Énkjínkón 13:2 - Xo̱jo̱n eén Néná

² Ni xi chji̱a̱ xotaa̱ boá xi nda sa̱ꞌíntsienii̱, ta̱nga xota̱ xi botiñáná, ni xi ndajín boá xi sa̱ko̱ó.

Énkjínkón 13:2 ပူးပေါင်းရင်းမြစ်များ

Xo̱jo̱n Salmoo̱ 140:11

¡Nginijánjín ꞌbé ngase kui nga̱sondiee̱ xota̱ xi ndiso! ¡Ngatjie ni xi ꞌniú ndajiín, ko̱jo kui xota̱ xi ꞌniú ndajiín nga!

Xo̱jo̱n Salmoo̱ 75:8

Ngi̱ya tsja Néná je tikón ngo chi̱tsen, kó bino̱ xi ndyi̱a̱ xi je tsꞌájii̱n, je kjima xán. Kó kjiꞌanga skjitjón, ngayeje xota̱ xi ꞌniú ndajín xi tjín tꞌanangii̱ kꞌuí ngaskande nga ngiti̱ ingojín tín ku̱i̱ꞌíjñá ngase.

Énkjínkón 1:18

Ta̱nga kui xota̱ xi ndyi̱tsꞌèn jeé ti̱kuíní bo̱a̱ xi ndyi̱tsꞌèntsóbejo̱ kjo̱a̱mindyioo̱n, kó ti̱kuíní bo̱a̱ xi sa̱ꞌínchaja.

Énkjínkón 1:31

Kuíni nga sa̱kójnú ni xi tsoboájnú: ¡kó ngaskande kꞌo̱jòn májnú kjo̱a̱xti!

Énkjínkón 10:11

Tsꞌoa xota̱ xi kixi̱i̱, ki̱a̱ fotjonii̱ én xí tsjá kjo̱a̱mindyioo̱n, ta̱nga tsꞌoa xota̱ xi ndajiín boá nínga fotjonii̱ kjo̱a̱xchán.

Énkjínkón 11:23

Ni xi mejeén sa̱ꞌín xota̱ xi kixi̱, ngatsjéni̱xtjin nga ni xi nda foeꞌejo̱, ta̱nga kjo̱a̱chiyaá xota̱ xi ndajiín, kjo̱a̱xti boá.

Énkjínkón 12:14

Kuí ni nda xi chji̱a̱ xotaa̱ xi sa̱ꞌíntsiee̱, kó bo̱a̱ tsꞌén ka̱machjií, kjo̱a̱a̱ xikótsꞌèn sa̱ꞌínxá.

Énkjínkón 18:20

Ni xi kjo̱tjoo̱ tsꞌoa xotaa̱, kuí boá ni xi sa̱ꞌíntsiee̱, sa̱ꞌíntsie cha̱n cha̱a̱n ni xi ku̱i̱chji̱a̱.

Énkjínkón 18:21

Najee̱n tjínrií ngaꞌniú tsi̱ꞌe̱ nga tsjá kjo̱a̱mindyioo̱n, ko̱jo tsi kjo̱a̱bo̱yaa̱, kó xota̱ xi tjó maá kui nii̱, ti̱kuíní xi sa̱ꞌínjo̱ yojoo̱.

Énkjínkón 4:17

Ngindiee̱ nga ṉño̱ skji̱ni̱e̱, ta̱sá ni xi ndajín boá xi tsꞌén, ngindiee̱ nga ni xi ꞌyó xi kꞌuí, ta̱sá achichí tsjá maá nga chejé tsꞌén.

Ni xi akakoo̱ 16:6

ngatꞌa̱ kuí jaá xi iskjitjón jiín xota̱ na̱xi̱ńdá tsjièe̱, ko̱jo já chji̱ni̱e̱ꞌée̱n, kó ngotꞌe̱ ꞌne̱ jí xí tiboeꞌée̱ nga jín ndyi̱ꞌbi. ¡Nda kamaá!