Énkjínkón 18:4 - Xo̱jo̱n eén Néná

⁴ Én xí chji̱a̱ xotaa̱, xikónií ndáfoa xi tjín nínga ꞌniú na̱nga̱a̱, ta̱nga kjo̱a̱kjínkoón, kuí boá xi xikoó ndáfoa xi jmíni̱xtjin fe.

Énkjínkón 18:4 ပူးပေါင်းရင်းမြစ်များ

Xo̱jo̱n Salmoo̱ 78:2

Énkjínkón boá xi kuichjiájojnúꞌun, kó xiyà cha̱n cha̱njnúꞌun ni xi tjiꞌmá xi kamá ni̱xtjin xcháján.

Énkjínkón 10:11

Tsꞌoa xota̱ xi kixi̱i̱, ki̱a̱ fotjonii̱ én xí tsjá kjo̱a̱mindyioo̱n, ta̱nga tsꞌoa xota̱ xi ndajiín boá nínga fotjonii̱ kjo̱a̱xchán.

Énkjínkón 13:14

Ni xi bokoyá xota̱ xi kjínkoón, xikónií tsi ki̱a̱ tjitjó kjo̱a̱mindyioo̱n, kó kui nii̱ xi kꞌo̱xiéꞌaá ngi̱ya tsja kjo̱a̱bo̱yaa̱.

Énkjínkón 16:22

Xota̱ xi tjón tsꞌénkjó ngindiee̱ nga sa̱ꞌín ngo ni, kuí xi̱ꞌba̱ xi achichí nó ka̱maa̱ nga kꞌuijñá, ta̱nga kjo̱a̱kitikjo̱a̱ boá nga si̱ꞌanchji̱ni̱e̱ xota̱ xi kitikjo̱a̱a̱.

Énkjínkón 18:3

Ni xi ndajiín, kjo̱a̱soboá tsjáná, kó kjo̱a̱nkꞌakoo̱n boá xi tsꞌén nga ngiti̱ yandikónjínná.

Énkjínkón 20:5

Ni xi tsꞌénkjó ngi̱jin ini̱ma̱a̱ xotaa̱, xikó maá nínga na̱nga̱a̱ ndáchíkoón, kó ta̱ ngo tsí xota̱ xi kjínkoón xi ka̱maa̱ sku̱i̱e̱ kui nii̱.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

Xota̱ Kolosa̱ 4:6

Nga ko̱ndókjo̱a̱jnú chjiéngá nda nga tsó énjnú, kó tsjangatamaa̱ xotaa̱, tsi̱ꞌe̱ nga xcha̱jnú kótsꞌèn ko̱ndókjo̱a̱jongajnú nga ngo nga ngo xotaa̱.