Énkjínkón 16:7 - Xo̱jo̱n eén Néná

⁷ Kjiꞌanga Néná tsjá maá kjo̱a̱a̱ xikótsꞌèn síndo xotaa̱, ngaskande ko̱jo xota̱ xi kondra̱a̱, nijan ꞌbeé kjo̱a̱xió.

Énkjínkón 16:7 ပူးပေါင်းရင်းမြစ်များ

Jenesii̱s 27:41

Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Jenesii̱s 32:28

kui nda̱a̱ bi̱ katsoó: —Jè ngiti̱ Jakoo̱bjín kꞌuiín, Israee̱l kꞌuiín ngotꞌe̱, ngatꞌa̱ jè ikixkénje̱ ji Néná ko̱jo xota̱ nga̱sondiee̱, kó kiniꞌíi̱n.

Jenesii̱s 33:4

Ta̱nga Esauu̱ tsanga má nga kijíkoón Jakoo̱b, kó janíkjá xkjín, katsjaá ngo ndsó tꞌanijon, kó nga joó nga askjandá.

Xo̱jo̱n Salmoo̱ 69:31

Kó tsja ngase ka̱maa̱ Néná kuí nii̱, ta̱bo̱a̱jiín kjo̱a̱tjó xi niꞌánkꞌasꞌiee̱n nga niꞌánkꞌieén cho̱yojo xi̱ꞌin, ko̱jo tsi ndobiyo̱ xi ko̱jo ndi̱ja̱a̱ ko̱jo ningoo̱ niꞌánkꞌasꞌiee̱n.

Éksondo̱ 3:21

Kó ti̱ án boá xi sa̱ꞌin an nga kui xota̱ Ejiptoo̱ tsja̱ajnú kjín ni, kó nga kjo̱tjojnú nangi Ejipto̱ jmí tsi sa̱ꞌínkjítiyajnú.

Énkjínkón 16:8

Ndakjiꞌi ngase nga chiboa ni tjínná, ta̱nga nga kixi̱ tsꞌén kasakoná, ta̱bo̱a̱jiín nga ka̱macho̱n, kó nga kixi̱jín tsꞌén kasakoná kuí nii̱.

Énkjínkón 3:17

Achichí tsjákjiꞌi nga xikoó tsi ki̱a̱ kongíntji̱ngí ndi̱ya̱à, ngatꞌa̱ kuí boá xi tsja̱aná nga xió tsꞌén ku̱i̱ndyión.

Xota̱ Roma̱ 8:31

Mí ni xi kꞌuín kjo̱a̱a̱ kui nii̱. Tsi Néná tikónjo̱ná, ꞌyá xi ka̱maa̱ kondra̱ná kꞌuijñá.

Xota̱ Filipo̱ 4:18

Ngayeje ni xi kanangiyajnúꞌun je kiniꞌánkꞌasꞌienna, kó ngaskande tsꞌatio tjínna ngotꞌe̱. Epafronditoo̱ katsꞌénkꞌasꞌienna ni xi kanangiyajnúꞌun, kó kui nii̱ xi katsꞌéndo̱jò ni xi kamáchjiénna. Kuí nii̱ xi xikoó ngo kjo̱a̱nda xi tjiín nisije̱n, ngo kjo̱a̱tjó xi tsja maa̱ Néná nga kjíbé.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

Xota̱ Kolosa̱ 3:20

Jún xi ndíjnú, ndaꞌyáꞌénjnúu̱ ngayeje ni xi ka̱tso̱jnú xi xchájnú, ngatꞌa̱ kuí nii̱ xi tsja maa̱ Ndi̱a̱ná.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

1 Xo̱jo̱o̱n Peé 3:13

ꞌYá xí ndajínkjiꞌi ni xi sa̱ꞌínjo̱jnú, tsi ngongá ni xi ndaa̱ xi ndyi̱niꞌánjnú jún.

1 Xo̱jo̱o̱n Juaa̱ 3:22

Kó ngayeje ni xi chji̱a̱ꞌáa̱ Néná tsja̱aná, ngatꞌa̱ ndyi̱niꞌánkjatjosón kjo̱a̱botíxomaa̱, kó ndyi̱niꞌán ni xi tsja maa kui.