Énkjínkón 15:9 - Xo̱jo̱n eén Néná

⁹ Achichí chꞌoó Néná ndi̱yà xí tjimá xota̱ xi ꞌniú ndajiín, ta̱nga achichí tsjá maá kjo̱a̱a̱ xota̱ xi ki̱a̱ fítji̱ngi kjo̱a̱kixi̱i̱.

Énkjínkón 15:9 ပူးပေါင်းရင်းမြစ်များ

Xo̱jo̱n Salmoo̱ 1:6

Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱, ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.

Xo̱jo̱n Salmoo̱ 11:7

Ngatꞌa̱ Néná kixi̱ boá, kó tjórií kjo̱a̱kixi̱i̱, ¡kuíni nga xota̱ xi kixi̱i̱ boá xi ka̱ma sku̱i̱e̱ kje̱n!

Xo̱jo̱n Salmoo̱ 139:24

Tꞌíyéní tsi tsjajín maá ni xi tjítsꞌen an, kó takoyèní kótsꞌèn mejeén nga kotíjña̱ an.

Xo̱jo̱n Salmoo̱ 5:5

Xota̱ xi nkꞌakoo̱n ka̱májín ki̱a̱ kjo̱chó ngindyikin ji, chꞌoóri ngayeje xota̱ xi tsꞌén ni xi ndajiín.

Énkjínkón 15:10

Tsjájín maá nga niꞌánchji̱ni̱e̱ xota̱ xi ꞌbijñámasien ndi̱yà xí ndaa̱, ta̱nga xi sa̱ꞌínchꞌó kjo̱a̱niꞌánchji̱ni̱e̱e̱, ko̱yà boá.

Énkjínkón 21:21

Xota̱ xi fítji̱ngi kjo̱a̱kixi̱i̱ ko̱jo kjo̱a̱ni̱ma̱takoón, kuí boá xi sa̱ko̱ó kjo̱a̱mindyion, ko̱jo kjo̱a̱kixi̱ ko̱jo kjo̱a̱yandikón.

Énkjínkón 21:4

Jé boá kui nii̱: nga nkꞌakon ko̱ꞌna̱xié yojoná, nga kjínkón ko̱ꞌna̱xié yojoná, ko̱jo nga si̱ꞌankjó xikoó xota̱ xi ꞌniú ndajiín.

Énkjínkón 21:8

Ndi̱ya̱à xota̱ xi ꞌniú ndajiín, ńkjá ngájén, ta̱nga ndi̱ya̱à xota̱ xi kixi̱i̱, kixi̱ boá.

Énkjínkón 4:19

Kó ndi̱ya̱à xota̱ xi ꞌniú ndajiín, xikónií tsi ngo ngi̱ndie nínga jñó, ngaskande nde bejín mí nii̱ bo̱a̱ xi stingí.

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Matioo̱ 7:13

Ki̱a̱ ti̱tjásꞌi̱e̱njnú nga̱ntjo̱a̱ xkjoó, ngatꞌa̱ achichí tiyá ko̱jo je nga̱ntjo̱a̱ ko̱jo ndi̱yà xí fíjo̱ná nga tsꞌénchájáná, kó achichí má xota̱ xi ki̱a̱ ꞌbosꞌien,

Ndeuteronomio̱ 7:13

Tsi ko̱nda̱ꞌyáꞌénjnú, Néná sa̱ꞌínchikonñéjnú, ko̱jo sa̱ꞌíntjójnú, kó ngo na̱xi̱ńdá xí ꞌniú je sa̱ꞌínjnú. Néná achichí tsjatsꞌèn sa̱ꞌínkꞌíndo ndí xí kꞌuiéjnú, kó tsie to ndso̱ko̱a̱n ṉño̱pan, ko̱jo tsie bino̱, ko̱jo tsie isti̱ tsja̱á. Kó kjín cho̱ tjié kꞌuieé nga kꞌuíndo ki̱a̱ tꞌanangi xi katsóyàtjoón xota̱ xi xcháná nga tsja̱á.

1 Timoo̱ 6:11

Ta̱nga ji xi xotaa̱ Néná jí, ti̱yíi̱ kui nii̱, kó ki̱a̱ tꞌentji̱ngi ji kjo̱a̱kixi̱i̱, ko̱jo kjo̱a̱yandikoón, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱chiyákoón, ko̱jo kjo̱a̱ndaxota̱a̱.

2 Timoo̱ 2:22

Chje̱ꞌéxíi̱n yojòo̱ ni xi ndajín xi mején tsꞌén já xo̱ngo̱ò, kó tꞌentji̱ngi ji kjo̱a̱kixi̱i̱, ko̱jo kjo̱a̱sꞌijii̱n, ko̱jo kjo̱a̱tjoó, ko̱jo kjo̱a̱xioó, ki̱a̱ ti̱ꞌinkamaje̱ xota̱ xi tsjie ini̱ma̱a̱ ko̱jo xi chji̱a̱a̱ Ndi̱a̱ná.