Énkjínkón 10:30 - Xo̱jo̱n eén Néná

³⁰ Xota̱ xi kixi̱i̱ ngatsjéni̱xtjin nga nda ka̱ma ni xi sa̱ꞌín, ta̱nga xota̱ xi ꞌniú ndajiín kꞌi̱e̱jín kꞌuíndo kui nga̱sondiee̱.

Énkjínkón 10:30 ပူးပေါင်းရင်းမြစ်များ

Joo̱b 17:9

Xota̱ xi kixi̱i̱, fíra ndi̱yà xí tjimá, kó xota̱ xi jmíjéjiín ndyiojón ndyiojón kꞌuié ngasee̱ ngaꞌniú!

Xo̱jo̱n Salmoo̱ 112:6

Xota̱ xi ndaa̱ ngatsjéni̱xtjin nga nda má ni xi tsꞌén, kó ngatsjéni̱xtjin nga ndatsꞌèn niꞌánkjaꞌátsjien.

Xo̱jo̱n Salmoo̱ 125:1

Xota̱ xi maꞌniátakón Néná, xikónií na̱xi̱ Sioo̱n, nga jmíjín xi maa̱ tsꞌéntíyaà. ¡Ngatsjéni̱xtjin nga kꞌuíndo!

Xo̱jo̱n Salmoo̱ 15:5

kui xi jmí ndyi̱ko̱n foaꞌáchjíjín nga to̱n tsꞌénkíyà, ti̱nde jmí to̱n kjíbéjín tsi̱ꞌe̱ nga ndajín si̱ꞌanjo̱ ngo xota̱ xi jmí jéjiín. Kui xota̱ xi sa̱ꞌín ngayeje kui nii̱, ngatsjéni̱xtjin nga ꞌniú kꞌuijñá.

Xo̱jo̱n Salmoo̱ 16:8

Ngatsjéni̱xtjin nga Néná boá xi tjínjinkon an, ngatꞌa̱ ki̱a̱ tikóntꞌana tjia kixi̱na, kuíni nga jmíjín ni xi kꞌo̱jmina.

Xo̱jo̱n Salmoo̱ 37:22

Ngatꞌa̱ xota̱ xi Néná jè katsꞌénchikonñé kuí boá xi sa̱ko̱ó tꞌanangii̱, ta̱nga xota̱ xi Néná jè bo̱a̱ katsó nga ndajín ka̱maa̱, si̱ꞌankjie.

Xo̱jo̱n Salmoo̱ 52:5

¡Ta̱nga Néná boá xi sa̱ꞌínkjié kjin kjii̱n! Skjifeé kó ko̱ngatji̱ngii̱ ndiꞌàa̱, ¡kuí boá xi skji̱níyánii̱ kui nga̱sondie nínga síndo xotaa̱!

Énkjínkón 10:25

Kjiꞌanga foaꞌa ngo tjo̱ꞌniú, chaja xota̱ xi ndajiín, ta̱nga ngatsjéni̱xtjin nga kꞌuijñá xota̱ xi kixi̱i̱.

Matioo̱ 21:41

Sꞌe̱ bi̱ katsó kui xotaa̱: –Sa̱ꞌínkjié ngayeje kui jaá, kó ni̱ma̱jín ka̱maa̱, sꞌe̱ kje̱ꞌe xota̱ tsja̱á chjínangí kui ngi̱ndiee̱, xi ku̱i̱ꞌíchjií nga kjo̱chó ni̱xtjin xikó kjiꞌi ni xi tsoboaá.