Énkjínkón 16:6 - Xo̱jo̱n eén Néná

⁶ Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 16:6 ပူးပေါင်းရင်းမြစ်များ

Jenesii̱s 20:11

Kó Abraa̱n bi̱ katsó: —Ngatꞌa̱ katsꞌenkjó án nga kui ngi̱ndiee̱ jmíjín xota̱ xi bendikón Néná, kó kixián án nga ta̱ngatꞌanii̱ chjo̱onna nga si̱ꞌankꞌienna.

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Xo̱jo̱n Salmoo̱ 85:10

Kjo̱a̱ni̱ma̱takoón ko̱jo ni xi ja̱koxi̱i̱, xikoó tsi kasakoo̱ xkjín, kó kjo̱a̱kixi̱i̱ ko̱jo kjo̱a̱xioó, ndse̱je̱n kamá, xikoó tsi atíndsoꞌá xkjín.

Éksondo̱ 1:17

Ta̱nga na̱ Sifraa̱ ko̱jo na̱ Púaa̱ achichí kamábendikón Néná, kó kuíni nga katsꞌénkjatjosónjiín ni xi katsó nda̱ ree̱ nangi Ejiptoo̱ nga sa̱ꞌín.

Éksondo̱ 20:20

Ta̱nga Moisee̱, bi̱ katsoó: —¡Ngata̱ ndakonjínmájnú! Néná mejeén skótꞌayákónjnú. Tsi jún ko̱nda̱ꞌyáꞌénjnúu̱, ngayeje nii̱ xi nda ka̱majnú.

Énkjínkón 14:16

Xota̱ xi kjínkoón tsakjón má ni xi ndajiín, kó ꞌbijñámasien, ta̱nga xota̱ xi kitikjo̱a̱a̱ nkꞌa ꞌboxié yojoo̱, kó jmí ni ndasénjiín.

Énkjínkón 14:2

Xota̱ xi kixi̱ tjimaá, bendikón Néná, ta̱nga xi ndajín ndi̱yà xí tjimaá, tsꞌenchꞌó.

Énkjínkón 14:27

Tsi xcha̱ndikón Néná, xikónií tsi ki̱a̱ tjitjó kjo̱a̱mindyioo̱n, kó kui nii̱ xi kꞌo̱xiéꞌaá ngi̱ya tsja kjo̱a̱bo̱yaa̱.

Énkjínkón 16:5

Achichí chꞌoó Néná xota̱ xi kjo̱a̱nkꞌakon tjíjin ini̱ma̱a̱, kó ja̱koxi̱ boá nga ko̱ti̱je̱é.

Énkjínkón 20:28

Nda̱ ree̱ achichí ꞌniú ꞌbíjñá xá xí tjiín, kjiꞌanga kixi̱ tikón ngindyi̱ko̱n Néná, ko̱jo kjiꞌanga nda tsꞌénjo̱ xota̱ na̱xi̱ńdaá.

Énkjínkón 3:3

Ngatsjéni̱xtjin ngatꞌieé kjo̱a̱ni̱ma̱takón ko̱jo kjo̱a̱kixi̱, xikoó tsi ngo ni xi jmeyá kjásen ji ngatamaa̱, kó ngi̱jin ini̱ma̱a̱ tꞌíjñijin ji kui nii̱,

Énkjínkón 3:7

Ngata̱ nkꞌakonjín ꞌnaxié ji yojòo̱ kjo̱a̱a̱ nga kjínkón ji, che̱ndikín jí Néná, kó tji̱taxíntꞌée̱ ni xi ndajiín,

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Lebitiko̱ 25:17

»Ngata̱ ngojín xi ꞌboṉcha̱jo xkjín, cha̱ndikónjnúꞌun. Án boá xi Nee̱ xota̱ Israee̱l.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Juaa̱ 15:2

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Ni xi kamá 15:9

kó Néná skjánjín tjítsꞌénná ñá ko̱jo kui jaá, ngatꞌa̱ ti̱ jè katsꞌéntsjie ini̱ma̱a̱ ngije kisꞌijii̱n Néná nga.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

Xota̱ Éfeso̱ 5:21

Ja̱kꞌi̱e̱ ja̱ngaján cha̱ndikónjnú xingi̱jnú, xikótsꞌèn yandikónjnú Kristoo̱.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.