Énkjínkón 13:7 - Xo̱jo̱n eén Néná

⁷ Tjín xota̱ xi xota̱ cho̱n tsoó yojoo̱, ta̱nga nde ta̱jmìjín ni xi tjiín, kó kje̱ꞌe xí xota̱ ni̱ma̱ ꞌboxié yojoo̱, kó ngayeje nii̱ xi tjiín.

Énkjínkón 13:7 ပူးပေါင်းရင်းမြစ်များ

Énkjínkón 11:24

Xota̱ xi tsꞌénkábisoón to̱o̱n xota̱ ni̱ma̱a̱, ka̱ma cho̱n ngase, ta̱nga xota̱ xi ndikonkoón, ni̱ma̱ ka̱ma.

Énkjínkón 12:9

Chjí ngasenii̱ nga si̱ꞌanchꞌo ngo xota̱ xi tjiín xota̱ xi tsꞌenseén, ta̱bo̱a̱jiín ngo xota̱ xi nkꞌakon xi nde nichinie jmíjiín.

Énkjínkón 13:11

Kjo̱a̱cho̱n xi ndajín tsꞌén kasakoo̱, achichí tsá fe, ta̱nga xota̱ xi tsꞌénxaá, ma tsie ngase kjo̱a̱cho̱o̱n.

Énkjínkón 13:8

Xota̱ xi cho̱o̱n to̱o̱n xí ka̱ma ku̱i̱ꞌíchjítjéni yojoo̱ tsi tjín xí ku̱i̱ꞌíjñaꞌniú, ta̱nga xota̱ ni̱ma̱a̱, nde jmíjín xi mindyiandíkoón.

Rkaa̱ 12:20

Ta̱nga Néná, bi̱ katsoó: “Nda̱ chi̱ni, a yejín nga kui ni̱xtji̱e̱e̱n ko̱yè jí, kó ni xi je kachjeꞌétjé ji, ꞌyá xí tsi̱ꞌe̱ ka̱ma.”

Rkaa̱ 12:21

Bo̱a̱ máa kui xota̱ xi tsie kjo̱a̱cho̱n ꞌbitíkoó yojoo̱, ta̱nga achichí ni̱ma̱ síndo ngindyi̱ko̱n Néná.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

1 Xota̱ Korinto̱ 4:8

Jún xi xota̱ xi sꞌijii̱n nga je nda kitsiejnú, jè cho̱njnú. ¡Jún xikónií já re xi machjiénjiín ji̱n. Mejénna nga re ja̱koxi̱ ka̱majnú, tsi̱ꞌe̱ nga bo̱a̱ tsꞌén ko̱jo ji̱n sa̱kójne̱ xá nga nijan ko̱ti̱xomá!

2 Xota̱ Korinto̱ 4:7

Néná katsjájne̱ kui kjo̱a̱cho̱n xi̱ꞌbi̱, kó ji̱n xikónií ngo boso̱ ti̱jì nínga tikóntjó kui kjo̱a̱cho̱o̱n. Tsi̱ꞌe̱ nga sꞌi̱jña tsijen nga kui ngaꞌniú ndakjiꞌii̱ tsi̱ꞌe̱ Néná ka̱ma, kó jmí tsi tsa̱ji̱n.

2 Xota̱ Korinto̱ 6:10

Tindyionjne̱ xikoó xota̱ xi ndasen síndo, ta̱nga ngatsjéni̱xtjin nga tsjatjínjne̱. Tindyionjne̱ xikoó xota̱ ni̱ma̱, ta̱nga achichí xota̱ xi niꞌáncho̱njne̱. Tindyionjne̱ xikoó xota̱ jmí nijiín, ta̱nga ngayeje nii̱ xi tjínjne̱.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

2 Xo̱jo̱o̱n Peé 2:19

Bo̱a̱ ndyi̱tsoó xotaa̱ nga sꞌi̱ndondé, kó kuí síndo, xikoó moso̱ xi kastiñaá ni xi fotsoo̱n. Ngatꞌa̱ ngayeje ni xi tsꞌénná xi tsꞌénchájáná, kuí nii̱ xi ꞌbíndoꞌniúná.

Ni xi akakoo̱ 2:9

Be án kjo̱a̱ni̱ma̱ xi tibitjatí ji, ko̱jo kjo̱a̱ni̱ma̱ xi tindyinjin ji, ndatsi nga ja̱koxi̱ cho̱n ji, kó ti̱ be án kótsꞌèn chꞌo chji̱a̱ kjo̱a̱a̱ ji kui xi xota̱ jundío̱ tsoó yojoo̱, ta̱nga xota̱ jundío̱jín bo̱a̱, ta̱sá kuí boá xi xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱.

Ni xi akakoo̱ 3:17

Ngatꞌa̱ bi̱ tꞌísé ji: Cho̱n án, kó jè kamácho̱n an, kó nde ngojín ni chajana, kó nde yejín ji nga ta̱soboá ni xi ndajín xí kjimaa̱, nga ni̱ma̱ ji, nga jmíjiín to̱n, nga ti̱ka̱ ji, ko̱jo nga tindyin kjiꞌixtí ji.