Énkjínkón 10:22 - Xo̱jo̱n eén Néná

²² Kjo̱a̱niꞌánchikonñeé Néná, kjo̱a̱cho̱n boá, kó jmí kjo̱a̱ndasenjiín.

Énkjínkón 10:22 ပူးပေါင်းရင်းမြစ်များ

Jenesii̱s 12:2

Kó ngo na̱xi̱ńdá xí ta̱nisién je sa̱ꞌin an ngayeje xota̱ tji̱e̱e̱, kó sa̱ꞌinchikonñeé, kó nkꞌa kꞌuijñá an jaꞌée̱n, kó ta̱ngatꞌanii̱ ji nga kjín xota̱ xi ka̱machikonñé.

Jenesii̱s 13:2

Kui ni̱xtjin jàn Abra̱n achichí jè cho̱n, ngatꞌa̱ kisꞌiee̱ to̱nsinié ko̱jo to̱ntiboa ko̱jo kjín to̱ko̱ya cho̱.

Jenesii̱s 14:23

nga ngojín ni tse̱ skjíbé án, nde ngo ńchjón, ti̱nde ngo ńꞌniuú tji̱xíndié xí tse̱ skjíbéjín an, tsi̱ꞌe̱ nga án xí katsꞌencho̱n an Abra̱n séjín ji,

Jenesii̱s 24:35

Néná achichí tjítsꞌénchíkonñé ndi̱a̱na ngatꞌa̱ achichí cho̱n, Néná katsjaá cho̱tsa̱nga̱, ko̱jo cho̱yojo, ko̱jo to̱nsinié, ko̱jo to̱ntiboa, ko̱jo já moso̱, ko̱jo ínchjín moso̱, ko̱jo cho̱toꞌoyitsꞌe̱n ko̱jo bórró.

Jenesii̱s 26:12

Ti̱ kuii̱ nó, Néná katsjaá Isaa̱ nga tsie ni tjié kamáxchaá, kó úchán bo̱a̱ kjiꞌi ngase ni xi ítji̱e̱ kui tꞌanangii̱ xi jaꞌátikó.

Jenesii̱s 26:13

Kó bo̱a̱ tsꞌén Isaa̱ achichí to̱n katsꞌén, kó ꞌniú kamácho̱n.

Xo̱jo̱n Salmoo̱ 107:38

Néná katsꞌénchikonñé, kó achichí kamá ndií, kó cho̱ tji̱e̱é achichí kamákjín nga.

Xo̱jo̱n Salmoo̱ 127:2

Ta̱kjo̱a̱ndaní nga ta̱jñó ku̱i̱stjíe̱njnú, ko̱jo tsi sájín tsjayójofejnú, ko̱jo tsi ꞌniú si̱ꞌanxájnú, tsi̱ꞌe̱ nga kꞌuiéjnú nichinie, kjiꞌanga Néná xí tjoó ngo xota̱ ndatsi kjiꞌifé nga tsjaá.

Xo̱jo̱n Salmoo̱ 37:22

Ngatꞌa̱ xota̱ xi Néná jè katsꞌénchikonñé kuí boá xi sa̱ko̱ó tꞌanangii̱, ta̱nga xota̱ xi Néná jè bo̱a̱ katsó nga ndajín ka̱maa̱, si̱ꞌankjie.

Énkjínkón 14:24

Xota̱ xi kjínkoón, kjo̱a̱kjínkoón boá xi kjo̱a̱cho̱o̱n, ta̱nga xota̱ xi kitikjo̱a̱a̱, kjo̱a̱kitikjo̱a̱a̱ boá xi kjo̱a̱cho̱o̱n.

Énkjínkón 20:21

Kjo̱a̱cho̱n xi tsá ko̱jo xi niꞌínjín sakóná nga tjón tjón, jmí kjo̱a̱tsja tsjájínná nga fetꞌanii̱.

Énkjínkón 28:22

Xota̱ xi xki̱ꞌáto̱o̱n mejeén nga tsá ka̱macho̱n, ta̱nga nde bejín nga kjo̱a̱ni̱ma̱ boá xi tsá kji̱ndi̱bánié.

Énkjínkón 8:21

Kó ꞌbikítsie máa̱ kjo̱a̱cho̱n ndiꞌaa̱ ngayeje xota̱ xi tjoó an.

Ndeuteronomio̱ 26:10

Kuíni nga ngotꞌe̱ ꞌne̱, tsꞌéntsjàa̱ ndokꞌóchjì kó kꞌi̱e̱ yaꞌàa to xi tjón kamáxchá xí itji̱e̱ an ki̱a̱ tꞌanangi xi kui katsjána”. »Sꞌe̱ jaskan kui xi sa̱ꞌínkꞌasꞌien kui ni̱se̱nya̱á, ki̱a̱ ku̱i̱ꞌíjñá ki̱a̱ nga̱són ṉchaa̱n Néná, kósꞌe̱ ko̱siéntikoó tsi̱ꞌe̱ nga sa̱ꞌíndikón Néná.

Ndeuteronomio̱ 28:11

»Ngije ki̱a̱ tindyiónjnú ki̱a̱ tꞌanangi xi Néná je katsóyàtjón nga tsja̱á xota̱ xi xchájnú, achichí nda sa̱ꞌínjo̱jnú. Kuí boá xi sa̱ꞌín nga kjín ndí kꞌuiéjnú, kó sa̱ꞌín nga ka̱makjín cho̱ xi kꞌuítji̱e̱jnú. »Ngayeje ni xi kꞌuítji̱e̱jnú, achichí tsie ni xi ka̱maxchaá,