Énkjínkón 1:23 - Xo̱jo̱n eén Néná

²³ ¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Énkjínkón 1:23 ပူးပေါင်းရင်းမြစ်များ

Xo̱jo̱n Salmoo̱ 145:1

Ji Ne, ji xi Rena, ¡ngatsjéni̱xtjin nga nda tsꞌén kuichjiá an kjo̱a̱a̱ ji, kó sa̱ꞌintsjaá ta̱ngatꞌanii̱ kjo̱a̱jèe̱!

Énkjínkón 1:25

Ta̱sá kiniꞌánchꞌójnú ngayeje kjo̱a̱botíxomana, kó kamámejénjínjnú nga an katsꞌenxchánjo̱jnúꞌun.

Énkjínkón 1:30

ti̱nde kamámejénjínjnú kandaꞌyájnú kjo̱a̱botíxomana, kó kiniꞌánjo̱ꞌojínjnú kjo̱a̱chji̱ni̱e̱na.

Énkjínkón 10:17

Xota̱ xi tsꞌénjóꞌo nga niꞌánchji̱ni̱e̱e̱, kuí boá xi tsie ngase ka̱maa̱ nga kꞌuijñá nga̱sondie, ta̱nga xota̱ xi chꞌoo̱ nga niꞌánchji̱ni̱e̱e̱, nde kjinjín kjo̱chó.

Énkjínkón 12:1

Xota̱ xi tsja maa̱ nga niꞌánchji̱ni̱e̱, kjo̱a̱a̱ nga tjórií kjo̱a̱kjínkoón, ¡ta̱nga kui xi tsjajín maá nga niꞌánxchánjoo̱, xota̱ xi chi̱ni boá!

Énkjínkón 29:1

Xota̱ xi tsjajín maá nga niꞌánxchánjo̱, ta̱niján má kji̱ndi̱bá nga si̱ꞌankjie, kó jmíjín xi ka̱ma ku̱i̱ꞌíchjaá nga bo̱a̱ ka̱ma.

Énkjínkón 6:23

Kjo̱a̱botíxomaa̱ ko̱jo kjo̱a̱bokoyaá, kuí boá xi xikoó ngo ndiꞌíxò xi tjítí ka̱maa̱, kó kjo̱a̱niꞌánchji̱ni̱e̱e̱, kuí boá xi ko̱ko̱ó kótsꞌèn nga nda ku̱i̱ndyin ji,

Rkaa̱ 11:13

Ngatꞌa̱ ndatsi jún ndajínjnú xota̱, májnú boeꞌéjnúu̱ ngo ni xi nda ndíjnú, ¡akja̱ꞌmíra̱ nga Na̱ꞌmijnú xi tikón ndiꞌakꞌajmi jàn tsja̱ajiín A̱si̱énni̱xtjii̱n tsi tjín xí ku̱i̱ꞌaa̱!

Juaa̱ 7:39

Ta̱nga kui nii̱ katsó kjo̱a̱a̱ a̱siénni̱xtjin xi sa̱ko̱ó ngayeje xota̱ xi sꞌijii̱n kui. Nga kamá kui nii̱ kji̱e̱ sakójiín A̱si̱énni̱xtjii̱n Néná, ngatꞌa̱ kji̱e̱ boeꞌéjiín kjo̱a̱je nga si̱tꞌa kro, ko̱jo nga kjo̱a̱ꞌáꞌyaá Kjisoo̱.

Ni xi kamá 26:20

kó kuíni nga tjón má xota̱ xi chji̱a̱ni na̱xi̱ńdáꞌniú Ndamasko̱ katsóyàa̱ eén Néná, sꞌe̱ jaskan xota̱ xi chji̱a̱ni na̱xi̱ńdáꞌniú Jerusale̱n, ko̱jo ngayeje xota̱ xi chji̱a̱ni nangi Jundea̱, kó ti̱ katsóyàa̱ xota̱ xi jundío̱jín nga, katsóyàa̱ tsi̱ꞌe̱ nga sa̱ꞌínkꞌoyà yojoo̱ jé xí ndyi̱tsꞌèn, kó nga ta̱sá Néná ko̱ngase ko̱jo nga sa̱ꞌín ni xi ndakjiꞌi, kósꞌe̱ bo̱a̱ tsꞌén ko̱kó yojoo̱ nga ja̱koxi̱ nga je ndi̱ya̱à Néná tjimá.

Ni xi kamá 3:19

Kuíni nga, ti̱ꞌankꞌoyàjnú yojojnú, kó Néná ti̱ꞌansénjnúu̱, tsi̱ꞌe̱ nga kui sa̱ꞌínkjié jéjnú, kó kji̱ndi̱báchonjnú Ndi̱a̱a̱ nga ni̱xtjin xi nda,