Énkjínkón 10:4 - Xo̱jo̱n eén Néná

⁴ Tsi si̱ꞌinxéjín ji, ni̱ma̱ tsꞌén ku̱i̱ndyin ji, kó tsi ꞌniú si̱ꞌinxé jí, ka̱macho̱n ji.

Énkjínkón 10:4 ပူးပေါင်းရင်းမြစ်များ

Jenesii̱s 26:32

Ti̱ kuii̱ ni̱xtjin já mosoo̱ Isaa̱ jachókoón nga katsóyaà nga kui ndáńchꞌi̱ xi ndyi̱tsꞌèndaa̱ je kasakoo̱ ndáfoa.

Énkjínkón 10:5

Xota̱ xi maxchaá nichinie cho̱ndoboá ꞌniuú, kuí boá xi ndatsꞌèn tsꞌénkjó, ta̱nga xota̱ xi fofé kjiꞌanga je jachó cha̱a̱n ni xi ꞌbítji̱e̱e̱, achichí kjo̱a̱soboá kjo̱a̱ꞌa.

Énkjínkón 11:24

Xota̱ xi tsꞌénkábisoón to̱o̱n xota̱ ni̱ma̱a̱, ka̱ma cho̱n ngase, ta̱nga xota̱ xi ndikonkoón, ni̱ma̱ ka̱ma.

Énkjínkón 12:24

Xota̱ xi tsꞌénxaá, kuí boá xi ko̱tíxomaa̱ kje̱ꞌe xota̱, ta̱nga xota̱ xi tsiꞌeé ngatsjéni̱xtjin nga mosoo̱ kje̱ꞌe xota̱ ka̱ma.

Énkjínkón 12:27

Xota̱ xi tsiꞌeé nde cho̱ xi tsꞌenkꞌién ꞌbítsjójín, ta̱nga xota̱ xi tsꞌénxaá, tjoninkꞌaa̱ yojoo̱.

Énkjínkón 13:4

Xota̱ xi tsiꞌeé achichí ni xi ma mejeén, kó nde jmí ni sakójiín, ¡ta̱nga xota̱ ꞌniú tsꞌénxaá, kuí xí tjoninkꞌaa̱ yojoo̱!

Énkjínkón 18:9

Xota̱ xi tsiꞌeé ko̱jo xota̱ xi tsꞌénkjátsón nii̱, ¡ngaskande xikó maá tsi ngo ntsꞌi̱e̱ ma xkjín!

Énkjínkón 19:15

Kjo̱a̱tsiꞌeé tsꞌénkáfétjénná, kó xota̱ xi tsiꞌeé kjindiá kjo̱a̱ꞌa.

Énkjínkón 19:24

Xota̱ xi tsiꞌeé tsangijin tsja ngi̱ya ti̱bo̱a̱a̱, kó ngaskande é maá nga skji̱ni̱e̱ nichiniee̱.

Énkjínkón 20:13

Tsi ta̱soboá tsjáfé jí, ni̱ma̱ tsꞌén ku̱i̱ndyin ji. Ta̱sá tindyie ndyikin, kó jmíni̱xtjin xcha̱jaa̱ nichinie.

Énkjínkón 20:4

Xota̱ xi tsiꞌeé tsꞌénxájín ni̱xtjin nga ma cho̱nchꞌàn, kó nga fochó cho̱ndoboaá sakójiín nichinie.

Énkjínkón 21:5

Tsi nda si̱ꞌinkjé jí ni xi si̱ꞌin ji, achichí ni xi nda kꞌuieé, ta̱nga tsi ta̱xkiya si̱ꞌin ji ngo ni, ni̱ma̱ tsꞌén ku̱i̱ndyin ji.

Eklesiastee̱ 10:18

Ta̱ngatꞌanii̱ kjo̱a̱tsiꞌeé nga kꞌo̱ka nkꞌaa̱ ndiꞌaa̱, ta̱ngatꞌanii̱ kjo̱a̱tsiꞌeé nga ku̱i̱ti̱n ngayeje ndiꞌaa̱.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

1 Xota̱ Korinto̱ 15:58

Kó kuíni jún bo̱a̱ ndí ntsꞌie xi tjóna, ꞌniú ti̱ndyiàjnú, kó ndyiojón ndyiojón, ko̱jo saꞌniú sáꞌniú ti̱ꞌánjnú xaá Ndi̱a̱ná, ngatꞌa̱ jún jè yàjnú nga ta̱ kjo̱a̱ndajiín xaá Ndi̱a̱ná xí ndyi̱niꞌánjnú.