Énkjínkón 10:9 - Xo̱jo̱n eén Néná

⁹ Xota̱ xi kixi̱i̱, achichí kjo̱a̱xió ꞌbeé, ta̱nga xota̱ xi tsoꞌbá ndi̱yà xí ndajiín, kjo̱chó ni̱xtjin nga sa̱ꞌínchaja yojoo̱.

Énkjínkón 10:9 ပူးပေါင်းရင်းမြစ်များ

Jenesii̱s 17:1

Kjiꞌanga kamá ichítié ko̱jo yichán nijan noó Abra̱n, Néná jatjokjaà, kó bi̱ katsoó: «Án boá kui Ne xi tsi̱ꞌe̱ ngayeje ngaꞌniuú, ndaꞌyéꞌínní ngatsjéni̱xtjin kó kixi̱ ti̱ńtje̱ ji.

Joo̱b 8:20

»Néná tsꞌenchꞌójín xota̱ xi kixi̱i̱, ti̱nde bosikójojín xota̱ xi ꞌniú ndajiín.

Xo̱jo̱n Salmoo̱ 23:4

Ndatsi ki̱a̱ tsoꞌbá an nangi són nínga tjín kjo̱a̱bo̱yaa̱, jmí ni xi ndajín stsakjonjín an, ngatꞌa̱ jí boá xi ki̱a̱ tindyintꞌení, Ńꞌniúu̱ ko̱jo yánísiée̱ boá tsjána kjo̱a̱ꞌniátakón.

Xo̱jo̱n Salmoo̱ 25:21

Jí boá xi tsꞌénkoyaa̱. Kjo̱a̱kixi̱na ko̱jo kjo̱a̱a̱ nga jmíjínna jé, kuí boá kui nii̱ xi sa̱ꞌín nga sa̱ꞌin an.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Énkjínkón 17:20

Xota̱ xi ni xi ndajín tjíjin ini̱ma̱a̱, jmíni̱xtjin ni xi nda sa̱ko̱ó, kó xota̱ xi ndisoo̱, ni xi ndajín ka̱maa̱.

Énkjínkón 26:26

Ndatsi ko̱óꞌmá kjo̱a̱niꞌánchꞌoó nga tsjatsꞌèn ku̱i̱chji̱a̱, ta̱nga kui ni xi ndajín xi tjíjii̱n xcha̱ ngindyi̱ko̱n xotaa̱.

Énkjínkón 28:1

Xota̱ xi ꞌniú ndajiín, monga ndatsi jmí tsi tjimíyotji̱ngii̱, ta̱nga xota̱ xi kixi̱i̱ maꞌniátakón nga xió ꞌbíjñá, xikó maá ngo xandi̱je̱.

Énkjínkón 28:18

Xota̱ xi kixi̱ tsoꞌbaá, kjo̱tjoꞌa, ta̱nga xota̱ xi ꞌniú ndajiín, ti̱kuíní xi ndajín ka̱maa̱.

Énkjínkón 3:23

Kósꞌe̱ kjiꞌá boá nga tsjatsꞌèn ku̱i̱ńtje̱ ji nga ku̱i̱ndyin nga̱sondie, kó jmí ni sti̱ngíjín ndsa̱ki ji.

Matioo̱ 10:26

Ja̱ kuíni nga ngata̱ ndakonjínmájnú, ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

1 Timoo̱ 5:25

Ti̱ bo̱a̱ ti̱ tsꞌén ni xi nda niꞌaán ya cha̱n cha̱n, kó ni xi kje̱ꞌeé ka̱májín ngatsjéni̱xtjin nga kꞌuíndoꞌmá.