Énkjínkón 15:7 - Xo̱jo̱n eén Néná

⁷ Kjiꞌanga chji̱a̱ xota̱ xi kjínkoón, kjo̱a̱kjíntakón boá xi bokoyá, ¡ta̱nga xota̱ xi kitikjo̱a̱a̱ bo̱a̱jín tsꞌén tikón ini̱ma̱a̱!

Énkjínkón 15:7 ပူးပေါင်းရင်းမြစ်များ

Xo̱jo̱n Salmoo̱ 119:13

Ngatsjéni̱xtjin nga ta̱ kui ni chjiá án, kui kjo̱a̱bokoyá xi ji katseꞌéjne̱. Kuí boá xi nda bosiénnijóo̱n, ngatꞌa̱ achichí kjo̱a̱tsja tsjána, ta̱bo̱a̱jiín ngayeje to̱nsinié xi tjín nga̱sondiee̱.

Xo̱jo̱n Salmoo̱ 37:30

Tsꞌoa xota̱ xi kixi̱i̱ kjo̱a̱kjíntakoón boá xi chji̱a̱, kó na̱je̱n kjo̱a̱kixi̱ boá xi chji̱a̱.

Xo̱jo̱n Salmoo̱ 45:2

Jí boá ngo nda̱ xi ꞌniú tsjákjiꞌi ngase ngi̱jii̱n ndií xota̱ nga̱sondiee̱, achichí kjo̱a̱nda tjiín én xí ndokjo̱e̱ ji. Ngatsjéni̱xtjin nga tjítsꞌénchíkonñeé Néná.

Énkjínkón 15:2

Ni xi chji̱a̱ xota̱ xi kjínkoón, bokó kjo̱a̱kjíntakón xi tjiín, ta̱nga ni xi chji̱a̱ xota̱ xi kitikjo̱a̱a̱, ta̱soboá ni chi̱ni boá.

Énkjínkón 15:6

Achichí ni ꞌbeé ndiꞌaa̱ xota̱ xi kixi̱i̱, ta̱nga kjo̱a̱xti boá xi ꞌbeé kjo̱a̱a̱ to̱n xi tsꞌén xota̱ xi ꞌniú ndajiín.

Énkjínkón 15:8

Chꞌórií Néná kjo̱a̱tjó xi tsꞌenkꞌásꞌién xota̱ xi ꞌniú ndajiín, ta̱nga achichí tsjá maá nga ntꞌieé, kjiꞌanga xota̱ xi kixi̱i̱ chji̱a̱a̱ Néná.

Énkjínkón 16:23

Xota̱ xi tjiín kjo̱a̱kjínkón ngi̱jin ini̱ma̱a̱ achichí nda tsꞌénkjó ni xi chji̱a̱, kó én xí chji̱a̱ tsꞌoa nda ngase tsꞌénꞌíndatakón.

Énkjínkón 5:2

tsi̱ꞌe̱ nga, ngatsjéni̱xtjin nga nda si̱ꞌinkjé ni xi ko̱ndókjo̱e̱ ji, kó ée̱n boá xi ko̱kó nga tjiín kjo̱a̱kjíntakón.

Eklesiastee̱ 10:2

Ini̱ma̱a̱ nda̱ xi kjínkoón ni xi nda boá xi mongase nga tsꞌén, ta̱nga ini̱ma̱a̱ nda̱ xi kitikjo̱a̱a̱, ni xi ndajiín boá xi mongase kui.

Én xí nda xi ꞌniú tsjatsó ngasee̱ 4:11

Ndso̱ꞌbe ji xikó maá tsi ntsjién fotjoo̱, jí ndí chjo̱onna, ngindie najen ji xikó maá tsi ntsjién ko̱jo tsi ntsjén kjifotjoo̱. Kó ńjño xi chejé ji, bo̱a̱ má je̱n xikoó na̱xi̱ Líbanoo̱ nínga tjín yákoón.

Matioo̱ 10:27

Ni xi nínga jñó xiyàjnúꞌun, tꞌíyájnú nínga tsijee̱n, kó ni xi kꞌuiyájnú ngi̱yaa̱ tji̱bo̱a̱nijónjnú, chaꞌayàjnú ndeskande nkꞌaa̱ ngo ndiꞌa.

Matioo̱ 12:34

¡Tji̱e̱e̱ ye̱ xi bo̱a̱ kónjnú! Kótsꞌèn nda ni xi ko̱ndókjo̱a̱jnú nga ndajínjnú jún. Ngatꞌa̱ ni tsie xi tjiín ngi̱jin ini̱ma̱a̱ xotaa̱, kuí nii̱ xi chji̱a̱ tsꞌoa.

Markoo̱ 16:15

Kó bi̱ katsoó: –Tangínjnú ngayeje són nga̱sondiee̱ kó tꞌíni̱jmìjnúu̱ éntjatsi̱e̱e̱ Néná ngayeje xota̱ xi tjiín.

Xota̱ Éfeso̱ 4:29

Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.

2 Timoo̱ 2:2

Ni xi je kandaꞌyéní nga kixiya an ngindyi̱ko̱n kjín chistiko̱, mejénna nga ko̱ko̱yée̱ já xí ma ꞌniátakoón, tsi̱ꞌe̱ nga ka̱maa̱ ko̱kóyaá kje̱ꞌe xota̱.

Xo̱jo̱o̱n Sandiyaá 3:6

Kó najee̱n xikónií ngo ndiꞌí, ta̱nisién ndajín, ngatꞌa̱ kuí boá xi tsꞌénkjátsón ngayeje yojoo̱. Ndo̱bo̱a̱ṉkꞌi̱e̱e̱n ꞌbítí kui najee̱n, kó kui najee̱n ꞌbítí ngayeje kjo̱a̱mindyionná.