Énkjínkón 23:9 - Xo̱jo̱n eén Néná

⁹ Ngata̱ jmí kjo̱a̱botíxoma boeꞌéjíi̱n xota̱ xi kitikjo̱a̱a̱, ngatꞌa̱ ta̱ ko̱jno̱kie tsí én kjínkón xi kandokjo̱e̱je ji.

Énkjínkón 23:9 ပူးပေါင်းရင်းမြစ်များ

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Énkjínkón 14:7

Ti̱ꞌinkjìi̱n yojòo̱ xota̱ xi kitikjo̱a̱a̱, ngatꞌa̱ kui xotaa̱ ngojín kjo̱a̱kjíntakón ku̱i̱chji̱a̱joo.

Matioo̱ 7:6

Ngata̱ boeꞌéjínjnúu̱ ni xi tsjie ńñaá, ti̱nde ngata̱ ki̱a̱jín fojmijnúu̱ to ixkìꞌ xi chjí kje̱n chi̱nga̱a̱, ngatꞌa̱ tsi tsja̱nié ka̱ma xi̱ kui nii̱, kó ngaskande jún skji̱ni̱e̱jnú kui cho̱o̱.

Rkaa̱ 16:14

Kó tsintꞌié kuí nii̱ já fariseoo̱, kui xota̱ xi achichí tsjá kamaá to̱o̱n, kó tsajnókie Kjisoo̱.

Juaa̱ 10:20

Kjín má kui xotaa̱ xi bi̱ katsó: –Xindajín tjíjii̱n, kó tsobérií, ánní nga ndyi̱ndaꞌyájnúu̱.

Juaa̱ 8:52

Sꞌe̱ bi̱ katsó já jundíoo̱: –Ngotꞌe̱ ꞌne̱ nga je yàjne̱ nga xindajín tjíjii̱n yojòo̱, ngatꞌa̱ Abraa̱n ko̱jo já chji̱ni̱e̱ꞌe̱én Néná jesón, kó jí bi̱ se ji: “Xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.”

Juaa̱ 9:40

Tjín já fariseoo̱ xi síndojo̱ Kjisoo̱ nga tsintꞌié kuí nii̱, bi̱ katsó: –A xota̱ ti̱ka̱ ji̱n ndatsa ji̱n nga.

Ni xi kamá 17:18

Kó tjín xota̱ xi kjínkón xi ꞌmí filósofo̱ xi iskjítꞌoyà ni xi akóyá já xí ꞌmí Epikúreo̱, ko̱jo xi iskjítꞌoyà ni xi akóyá já xí ꞌmí estoiko̱ xi ítsꞌi̱yanii̱ nga askjotíjo̱ Pabloo̱, kó tjín xí bi̱ katsó: –Mí ni xi tsꞌénchji̱a̱ kui nda̱ xi tá se chji̱a̱a̱. Kó kje̱ꞌe xi bi̱ katsó: –Máraá tsi kui nda̱a̱ xi tsꞌénꞌbini̱jmì kjo̱a̱a̱ Ne xi tja̱tsi̱e̱. Kui nii̱ xi katsó kui jaá ngatꞌa̱ nga Pabloo̱ íni̱jmì éntjatsi̱e̱e̱ Kjisoo̱, ko̱jo kjo̱a̱a̱ nga jaꞌáꞌyá nginií.

Ni xi kamá 17:32

Kó nga tsintꞌié kuí xotaa̱ nga foaꞌáꞌyaá xota̱ xi fesoón, tjín xí tsajnókie Pabloo̱, kó kje̱ꞌe xí bi̱ katsó: –Ta̱sá kje̱ꞌe ni̱xtjin ko̱nda̱ꞌyá nginí ji̱n kjo̱a̱a̱ ni xi tꞌísé ji.