Énkjínkón 15:5 - Xo̱jo̱n eén Néná

⁵ Xota̱ kitikjo̱a̱a̱ tsꞌenjóꞌojín nga na̱ꞌmii̱ sa̱ꞌínchji̱ni̱e̱, ta̱nga kui xota̱ xi tsꞌenjóꞌoo̱, kuí boá xi nda sa̱ꞌínkjó ni xi sa̱ꞌín.

Énkjínkón 15:5 ပူးပေါင်းရင်းမြစ်များ

Xo̱jo̱n Salmoo̱ 141:5

Ndakjíꞌí nga sa̱ꞌínxchánjo̱na ko̱jo tsi ku̱i̱ꞌéna ngo xota̱ xi kixi̱, xikó maá tsi ndásíje̱n xi nda ka̱mana nga ꞌniú ku̱i̱chji̱a̱jona. Ji Ne, ngatsjéni̱xtjin tsꞌénmíꞌaá nga ko̱ti̱jée̱ xota̱ xi ꞌniú ndajiín.

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Énkjínkón 10:1

Én xí tsíchji̱a̱ nda̱ kjínkón Salomoo̱. Ngo ndí xí kjínkón, achichí kjo̱a̱tsja tsjaá na̱ꞌmii̱, ta̱nga ngo ndí xí kitikjo̱a̱a̱, achichí kjo̱a̱ndasen tsjaá na̱aa̱n.

Énkjínkón 13:1

Ndí xí kjínkoón, tsꞌénjóꞌo kjo̱a̱botíxomaa̱ na̱ꞌmii̱, ta̱nga ndí xí mojnókiee̱, ntꞌiéjiín nga tjín xí sa̱ꞌínxchánjo̱.

Énkjínkón 13:18

Kjo̱a̱ni̱ma̱ ko̱jo kjo̱a̱soboá kꞌuieé xota̱ xi tsꞌenchꞌó kjo̱a̱botíxomaa̱, ta̱nga si̱ꞌandikón boá kui xi jo̱ꞌo maá nga niꞌánchji̱ni̱e̱e̱.

Énkjínkón 15:4

Én xí nda ndokjo̱a̱a̱, kuí boá xi xikoó yá xí tsjá kjo̱a̱mindyioo̱n, ta̱nga én xí chꞌo tsoó, tsꞌéndásénná.

Énkjínkón 15:6

Achichí ni ꞌbeé ndiꞌaa̱ xota̱ xi kixi̱i̱, ta̱nga kjo̱a̱xti boá xi ꞌbeé kjo̱a̱a̱ to̱n xi tsꞌén xota̱ xi ꞌniú ndajiín.

Énkjínkón 19:20

Tasínijìi̱n kjo̱a̱botíxomaa̱, kó tsjangatamaa̱ nga si̱ꞌanchji̱ni̱e̱e̱, tsi̱ꞌe̱ nga xota̱ xi kjínkón ka̱ma ji nga ka̱maxchá jí.

Énkjínkón 25:12

Kjiꞌa ngo xota̱ xi kjínkón sa̱ꞌínchji̱ni̱e̱e̱, bo̱a̱ kjiꞌi chjínií xikoó ngo nangínijon ko̱jo tsi ngo ni xi jmeyá xi to̱nsinié.

Énkjínkón 6:23

Kjo̱a̱botíxomaa̱ ko̱jo kjo̱a̱bokoyaá, kuí boá xi xikoó ngo ndiꞌíxò xi tjítí ka̱maa̱, kó kjo̱a̱niꞌánchji̱ni̱e̱e̱, kuí boá xi ko̱ko̱ó kótsꞌèn nga nda ku̱i̱ndyin ji,

Titoo̱ 1:13

Ja̱koxi̱ kuí ni xi katsó kui ndaa̱, kuíni nga ꞌniú ndókjo̱e̱je ji, tsi̱ꞌe̱ nga kixi̱ kjo̱jo kjo̱a̱sꞌijii̱n Néná,

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.