̱ xi nda koo̱n yáꞌingoo̱, ka̱maa̱ skji̱ni̱e̱ to xi ko̱a̱ja̱a̱, kó xota̱ xi koo̱n ni xi tjiín ndi̱a̱a̱, kui ndi̱a̱a̱, sku̱i̱e̱ndikón.

Énkjínkón 27:18 ပူးပေါင်းရင်းမြစ်များ

Na̱ Estee̱r (Ebreo̱) 6:11

Kó bo̱a̱ tsꞌén Amaa̱n, iskjíbé ńjñoo̱, ko̱jo ndi̱je̱e̱, kó katsꞌénkajá Marndokeoo̱ kui ńjñoo̱, sꞌe̱ iskjíbengí ndi̱je̱e̱ nga kijíjo̱ ndi̱tse̱e̱n kui na̱xi̱ńdáꞌniuú, kó bi̱ katsó nga askjandáyà nga kistsoꞌbátjoón: «¡Bi̱ niꞌánjo̱ nda̱ xi mejeén ree̱ nga sa̱ꞌíndikón!»

Éksondo̱ 24:13

Kó jastjíe̱n Moisee̱ sꞌe̱ kijínijíngí kui na̱xi̱i̱ kó kijíjo̱ Josuee̱ kui nda̱ xi bosikójo.

Énkjínkón 17:2

Moso̱ xi xi̱ꞌinkjo̱a̱a̱ kuí boá xi ko̱tíxomaa̱ ndí xí chi̱nii̱ xi tsi̱ꞌe̱ xaá, kó kuí boá xi nijan sa̱ko̱ó ni xi tsoboaá ndí xí ngasee̱.

Énkjínkón 22:29

Kjiꞌanga xchi̱e̱ ji ngo xota̱ xi nda tjítsꞌén xaá, jmí tsi ta̱xkiya xota̱ xi sa̱ꞌínxátꞌaa̱, nda̱ ree̱ boá xi kjo̱chótsꞌénxátꞌaa̱.

Énkjínkón 27:17

Tsi̱ꞌe̱ nga ka̱mayojó ngo ki̱cha̱, ti̱ ki̱cha̱ní bo̱a̱ xi ka̱machjieén, kó amingo̱ boá xi ka̱machjién nga nda xota̱ ka̱ma ngo xota̱.

Énkjínkón 27:19

Xikó tsꞌén nga ngi̱jin ndáfoaa̱ ya kje̱en, ti̱ bo̱a̱ ti̱ tsꞌén xotaa̱ bokó kje̱n, xikó tsꞌén tjíjii̱n ngi̱jin ini̱ma̱a̱.

Én xí nda xi ꞌniú tsjatsó ngasee̱ 8:12

Ji Salomo̱, ka̱má chjábé jí kui xi ngo mi̱ to̱ntiboaa̱, te̱ꞌée̱ jó úchán kui xota̱jun xi kondaa̱, ta̱nga kui ngi̱ndie nínga tjitjíe̱ tostsi̱je̱è, án tsa̱ꞌa̱n.

Matioo̱ 24:25

Ja̱ je katsóyàtjónjnúꞌun ni xi ka̱ma.

Matioo̱ 24:46

Achichíra̱tsjaa̱ nda̱ moso̱ xi nga kjo̱e̱ꞌe ndi̱a̱a̱, tjítsꞌén xá xí katseꞌeé.

Markoo̱ 10:43

Ta̱nga chjiénjín nga bo̱a̱ ka̱ma ngi̱jinjnú, ta̱sá kuí xota̱ xi mejeén nga ꞌniú nkꞌa ngase ka̱ma ngi̱jinjnú, kuí xí chjiéngá sa̱ꞌínseén xota̱ xi ngasee̱,

Rkaa̱ 12:37

Achichíra̱tsjaa̱ moso̱ xi kjiꞌiféjín nga kjo̱chó ndi̱a̱a̱, ja̱koxi̱ nga ti̱ kuii̱ ndi̱a̱a̱ sa̱ꞌínkꞌijñátꞌa yámíxa̱, kó ti̱ kuii̱ sa̱ꞌínseén.

