Énkjínkón 20:3 - Xo̱jo̱n eén Néná

³ Xota̱ xi chꞌoo̱ kjo̱a̱xtii̱, achichí yandikón, ta̱nga xota̱ xi kitikjo̱a̱a̱, kuí boá tsjaa kjo̱a̱xtii̱.

Énkjínkón 20:3 ပူးပေါင်းရင်းမြစ်များ

Jenesii̱s 13:7

Kui ni̱xtjin jàn ti̱ ki̱a̱ kisꞌińdo xota̱ Kanaa̱n ko̱jo xota̱ Feree̱ nga. Ngo ndi̱yà já xí koón cho̱tsa̱nga̱a̱ Abra̱n ko̱jo tsi̱ꞌe̱ Loo̱t ísejo̱ xkjín,

Jenesii̱s 13:8

kósꞌe̱ Abra̱n, bi̱ katsoó Loo̱t: «Mejénjínna nga kjo̱a̱xti kꞌuiéná nga jó ñá ko̱jo nga kjo̱a̱xti kꞌuieé já xí koón cho̱tsa̱nga̱ná ngatꞌa̱ xingi̱ ñá má.

Énkjínkón 14:17

Xota̱ xi xtindaa̱, ta̱xkiya tsꞌén ngo kjo̱a̱tsobé, kó xota̱ xi ꞌniú ndajiín, niꞌánchꞌó.

Énkjínkón 14:29

Xota̱ xi kjínkón boá kui xi achichí tsiekoo̱n, ta̱nga xota̱ kitikjo̱a̱ boá kui xi tsiejínkoón.

Énkjínkón 16:32

Chjí ngasenii̱ kjo̱a̱chiyákjo̱a̱a̱, ta̱bo̱a̱jiín kjo̱a̱chꞌokoo̱n, chjí ngasenii̱ nga ñá kotixomáa̱ yojoná, ta̱bo̱a̱jiín nga ngo na̱xi̱ńdáꞌniú ko̱ti̱xomáa̱.

Énkjínkón 17:14

Xota̱ xi ꞌbítsi̱yanii̱ ngo kjo̱a̱xcha̱án, xikó maá tsi tsꞌaxiéni ndi̱ya̱à ngo ndejèꞌ xi tsꞌénmonga xchán, ta̱sá ndatsi si̱ꞌinkjìn yojòo̱ ta̱bo̱a̱jiín tsi ku̱i̱ꞌítsꞌi̱yanii̱ nga bo̱a̱ ka̱ma.

Énkjínkón 18:6

Kjiꞌanga chji̱a̱ xota̱ xi kitikjo̱a̱a̱, kjo̱a̱xti boá xi mongase, kó kjo̱a̱a̱ ni xi chji̱a̱ boá nga ka̱ma kjoánií.

Énkjínkón 19:11

Kjiꞌanga nda tsꞌénkjó ngo xota̱, kuí boá kui nii̱ xi tsꞌénkjáꞌajenda kjo̱a̱xcha̱án, kó kjo̱a̱yandikoón kjo̱a̱niꞌánjetakoón boá.

Énkjínkón 21:24

Xota̱ xi mojnókie ꞌmií, xota̱ xi nkꞌakoo̱n ko̱jo xi je ꞌboxié yojoo̱, kui xi je jaꞌatjoón nga nkꞌakon ma.

Énkjínkón 26:17

Tsi kjo̱a̱xtii̱ xotaa̱ ko̱na̱ngínjin yojoná, xikónií tsi tji̱bo̱a̱nijon ngo ńñaá chjén.

Xota̱ Éfeso̱ 4:32

Ta̱sá ndaxota̱ ngatamajnú ja̱kꞌi̱e̱ ja̱ngaján, ni̱ma̱takón ngatamajnú, kó ti̱ꞌanjetakónjnúu̱ ja̱kꞌi̱e̱ ja̱ngaján xingi̱jnú, xikótsꞌèn Néná katsꞌénjetakónjnú ngatꞌaa̱ Kristoo̱.

Xo̱jo̱o̱n Sandiyaá 3:14

Ta̱nga tsi kjo̱a̱ꞌontakón tikónjii̱n ini̱ma̱jnú, kó tsi ndyi̱bixkánjnú nga mejénjnú ko̱kójnú ꞌyání xi chꞌokon ngase, ngata̱ jejín ꞌna̱xiéjnú yojojnú, ti̱nde ngata̱ miyoniéjínjnú ni xi ja̱koxi̱i̱.

Xo̱jo̱o̱n Sandiyaá 4:1

Ñá ndibánií kjo̱a̱xcha̱án ko̱jo kjo̱a̱bixkán xi sꞌie ngi̱jinjnú. A ki̱a̱jín ndibánií ni xi ndajín xi mejeén ini̱ma̱jnú, kuí nii̱ xi kjánjo̱jnú.