Énkjínkón 2:22 - Xo̱jo̱n eén Néná

²² Ta̱nga, kui xota̱ xi ꞌniú ndajiín, si̱ꞌankjieni kui tꞌanangii̱, kó xota̱jeé ku̱i̱yòtjíngií.

Énkjínkón 2:22 ပူးပေါင်းရင်းမြစ်များ

Joo̱b 21:30

Xota̱ xi ꞌniú ndajiín nde jmí ni májiín kjiꞌanga tsꞌénxchán Néná, ngatꞌa̱ fotjongírií yojoo̱ kjiꞌanga fochó kuí ni̱xtjii̱n

Xo̱jo̱n Salmoo̱ 145:20

Ngatsjéni̱xtjin nga tichìi̱n ngayeje xota̱ xi tjoó ji, ta̱nga niꞌínkjié jí xota̱ xi ꞌniú ndajiín.

Xo̱jo̱n Salmoo̱ 37:20

Ta̱nga xota̱ xi ndajiín kju̱i̱e̱, ¡kó xota̱ xi kondraa̱ Néná kju̱i̱e̱, xikótsꞌèn fe xinieé cho̱tsa̱nga̱a̱, kó xcha̱ja ngi̱jinꞌa̱sie̱èn xikó maá ṉdi̱i̱!

Xo̱jo̱n Salmoo̱ 37:22

Ngatꞌa̱ xota̱ xi Néná jè katsꞌénchikonñé kuí boá xi sa̱ko̱ó tꞌanangii̱, ta̱nga xota̱ xi Néná jè bo̱a̱ katsó nga ndajín ka̱maa̱, si̱ꞌankjie.

Xo̱jo̱n Salmoo̱ 37:28

Achichí tsjá maá Néná ni xi kixi̱i̱, kó jmíni̱xtjin nga ꞌbijñámasien xota̱ xi kui ꞌniátakón. ¡Ngatsjéni̱xtjin nga kui skoón! Ta̱nga xota̱ tji̱e̱e̱ xota̱ xi ndajiín, si̱ꞌankjie.

Xo̱jo̱n Salmoo̱ 52:5

¡Ta̱nga Néná boá xi sa̱ꞌínkjié kjin kjii̱n! Skjifeé kó ko̱ngatji̱ngii̱ ndiꞌàa̱, ¡kuí boá xi skji̱níyánii̱ kui nga̱sondie nínga síndo xotaa̱!

Xo̱jo̱n Salmoo̱ 52:7

«¡Tsitsíjenjnúu̱ kꞌi̱e̱e̱ kui nda̱ xi jmí tsi Néná tsangase nga tsja̱angaꞌniuú! ¡Ta̱sá kjo̱a̱cho̱n tsiee̱ xi kamáꞌniátakón, kó ꞌniú ngase kamá nga katsꞌén ni xi ndajín!»

Énkjínkón 10:30

Xota̱ xi kixi̱i̱ ngatsjéni̱xtjin nga nda ka̱ma ni xi sa̱ꞌín, ta̱nga xota̱ xi ꞌniú ndajiín kꞌi̱e̱jín kꞌuíndo kui nga̱sondiee̱.

Énkjínkón 11:3

Xota̱ xi kixi̱i̱, kjo̱a̱kixi̱i̱ boá xi ko̱siényindi̱yà, ta̱nga xota̱ jeé, ni xi ndajín xi tsꞌén boá xi sa̱ꞌínkjié.

Ndeuteronomio̱ 29:20

ta̱nga Néná sa̱ꞌínjetakónjiín, ta̱sá sa̱ꞌín nga kui kji̱ndi̱bánié ngayeje ni xi ndajín xi tsáyà kui xo̱jo̱o̱n, ko̱jo nga xtjo̱ꞌóxíntꞌaa̱ xota̱ tji̱e̱e̱, ko̱jo nga ko̱yà ngaskande xota̱ tji̱e̱ xi fetꞌani xi jaskan kꞌuieé. ¡Néná achichí ꞌniú ko̱tíjeé!

Ndeuteronomio̱ 29:28

Ta̱nisién katsꞌénxchán nga ngaskande tsangatji̱ngii̱ kui na̱xi̱ńdaá, kó ki̱a̱ katsangiya ki̱a̱ na̱xi̱ńdá nínga síndo ngotꞌe̱”.

Ndeuteronomio̱ 7:22

»Xikótsꞌèn kongín boaꞌájnú, bo̱a̱ tsꞌén Néná kjo̱a̱ꞌáxín boaꞌá xotaa̱ kui na̱xi̱ńdaá. Tsi ta̱ ngo ndi̱yà tsí nga si̱ꞌankjie yeje kui xotaa̱, cho̱ tamá xí tjín ngi̱jin kꞌijñaá nga ngo foaꞌatjiyajoo̱n kui ngindiee̱ sa̱ꞌínkjiéjnú jún.