Énkjínkón 26:12 - Xo̱jo̱n eén Néná

¹² Tjín ngasee̱ kjo̱a̱chiyá ngo xota̱ xi kitikjo̱a̱, ta̱bo̱a̱jiín ngo xota̱ xi ta̱nisién kjínkón ꞌboxié yojoo̱.

Énkjínkón 26:12 ပူးပေါင်းရင်းမြစ်များ

Énkjínkón 12:15

Xota̱ xi kitikjo̱a̱a̱ sꞌijin maá nga nda boá ngayeje ni xi tsꞌén, ta̱nga xota̱ xi kjínkoón ntꞌiéꞌeén kjo̱a̱botíxomaa̱.

Énkjínkón 22:29

Kjiꞌanga xchi̱e̱ ji ngo xota̱ xi nda tjítsꞌén xaá, jmí tsi ta̱xkiya xota̱ xi sa̱ꞌínxátꞌaa̱, nda̱ ree̱ boá xi kjo̱chótsꞌénxátꞌaa̱.

Énkjínkón 26:16

Xota̱ xi tsiꞌeé achichí kjínkón tsoó yojoo̱, ta̱bo̱a̱jiín yito xota̱ kjínkón xi maa̱ tsjá kjo̱a̱botíxoma.

Énkjínkón 26:5

Ndókjo̱e̱ꞌe ji xota̱ xi kitikjo̱a̱a̱, xikótsꞌèn tsoboaá nga ko̱ndókjo̱a̱jo, tsi̱ꞌe̱ nga jmí tsi xota̱ xi kjínkón ka̱maa̱ yojoo̱.

Énkjínkón 28:11

Xota̱ xi cho̱o̱n xota̱ xi kjínkón tsoó yojoo̱, ta̱nga xota̱ ni̱ma̱ xi tjiín kjo̱a̱kjíntakoón, kuí boá xi bokó nga ja̱koxi̱ ꞌyá xotaa̱ bo̱a̱.

Énkjínkón 28:26

Xota̱ xi ti̱ kuii̱ yojoo̱ ꞌniákón, xota̱ kitikjo̱a̱ boá, ta̱nga kui xi kjínkoón, kuí boá xi kjo̱tjoꞌa.

Énkjínkón 29:20

A je kandaꞌyée̱ ni xi tsó xota̱ xi ta̱xkiya chji̱a̱a̱. ¡Tjín ngasee̱ xki̱ ni xi tsó xota̱ chi̱nii̱, ta̱bo̱a̱jiín kui xotaa̱!

Énkjínkón 3:7

Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Rkaa̱ 18:11

Nda̱ fariseoo̱, kasasienkixi̱, kó bi̱ katsó nga tsíchji̱a̱a̱ Néná: “Na̱ꞌmi, tsjàa̱ ndokꞌóchjì ngatꞌa̱ an, jmí tsi bo̱a̱ kon an xikoó xota̱ xi ngasee̱ nga chejé, ko̱jo nga kixi̱jín, ko̱jo nga ndyi̱tsꞌèntꞌaa̱ kjo̱a̱ xkjín, ti̱nde bo̱a̱jín kón an xikoó kui nda̱ xi foaꞌáꞌyá to̱n xi machjítjé nii̱,

Rkaa̱ 7:44

Kó Kjisoo̱ askotsijee̱n kui naa̱, kósꞌe̱ bi̱ katsoó nda̱ xi ꞌmí Ximoo̱: –A titsitsijìi̱n kui naa̱. Tsꞌasꞌien an ndiꞌàa̱, kó jmí ndáfoa katseꞌéjínní xi aniejón an ndsa̱ko án, ta̱nga kui naa̱ ndándyíko̱n aniéjónni ndsa̱ko án, kó tsja̱to̱ko̱ katsꞌénxíjónni nga.

Juaa̱ 9:41

Sꞌe̱ Kjisoo̱, bi̱ katsó: –Tsi ti̱ka̱jnú, jmí jéjínjnú, ta̱nga ngotꞌe̱ ꞌne̱, nga “yàjne̱” ndyi̱ꞌmìjnú, kuíni nga jéjnú ta̱kó tikón.

Xota̱ Roma̱ 12:16

Tsjatsꞌèn ti̱ndyiónjnú nga ngo nga ngojnú, ngata̱ jejín ꞌna̱xiéjnú yojojnú, ta̱sá ngatamani̱ma̱jnú xota̱ xi ni̱ma̱. Ngata̱ bo̱a̱jín ꞌmíjnú nga jún xi tjín ngasejnú kjo̱a̱kjíntakón.

Ni xi akakoo̱ 3:17

Ngatꞌa̱ bi̱ tꞌísé ji: Cho̱n án, kó jè kamácho̱n an, kó nde ngojín ni chajana, kó nde yejín ji nga ta̱soboá ni xi ndajín xí kjimaa̱, nga ni̱ma̱ ji, nga jmíjiín to̱n, nga ti̱ka̱ ji, ko̱jo nga tindyin kjiꞌixtí ji.