Énkjínkón 11:23 - Xo̱jo̱n eén Néná

²³ Ni xi mejeén sa̱ꞌín xota̱ xi kixi̱, ngatsjéni̱xtjin nga ni xi nda foeꞌejo̱, ta̱nga kjo̱a̱chiyaá xota̱ xi ndajiín, kjo̱a̱xti boá.

Énkjínkón 11:23 ပူးပေါင်းရင်းမြစ်များ

Xo̱jo̱n Salmoo̱ 10:17

Ji Ne, jí boá xi kandaꞌyée̱ ni xi mejeén xota̱ xi ni̱ma̱kjo̱a̱a̱. Jí boá xi boeꞌé ngaꞌníi̱ ini̱ma̱a̱, kó niꞌínsée̱n nga chji̱a̱a̱,

Xo̱jo̱n Salmoo̱ 119:10

Ngayejení ini̱ma̱na nga mongasee̱ ji, kó ngi̱jii̱n kjo̱a̱niꞌánkjóna yaꞌa an ée̱n. Ti̱ꞌin ji nga ka̱ma ꞌniáko̱n an kjo̱a̱bokoyáa̱, tsi̱ꞌe̱ nga sa̱ꞌinjéjín an.

Xo̱jo̱n Salmoo̱ 119:5

Mejénna sa̱ꞌinchji̱ni̱e̱ an yojona, kó sa̱ꞌinkjatjosón an ni xi tsó kjo̱a̱botíxomàa̱.

Xo̱jo̱n Salmoo̱ 27:4

Ta̱ ngo tsí ni xi je tsíꞌáa̱ Néná, kó kuí boá ni xi kongase an: Nga ki̱a̱ kotíjña̱ an ndiꞌaa̱ Néná ngayeje ni̱xtjin nga kotíjña̱ an nga̱sondie, tsi̱ꞌe̱ nga skuie an kjo̱a̱tsjakjiꞌii̱ Néná, ko̱jo nga ki̱a̱ sa̱ꞌinkjó án ki̱a̱ na̱ngo̱xi̱i̱.

Xo̱jo̱n Salmoo̱ 37:4

Tsjangatamaa̱ ngatꞌaa̱ Néná, kó kuí boá xi tsja̱á ni xi mejeén ini̱ma̱a̱.

Énkjínkón 10:28

Xota̱ xi kixi̱i̱, ndyi̱koyaa̱ nga tsja tsꞌén kꞌuíndo, ta̱nga xota̱ xi ꞌniú ndajiín, kjo̱a̱ndasen boá xi kjo̱a̱chiyaá.

Énkjínkón 11:24

Xota̱ xi tsꞌénkábisoón to̱o̱n xota̱ ni̱ma̱a̱, ka̱ma cho̱n ngase, ta̱nga xota̱ xi ndikonkoón, ni̱ma̱ ka̱ma.

Énkjínkón 11:7

Kjiꞌanga fesón xota̱ xi ꞌniú ndajiín, ki̱a̱ nijan fesónjo̱ kjo̱a̱chiyaá, ko̱jo kui ni yiꞌi xi katsꞌénkjó nga sa̱ꞌín katsaki.

Énkjínkón 12:5

Ni xi tsꞌénkjó xota̱ xi kixi̱, kjo̱a̱kixi̱i̱ boá, ta̱nga ni xi tsꞌénkjó xota̱ xi ndajiín, kjo̱a̱chꞌáṉcha̱ boá.

Énkjínkón 13:2

Ni xi chji̱a̱ xotaa̱ boá xi nda sa̱ꞌíntsienii̱, ta̱nga xota̱ xi botiñáná, ni xi ndajín boá xi sa̱ko̱ó.

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Xota̱ Ebreo̱ 10:27

Ta̱ kuí tsí nii̱ xi sa̱ko̱ó xi bo̱a̱ ndyi̱tsꞌe̱én: Ngo kjo̱a̱botíjé xi ꞌniú ko̱jo kui ndiꞌí xí Néná sa̱ꞌínkjiéni xota̱ xi kondra̱ síndonii̱.