Énkjínkón 10:14 - Xo̱jo̱n eén Néná

¹⁴ Xota̱ xi kjínkoón achichí ꞌniú ma mejeén kjo̱a̱kjíntakoón, ta̱nga nga chji̱a̱ xota̱ xi kitikjo̱a̱a̱, jè tikónndaa̱ ni xi ndajiín.

Énkjínkón 10:14 ပူးပေါင်းရင်းမြစ်များ

Énkjínkón 1:5

Jún, xota̱ xi chji̱ni̱e̱ ko̱jo xi kjínkónjnú, tasiénijónjnú, kó bo̱a̱ tsꞌén nga chji̱ni̱e̱ ngase ka̱majnú, ko̱jo ꞌniú ngase xcha̱jnú ni xi bokoyá kjo̱a̱mindyioo̱n.

Énkjínkón 10:10

Xota̱ xi ꞌbichjándsóná ndyi̱ko̱n kjo̱a̱ndasen boá xi mongase, kó tsꞌoa xota̱ xi kitikjo̱a̱a̱, kuí boá xi tsꞌénchájá.

Énkjínkón 10:8

Ini̱ma̱a̱ xota̱ xi kjínkoón tsꞌénkjátjosón kjo̱a̱botíxomaa̱, ta̱nga tsꞌoa xota̱ xi kitikjo̱a̱a̱, kuí boá xi tsꞌénchájá.

Énkjínkón 12:23

Xota̱ xi kjínkoón, nde bokójín ni xi be, ta̱nga xota̱ xi kitikjo̱a̱a̱, ngayeje xi tsáyaà ni chi̱ni xi tsꞌén.

Énkjínkón 13:3

Xota̱ xi koo̱n ni xi chji̱a̱, ti̱kuíní yojoo̱ xi tsꞌénkoón, ta̱nga kui xi ta̱xkiya chji̱a̱a̱, ti̱kuíní yojoo̱ xi sa̱ꞌínchaja.

Énkjínkón 17:20

Xota̱ xi ni xi ndajín tjíjin ini̱ma̱a̱, jmíni̱xtjin ni xi nda sa̱ko̱ó, kó xota̱ xi ndisoo̱, ni xi ndajín ka̱maa̱.

Énkjínkón 18:1

Xota̱ xi ndikonkoón, ta̱ ni xi nda maá kuí tsí xi mongase, kó chꞌo maa̱ nga tjín xí tsjaá ngo kjo̱a̱botíxoma xi nda.

Énkjínkón 18:15

Xota̱ xi makjiín sakoó kjo̱a̱kjínkoón, kó xota̱ xi nda bosiénníjoón, tsie ngase ni xi ka̱makjiín.

Énkjínkón 18:7

Kjiꞌanga chji̱a̱ xota̱ xi kitikjo̱a̱a̱, ti̱kuíní yojoo̱ xi ndajín tjítsꞌeén, kó kjo̱a̱a̱ kui nii̱, ti̱kuíní yojoo̱ xi tsꞌénꞌbijñaá ngo chja̱ya̱.

Énkjínkón 19:8

Xota̱ xi tjiín kjo̱a̱kjíntakón, tjórií yojoo̱, xota̱ xi chíyájiín ni xi je akakoyaá, achichí nda kꞌuijñá.

Énkjínkón 21:23

Xota̱ xi koo̱n tsꞌoa ko̱jo na̱je̱n, jmíni̱xtjin kꞌuieé kjo̱a̱xti.

Énkjínkón 9:9

Takoyèe̱ xota̱ xi kjínkoón, kó tsie ngase kjo̱a̱kjínkón kꞌuieé, takoyèe̱ xota̱ xi kixi̱i̱, kó tsie ngase ni xi ka̱maa̱ kui.

Eklesiastee̱ 10:12

Achichí tsjá máná én xí chji̱a̱ nda̱ xi kjínkoón, ta̱nga ni xi chji̱a̱ tsꞌoa nda̱ xi kitikjo̱a̱a̱, ti̱kuíní yojoo̱ xi tsꞌénchájá.

Matioo̱ 12:35

Nda̱ xi ndaa̱, ni xi nda ꞌboxiéjin ngi̱jin ini̱ma̱a̱, kó nda̱ xi ndajiín ni xi ndajiín xí ꞌboxié.

Matioo̱ 13:44

Nínga botíxomaa̱ Néná, xikónií ngo ti̱jìto̱n xi tikónꞌmá ngo ngindie kꞌijñá, kó ngo nda̱ sa̱ko̱ó, kó ti̱ ki̱a̱a̱ ku̱i̱ꞌíjñaꞌma nginí, kó achichí tsja tjiín sꞌe̱ fí ndiꞌaa̱, kó botiñá ngayeje ni xi tjiín, sꞌe̱ ꞌbotsie kui kꞌijñaá.

Matioo̱ 13:52

Sꞌe̱ Kjisoo̱, bi̱ katsó: –Kuíni nga ngayeje já chji̱ni̱e̱kjo̱a̱kiti xi bokoyá kjo̱a̱a̱ nínga botixómá Néná, xikónií ndi̱a̱a̱ ngo ndiꞌa xi ꞌboxié ni xchaá, ko̱jo ni tja̱tsi̱e̱ xi chjí xí síndotjoó.