Énkjínkón 12:5 - Xo̱jo̱n eén Néná

⁵ Ni xi tsꞌénkjó xota̱ xi kixi̱, kjo̱a̱kixi̱i̱ boá, ta̱nga ni xi tsꞌénkjó xota̱ xi ndajiín, kjo̱a̱chꞌáṉcha̱ boá.

Énkjínkón 12:5 ပူးပေါင်းရင်းမြစ်များ

Xo̱jo̱n Salmoo̱ 139:23

Ji Ne, tsitsíjìi̱n ngi̱jin ini̱ma̱na, kó chjátꞌeyékín ji kjo̱a̱niꞌánkjóna.

Énkjínkón 11:23

Ni xi mejeén sa̱ꞌín xota̱ xi kixi̱, ngatsjéni̱xtjin nga ni xi nda foeꞌejo̱, ta̱nga kjo̱a̱chiyaá xota̱ xi ndajiín, kjo̱a̱xti boá.

Énkjínkón 12:4

Chjo̱on xí ndaxotaa̱ achichí ndatsꞌèn tsꞌénkꞌijñá xi̱ꞌii̱n, xikó maá tsi kui xi ma ngo korona̱ xi ꞌbíꞌá toko, ta̱nga kui chjo̱on xí ndajiín, kuí boá xi tsꞌenkjié kjin kjo̱a̱ xi̱ꞌii̱n, xikó maá chiꞌindíꞌyó xí tsꞌenkjié ńdaná.

Énkjínkón 12:6

Kjiꞌanga chji̱a̱ xota̱ xi ꞌniú ndajiín, chja̱ya̱ xi tsꞌenkꞌiénná boá xi ꞌbíndoo̱ xotaa̱, ta̱nga kjiꞌanga chji̱a̱ xota̱ xi kixi̱i̱, kuí nii̱ xi ꞌboxiéꞌá kui xotaa̱.

Énkjínkón 14:8

Xota̱ xi kjínkoón ko̱jo xi xi̱ꞌinkjo̱a̱a̱, jè be ndi̱yà nínga fí, ta̱nga xota̱ xi kitikjo̱a̱a̱, ti̱kuíní kjo̱a̱kitikjo̱a̱a̱ xi ꞌboṉcha̱jo.

Énkjínkón 24:9

Jé boá ni xi tsꞌénkjó xota̱ xi kitikjo̱a̱a̱. ¡Kó ngayeje xotaa̱ xi achichí tsꞌenchꞌó xota̱ xi mojnókiee̱!

Matioo̱ 2:16

Kósꞌe̱ nga kamákjiín Erondee̱ nga tsꞌenṉcha̱jo já kjínkoón, achichí katsꞌénxchán, kó katsangiya tsi̱ꞌe̱ nga kiniꞌánkꞌién ngayeje jákjíndí xíꞌín xi ngindiee̱ nga jó noó, xi síndo ndí na̱xi̱ńdáꞌniú Belee̱n ko̱jo ngayeje ndí nangi xi síndotꞌa kui ngi̱ndiee̱, ngatꞌa̱ askosoón ni̱xtjin xikó katsoó kui já kjínkoón.

Matioo̱ 26:4

kó índa tsi̱ꞌe̱ nga ku̱i̱ꞌíndiso nga stso̱ba̱ Kjisoo̱ ko̱jo tsi̱ꞌe̱ nga sa̱ꞌínkꞌién,

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 4:2

Niꞌánjínjne̱ ni xi niꞌán nínga ꞌmaa̱, ko̱jo ni xi tsja̱aná kjo̱a̱soboá, jmí kjo̱a̱maña ndyi̱niꞌánkjiénjínjne̱, ti̱nde jmí tsi ndyi̱ꞌbosíkjoyájne̱ eén Néná. Néná be nga ja̱koxi̱ boá ni xi ndokjo̱a̱jne̱, kó bo̱a̱ tsꞌén ndyi̱bokojne̱ kókónjne̱ ngindyi̱ko̱n xota̱ xi nda síndo kjo̱a̱kjíntakoón.