Énkjínkón 2:6 - Xo̱jo̱n eén Néná

⁶ Ngatꞌa̱ Néná boá xi tsjá kjo̱a̱kjínkoón, kó kjo̱a̱kjíntakoón, ko̱jo kjo̱a̱chji̱ni̱e̱e̱ tsꞌoa boá xi fotjonii̱.

Énkjínkón 2:6 ပူးပေါင်းရင်းမြစ်များ

Joo̱b 12:13

»Néná tjiín kjo̱a̱kjínkón ko̱jo ngaꞌniú, kó kuí boá xi ꞌbínda ngo ni, kó fotjosón kui nii̱.

Joo̱b 12:16

Ngi̱ya tsja tikón ngaꞌniuú, ko̱jo kjo̱a̱kjínkoón, ngi̱ya tsja tikón xi ꞌboṉcha̱a̱, ko̱jo chꞌíi̱ncha̱joo̱.

Joo̱b 22:22

Te̱ꞌéndiè ji nga kui ko̱kóyaá én xí fotjonii̱ tsꞌoa, kó ngi̱jin ini̱ma̱a̱ tꞌíjin ji eén.

Joo̱b 32:8

Nga ja̱koxi̱ xota̱ nga̱sondiee̱ tikónjii̱n ngo a̱siénni̱xtjin, ngo tjo̱ xi katsjaá Néná xí tsi̱ꞌe̱ ngayeje ngaꞌniuú, kó kuí boá kui a̱si̱énni̱xtjii̱n xi tsjaá kjo̱a̱kjíntakón.

Xo̱jo̱n Salmoo̱ 119:98

Ngatsjéni̱xtjin nga tikónjo̱na, kó ngaskande ꞌniú kjínkón ngase tsꞌénna, ta̱bo̱a̱jiín kondra̱na ko̱jo mostro̱na.

Xo̱jo̱n Salmoo̱ 19:7

Ta̱nisién ꞌniú nda kjo̱a̱kitii̱ Néná, kó kuí boá xi tsꞌendáyà ini̱ma̱a̱. ꞌNiú ꞌniátakón kjo̱a̱kitii̱, ngatꞌa̱ kuí boá xi tsjaá kjo̱a̱kjíntakón xota̱ xi nkꞌajín ꞌboxié yojoo̱.

Xo̱jo̱n Salmoo̱ 19:8

Kixi̱ boá kjo̱a̱botíxomaa̱ Néná, kó kuí boá xi tsꞌéntsjaà ini̱ma̱a̱. Kui soboá soboá boá kjo̱a̱kitii̱ Néná, kó kuí boá xi tsꞌentsíjee̱n ndyikón.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Xo̱jo̱n Salmoo̱ 94:10

Kui xi tsꞌénchjíni̱e̱ xota̱ na̱xi̱ńdaá, a ko̱tíjéjín. ¡Kui xi bokoyaá kjo̱a̱kjíntakón xota̱ nga̱sondiee̱, a bejín!

Éksondo̱ 31:3

kó je íkitsie máa̱ a̱si̱énni̱xtjinna nga katsjáa̱ kjo̱a̱kjínkón ko̱jo kjo̱a̱kjíntakón ko̱jo nga ka̱maa̱ ngayeje to̱ko̱ya xá xí nda.

Énkjínkón 6:23

Kjo̱a̱botíxomaa̱ ko̱jo kjo̱a̱bokoyaá, kuí boá xi xikoó ngo ndiꞌíxò xi tjítí ka̱maa̱, kó kjo̱a̱niꞌánchji̱ni̱e̱e̱, kuí boá xi ko̱ko̱ó kótsꞌèn nga nda ku̱i̱ndyin ji,

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Rkaa̱ 21:15

ngatꞌa̱ ti̱ ánní xi tsja an én ko̱jo kjo̱a̱kjínkón, kó kui eén nde ngojín kondra̱jnú xi sa̱ꞌiín.

Juaa̱ 6:45

Jè bi̱ tsó ni xi kjitꞌa ngo xo̱jo̱n xi katsꞌénꞌindó já chji̱ni̱e̱ꞌe̱én Néná: “Kó Néná xi ko̱kóyaá ngayeje xotaa̱”, ngayeje xota̱ xi tsintꞌieé Na̱ꞌmina, kó kamaá ni xi akóyaá, kuí boá xi kji̱ndi̱bákónna.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.