Énkjínkón 1:6 - Xo̱jo̱n eén Néná

⁶ Bo̱a̱ tsꞌén nga ka̱ma ka̱makjínjnú mí nii̱ bo̱a̱ xi énkjínkoón, mí nii̱ bo̱a̱ xi ngo chi̱bo̱a̱, ko̱jo mí nii̱ bo̱a̱ xi ngo én xi tjiín ngo ni xi tjiꞌmá.

Énkjínkón 1:6 ပူးပေါင်းရင်းမြစ်များ

Xo̱jo̱n Salmoo̱ 49:4

Kosiennijòo̱n énkjínkoón, kó tji̱e̱nga kjifonie arpaa̱ xiyàjnúꞌun mí nii̱ bo̱a̱.

Xo̱jo̱n Salmoo̱ 78:2

Énkjínkón boá xi kuichjiájojnúꞌun, kó xiyà cha̱n cha̱njnúꞌun ni xi tjiꞌmá xi kamá ni̱xtjin xcháján.

Énkjínkón 24:23

Ko̱jo kui ni xi kjitꞌa kꞌi̱e̱e̱ xi énkjínkoón xota̱ xi kjínkón boá: Ndajínkjiꞌi nga nendiꞌamasien xi tsꞌénjeé xotaa̱, kjo̱a̱ꞌájin xota̱ xi ko̱e̱je̱ kjo̱a̱ndaa̱.

Eklesiastee̱ 12:11

Én xí chji̱a̱ xota̱ xi kjínkoón bo̱a̱ má kón xikoó ndaꞌyáńtsꞌén ngo cho̱, kó én xí chji̱a̱ já mostroo̱, kui xi tsóyá nda̱ xi koo̱n cho̱tsa̱nga̱a̱ ja̱kon yáyojó xi je ikindyianijín má kón má.

Markoo̱ 4:11

Kó Kjisoo̱, bi̱ katsoó: –Jún je kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xota̱ xi síndo ndi̱tsén jàn énkjín xí tjindókjo̱a̱jo nga tjíꞌmíyaá ngayeje nii̱,

Markoo̱ 4:34

Jmí ni̱xtjin nga énkjínjín katsꞌénkjién nga tsíchji̱a̱jo, ta̱nga xota̱ tsi̱ꞌe̱ katsóyàtꞌaxín cha̱n cha̱a̱n ngayeje nii̱.

Xota̱ Ebreo̱ 5:14

Ta̱nga nichiniee̱, tsi̱ꞌe̱ xota̱ xi xchaá boá, xi je maa̱ be ni xi nda ko̱jo ni xi ndajín, ngatꞌa̱ jè kamángaá nga ndyi̱tsꞌènkjién kjo̱a̱kjíntakoón.

2 Xo̱jo̱o̱n Peé 3:16

Nga ngo nga ngo xo̱jo̱n xi katsangiya Pabloo̱ katsóyàjnú kjo̱a̱a̱ kui nii̱, ndatsi tjín nii̱ xi niꞌin makjínná. Kuíni nga xota̱ xi ndajín makjiín ko̱jo xi ꞌniújín síndojin kjo̱a̱sꞌijii̱n kje̱ꞌe tsꞌén ꞌbijñaá ni xi je tjítꞌa kui xo̱jo̱n. Bo̱a̱ ti̱ tsꞌeén ni xi ngase xi kjitꞌa xo̱jo̱n eén Néná nga, kó bo̱a̱ tsꞌén nga ti̱ kuii̱ ndyi̱tsꞌènkjí yojoo̱ nínga xcha̱ja.