Énkjínkón 13:18 - Xo̱jo̱n eén Néná

¹⁸ Kjo̱a̱ni̱ma̱ ko̱jo kjo̱a̱soboá kꞌuieé xota̱ xi tsꞌenchꞌó kjo̱a̱botíxomaa̱, ta̱nga si̱ꞌandikón boá kui xi jo̱ꞌo maá nga niꞌánchji̱ni̱e̱e̱.

Énkjínkón 13:18 ပူးပေါင်းရင်းမြစ်များ

Xo̱jo̱n Salmoo̱ 141:5

Ndakjíꞌí nga sa̱ꞌínxchánjo̱na ko̱jo tsi ku̱i̱ꞌéna ngo xota̱ xi kixi̱, xikó maá tsi ndásíje̱n xi nda ka̱mana nga ꞌniú ku̱i̱chji̱a̱jona. Ji Ne, ngatsjéni̱xtjin tsꞌénmíꞌaá nga ko̱ti̱jée̱ xota̱ xi ꞌniú ndajiín.

Énkjínkón 12:1

Xota̱ xi tsja maa̱ nga niꞌánchji̱ni̱e̱, kjo̱a̱a̱ nga tjórií kjo̱a̱kjínkoón, ¡ta̱nga kui xi tsjajín maá nga niꞌánxchánjoo̱, xota̱ xi chi̱ni boá!

Énkjínkón 13:13

Kui xi sa̱ꞌínsénjiín ngo kjo̱a̱ xi ko̱e̱ꞌeé, achichí chjí ku̱i̱ꞌíchjí, ta̱nga kui xi sa̱ꞌínkjatjosoón, ngo kjo̱a̱nda sa̱ko̱ó.

Énkjínkón 13:19

¡Achichí tsjá máná kjiꞌanga fotjosón ni xi mejénná nga ka̱ma! ¡Ta̱nga xota̱ xi kitikjo̱a̱a̱, achichí chꞌo maá nga kjo̱ta̱xíntꞌaa̱ ni xi ndajiín!

Énkjínkón 13:25

Xota̱ xi kixi̱i̱ kjinie nichinie ngaskande nga nda tsiee̱, ta̱nga xota̱ xi ꞌniú ndajiín jmíni̱xtjin tsiee̱.

Énkjínkón 15:5

Xota̱ kitikjo̱a̱a̱ tsꞌenjóꞌojín nga na̱ꞌmii̱ sa̱ꞌínchji̱ni̱e̱, ta̱nga kui xota̱ xi tsꞌenjóꞌoo̱, kuí boá xi nda sa̱ꞌínkjó ni xi sa̱ꞌín.

Énkjínkón 19:6

Achichí má xota̱ xi mongase kjo̱a̱ndaa̱ xota̱ xi nda ini̱ma̱a̱, kó ngayeje xotaa̱ xi mongase nga nda ko̱a̱ꞌa, nda̱ xi tsie ni tsjaá.

Énkjínkón 25:12

Kjiꞌa ngo xota̱ xi kjínkón sa̱ꞌínchji̱ni̱e̱e̱, bo̱a̱ kjiꞌi chjínií xikoó ngo nangínijon ko̱jo tsi ngo ni xi jmeyá xi to̱nsinié.

Énkjínkón 9:9

Takoyèe̱ xota̱ xi kjínkoón, kó tsie ngase kjo̱a̱kjínkón kꞌuieé, takoyèe̱ xota̱ xi kixi̱i̱, kó tsie ngase ni xi ka̱maa̱ kui.

Eklesiastee̱ 7:5

Chjí ngasenii̱ nga ngo xota̱ xi kjínkón sa̱ꞌínxchánjo̱o̱, ta̱bo̱a̱jiín nga ngo xota̱ xi kitikjo̱a̱ tsja ka̱tso̱o̱.

Xota̱ Ebreo̱ 12:25

Chónjnú yojojnú, kó ngata̱ niꞌánchꞌójínjnú kui Néná xi tsꞌénchji̱a̱a̱, ngatꞌa̱ ni̱xtjin xcháján xota̱ Israee̱l katsꞌénchꞌó Néná xí kꞌi̱e̱ tꞌanangii̱ ꞌniú atíxomaa̱ nga tsíchji̱a̱jo, kó kui xotaa̱ kamájiín jatjongii̱ yojoo̱, tsi̱ꞌe̱ nga sa̱kójiín kjo̱a̱botíjeé. Akja̱ꞌmíra̱ ñá ka̱máná ko̱ꞌna̱xiéngí yojoná tsi̱ꞌe̱ nga sa̱kójínná kjo̱a̱botíjeé tsi si̱ꞌanchꞌo kui Néná xi tsꞌénbotixómá nga tsꞌénchji̱a̱joná ndeskande ndiꞌakꞌajmii̱.