Énkjínkón 10:13 - Xo̱jo̱n eén Néná

¹³ Tsꞌoa xota̱ xi kjínkoón, kjo̱a̱kjínkón boá xi chji̱a̱, ta̱nga nga̱xto̱n xota̱ xi kitikjo̱a̱a̱, tsi̱ꞌe̱ nga kjónié yá boá.

Énkjínkón 10:13 ပူးပေါင်းရင်းမြစ်များ

Xo̱jo̱n Salmoo̱ 32:9

Ngata̱ bo̱a̱jín kón niꞌín ji yojòo̱ xikoó ndi̱je̱e̱ ko̱jo tsi xikoó ndi̱je̱tajaá, nga jmíjiín kjo̱a̱kjíntakón, kó chjiéngá ńꞌniú si̱ꞌankjieén ko̱jo ki̱cha̱ kjoaꞌá tsꞌoa, tsi̱ꞌe̱ nga ka̱ma kongínjoo̱ nínga tindyin ji.»

Xo̱jo̱n Salmoo̱ 37:30

Tsꞌoa xota̱ xi kixi̱i̱ kjo̱a̱kjíntakoón boá xi chji̱a̱, kó na̱je̱n kjo̱a̱kixi̱ boá xi chji̱a̱.

Éksondo̱ 10:12

ta̱nga Néná bi̱ katsoó Moisee̱: «Tjin ji ndse̱ kó te̱ꞌékjo̱e̱ ji nga kji̱ndi̱bá chjo̱bo̱a̱a̱ nga̱soón nangi Ejipto̱, kó nga kjinie ngayeje xka̱ xi katsꞌénkꞌangi ndókoaá».

Énkjínkón 10:21

Eén xota̱ xi kixi̱i̱, achichí xota̱ bosikójo, ta̱nga xota̱ xi kitikjo̱a̱a̱ fesón, ngatꞌa̱ tsꞌénkjójín ni xi tsꞌén.

Énkjínkón 10:31

Tsꞌoa xota̱ xi kixi̱i̱ ngatsjéni̱xtjin nga én xí kjínkón ku̱i̱chji̱a̱, ta̱nga xota̱ xi ꞌniú ndajiín, ku̱i̱chá na̱je̱n.

Énkjínkón 15:23

Achichí tsjá maá xotaa̱ nga be nga nda ni xi chji̱a̱, kó achichí nda ngase maa̱ kjiꞌanga kuí má chi̱bo̱a̱a̱ nga tsjá ngo én.

Énkjínkón 15:7

Kjiꞌanga chji̱a̱ xota̱ xi kjínkoón, kjo̱a̱kjíntakón boá xi bokoyá, ¡ta̱nga xota̱ xi kitikjo̱a̱a̱ bo̱a̱jín tsꞌén tikón ini̱ma̱a̱!

Énkjínkón 16:21

Xota̱ xi tjiín kjo̱a̱kjínkón ngi̱jin ini̱ma̱a̱ nga tsꞌénkjó ngo ni, kuí boá xi xota̱ kjínkón ꞌmií, kó kjiꞌanga ixi tsꞌén chji̱a̱ ngo xota̱, nda ngase tsꞌénꞌíndatakón.

Énkjínkón 17:10

Nda ngase sa̱ꞌiín nga si̱ꞌanxchánjo̱ ngo xota̱ xi kjínkón, ta̱bo̱a̱jiín tsi úchán ńꞌniú kjo̱a̱a̱, xota̱ xi kitikjo̱a̱a̱.

Énkjínkón 19:29

Jè tikónnda kjo̱a̱botíjé tsi̱ꞌe̱ xota̱ xi mojnókiee̱, kó ti̱ jè tikónnda ńꞌniú xí kjónié nga̱xto̱n xota̱ xi kitikjo̱a̱a̱.

Énkjínkón 20:15

Achichí to̱nsinié ko̱jo ndi̱jo̱ tsjakon tjín kuí nga̱sondiee̱, ta̱nga jmíjín ingo ni xi ꞌniú chjínií, xikoó kjo̱a̱bokoyaá xota̱ xi kjínkoón.

Énkjínkón 26:3

Ndi̱je̱e̱ ńꞌniú foaá nga niꞌánchji̱ni̱e̱ni, bórroó ki̱cha̱ foaꞌa tsꞌoa nga chjenꞌniúnií, kó xota̱ xi kitikjo̱a̱a̱ chjiéngá ńꞌniú kjoaá nga̱xto̱n tsi̱ꞌe̱ nga ka̱machji̱ni̱e̱.

Énkjínkón 27:22

Xota̱ xi kitikjo̱a̱a̱, ndatsi ki̱a̱ nijan kꞌuínieé nínga ꞌbínieé to ndso̱ko̱a̱n ṉño̱o̱, jmíni̱xtjin ku̱i̱ꞌíjñámasien kjo̱a̱kitikjo̱a̱a̱.

Énkjínkón 6:32

Ta̱nga kui nda̱ xi tsꞌénkámajo̱ chjo̱on xí tjítsꞌéntꞌaa̱ kjo̱a̱ xi̱ꞌii̱n, achichí nga ndajínkjiꞌi ni xi tjítsꞌeén ini̱ma̱a̱,

Énkjínkón 7:22

Kó kui nda̱ xo̱ngo̱ò kijítji̱ngii̱ kui naa̱, xikótsꞌèn fí ngo cho̱yojo xi̱ꞌin xi fí niꞌánkꞌién, xikó maá ngo nda̱ kitikjo̱a̱ xi tsꞌénfí nínga si̱ꞌanjeé,

Rkaa̱ 4:22

Kó ngayeje xotaa̱ nda tsíchji̱a̱ kjo̱a̱a̱ Kjisoo̱, kó kijíndikoón kjo̱a̱a̱ kui én tsjatsó xi tsíchji̱a̱, kó bi̱ katsó nga asíyá ja̱kꞌi̱e̱ ja̱ngajaán xkjín: –A kuijín xi̱ꞌbi̱ xi ndií Kosiee̱.