Énkjínkón 14:3 - Xo̱jo̱n eén Néná

³ Xota̱ xi kitikjo̱a̱a̱ ta̱soboá kjo̱a̱a̱ kjo̱a̱nkꞌakon boá xi chji̱a̱, ta̱nga xota̱ xi kjínkoón, ni xi chji̱a̱ boá xi skónnií yojoo̱.

Énkjínkón 14:3 ပူးပေါင်းရင်းမြစ်များ

Joo̱b 5:21

Kuí boá xi skoón kjiꞌanga tjín xí ndajín ka̱tso̱o̱, kó nde chjiénjín nga ko̱ndaki̱n jí, kjiꞌanga kji̱ndi̱bá ni xi ndajiín.

Xo̱jo̱n Salmoo̱ 12:3

¡Néná ngatsꞌenkjié kui ndso̱ꞌba xi chji̱a̱ én ixii̱, ko̱jo kui najen xi chji̱a̱ én nkꞌakoo̱n!

Xo̱jo̱n Salmoo̱ 31:18

Takje ji tsꞌoa xota̱ xi ndisoo̱, kui xi achichí ndikón tsꞌén ndyi̱chji̱a̱ kondraa̱ xota̱ xi kixi̱i̱, nga ndyi̱tsꞌènkjién kjo̱a̱nkꞌakoo̱n ko̱jo kjo̱a̱niꞌánchꞌoó.

Xo̱jo̱n Salmoo̱ 57:4

Jè ngaskande xikoó tsi ngi̱jii̱n xandi̱je̱ je tikón kjo̱a̱mindyionna, jè ki̱a̱ kjiꞌijña an ki̱a̱ ngi̱jii̱n xota̱ xi ndiꞌí tsꞌénkjasó, kui xi ṉꞌni̱u̱ ja̱kon yáyojó xi niꞌánkꞌién xota̱ má kon, ko̱jo na̱je̱n ja̱kon ki̱cha̱ndojó xi yojó má kon.

Énkjínkón 12:6

Kjiꞌanga chji̱a̱ xota̱ xi ꞌniú ndajiín, chja̱ya̱ xi tsꞌenkꞌiénná boá xi ꞌbíndoo̱ xotaa̱, ta̱nga kjiꞌanga chji̱a̱ xota̱ xi kixi̱i̱, kuí nii̱ xi ꞌboxiéꞌá kui xotaa̱.

Énkjínkón 13:3

Xota̱ xi koo̱n ni xi chji̱a̱, ti̱kuíní yojoo̱ xi tsꞌénkoón, ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.

Énkjínkón 14:4

Tsi jmíjín cho̱yojo xi̱ꞌin xi tsꞌénxá, ngi̱ndie nínga xindyiá ni xi maxchaá, sꞌijña kjiꞌitiya, ta̱nga ta̱ngatꞌanii̱ ngaꞌniú xí tjiín cho̱yojo xi̱ꞌii̱n, nga tsie nichinie sakó.

Énkjínkón 18:6

Kjiꞌanga chji̱a̱ xota̱ xi kitikjo̱a̱a̱, kjo̱a̱xti boá xi mongase, kó kjo̱a̱a̱ ni xi chji̱a̱ boá nga ka̱ma kjoánií.

Énkjínkón 18:7

Kjiꞌanga chji̱a̱ xota̱ xi kitikjo̱a̱a̱, ti̱kuíní yojoo̱ xi ndajín tjítsꞌeén, kó kjo̱a̱a̱ kui nii̱, ti̱kuíní yojoo̱ xi tsꞌénꞌbijñaá ngo chja̱ya̱.

Énkjínkón 21:24

Xota̱ xi mojnókie ꞌmií, xota̱ xi nkꞌakoo̱n ko̱jo xi je ꞌboxié yojoo̱, kui xi je jaꞌatjoón nga nkꞌakon ma.

Énkjínkón 22:8

Xota̱ xi ni xi ndajín ꞌbítji̱e̱, ja̱ ti̱ ni xi ndajín kjo̱a̱ꞌátikó nga, kó Néná sa̱ꞌínkjiéni nga sa̱ꞌínkjién yá xí botixómáni.

Énkjínkón 28:25

Xota̱ xi xki̱ꞌáto̱o̱n, ta̱ kjo̱a̱xti boá xi ko̱ngase, ta̱nga kui xi Néná kjimaꞌniátakoón, kuí boá xi nda ko̱e̱je̱e̱.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.

Ni xi akakoo̱ 3:10

Ngatꞌa̱ nga jè kiniꞌínkjatjosén ji eén kjo̱a̱chiyákjo̱a̱na, ti̱ bo̱a̱ ti̱ tsꞌén an skoon ji nga kjo̱chó chi̱bo̱a̱a̱ kjo̱a̱chjatꞌayákón xi kji̱ndi̱bánié ngayeje nga̱sondiee̱, tsi̱ꞌe̱ nga xchítꞌayákón ngayeje xota̱ xi síndo tꞌanangii̱.