Rkaa̱ 12:42

Kó Ndi̱a̱a̱, bi̱ katsó: –ꞌYá moso̱ xi kixi̱ ko̱jo xi ꞌniátakón, xi ka̱maa̱ si̱ꞌankjatjosón kjiꞌanga ndi̱a̱a̱ sa̱ꞌínkonda ndiꞌaa̱, tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Rkaa̱ 19:17

Kó bi̱ katsó nda̱ ree̱: “Nda kiniꞌín ji, moso̱ nda, kjo̱a̱a̱ nga chiboa to̱n xi kamáꞌniátakón ji nga kichíi̱n, tie na̱xi̱ńdá ko̱ti̱xomée̱.”

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Ni xi kamá 10:7

Kó ngije kijí kui ndítsjie xi tsíchji̱a̱jo Korniee̱, tsíchji̱a̱a̱ jó já mosoo̱ tsi̱ꞌe̱ nga sa̱ꞌínseén, ko̱jo ngo nda̱jun xi kamábendikón ton ton Néná,

1 Xota̱ Korinto̱ 3:8

Xi ꞌbítji̱e̱e̱ ko̱jo xi asíndaá ta̱ ngo ndse̱je̱n nga joó, ta̱nga nga ngo nga ngo, Néná boá xi tsjaá chjií kjo̱a̱a̱ xá xí katsꞌén.

1 Xota̱ Korinto̱ 9:13

A yàjínjnú nga xi tsꞌénxá na̱ngo̱xi̱i̱ kjinie ni xi tjoꞌósón tsi̱ꞌe̱ na̱ngo̱xi̱i̱, ko̱jo xi ndyi̱tsꞌènxátꞌa ṉchandikoón ti̱ ki̱a̱ sakoó yojoo̱ cho̱ xi niꞌánkꞌién ki̱a̱a̱ nga.

1 Xota̱ Korinto̱ 9:7

ꞌYá nda̱jun xi kui ku̱i̱ꞌíchjí to̱n xi tsꞌenkjié ngi̱yaa̱ xaá. ꞌYá xí ku̱i̱ꞌítji̱e̱ tostsi̱jè, kó skji̱ni̱e̱jín to xi kjo̱a̱ꞌátikó. ꞌYá xí skoón cho̱tsa̱nga̱, kó kꞌuijín ntsjén xí ꞌboxieé kui cho̱o̱.

Xota̱ Kolosa̱ 3:22

Jún xi moso̱ xi kastiñájnú, ndaꞌyáꞌénjnúu̱ ngayeje ni xi ka̱tso̱jnú ndi̱a̱jnú kui nga̱sondie xi̱ꞌbi̱, jmí tsi ta̱ kjiꞌa tsí nga ndyi̱kotsijenjnú tsi̱ꞌe̱ nga tsja ka̱maa̱ kui, ngayeje ini̱ma̱jnú nga ti̱ꞌankjatjosónjnúu̱, bo̱a̱ ti̱ꞌánjnú ngatꞌa̱ yandikónjnú Ndi̱a̱ná.

2 Timoo̱ 2:6

Ti̱ bo̱a̱ ti̱ tsꞌén nda̱ xi ꞌniú tjitsꞌénxá ngi̱jin jno̱o̱, tjínrií kjo̱a̱nda nga kui xi tjón sa̱ko̱ó ni xi kamáxchaá.

1 Xo̱jo̱o̱n Peé 2:18

Jún xi moso̱ xi kastiñájnú, cha̱ndikónjnú xota̱ xi ndi̱a̱jnú, kó ndaꞌyáꞌénjnúu̱, jmí tsi ta̱kuítsí xi ndaxotaa̱ ko̱jo xi makjiín, bo̱a̱ ti̱ ti̱ꞌanjo̱jnú kui ndi̱a̱ xi ndajín tsꞌénjo̱jnú nga.

1 Xo̱jo̱o̱n Peé 2:21

Ngatꞌa̱ ta̱ngatꞌanii̱ kui nii̱ nga Néná tsíchji̱a̱nijnú, ngatꞌa̱ bo̱a̱ ti̱ tsꞌén Kristoo̱ jaꞌatio kjo̱a̱ni̱ma̱ ta̱ngatꞌanii̱ jún, kó íjñájnú ngo chi̱bo̱a̱ tsi̱ꞌe̱ nga kongintjingíjnú chi̱bo̱a̱ se.