Énkjínkón 1:22 - Xo̱jo̱n eén Néná

²² «Jún ndí jákjíndí xi kji̱e̱ jmí ni yàjínjnú kjo̱a̱a̱ kjo̱a̱mindyioo̱n, ko̱jo xi mojnóchàjnú, ngaskande kjiꞌání nga to̱kó si̱ꞌantjójnú ni xi jmí ni chjíjiín. Ngaskande kjiꞌání nga to̱kó ko̱jno̱chajnú, ngaskande kjiꞌání nga to̱kó si̱ꞌanchꞌójnú kjo̱a̱kjíntakoón.

Énkjínkón 1:22 ပူးပေါင်းရင်းမြစ်များ

Joo̱b 34:7

»A tjín ingo xota̱ xi xikoó Joo̱b tsobo̱a̱, xi ngatsjéni̱xtjin mojnókie ngayeje nii̱.

Xo̱jo̱n Salmoo̱ 1:1

Achichíra̱tsjaa̱ kui xi ki̱a̱jín ndyi̱fítji̱ngi kjo̱a̱botíxomaa̱ xota̱ xi ndajiín, ko̱jo xi ki̱a̱jín katsꞌénkamajo̱ ndi̱yà xí tjimá xota̱ xi ndyi̱tsꞌènjeé, ko̱jo xi ki̱a̱jín nijan ndyi̱tsꞌénkamajo̱ xota̱ xi ndyi̱mojnókie Néná.

Xo̱jo̱n Salmoo̱ 94:8

Ngatamakjínjnú kui nii̱, jún xota̱ chi̱ni xi chji̱a̱ni na̱xi̱ńdaá, kó jún xota̱ xi kitikjo̱a̱, ngaskande kjiꞌání nga xota̱ xi kjínkón ka̱majnú jún.

Éksondo̱ 10:3

Kósꞌe̱ Moisee̱ ko̱jo Aaroo̱n kijíkoón nda̱ ree̱, kó bi̱ katsoó: «Nejne̱ kui xi Nee̱ xota̱ Israee̱l, kuí boá xi katsangiyajne̱ tsi̱ꞌe̱ nga ko̱si̱yajne̱ ji nga ngaskande kjiꞌání nga to̱kó nkꞌa ko̱ꞌna̱xié ji yojòo̱, kó ngaskande kjiꞌání nga ko̱nda̱ꞌyéꞌíi̱n. Te̱ꞌéndièjne̱ nga kongín niꞌántsjájne̱ Nejne̱.

Éksondo̱ 16:28

Kósꞌe̱ Néná, bi̱ katsoó Moisee̱: «Ngaskande kjiꞌání nga ko̱nda̱ꞌyáꞌénjnúꞌun.

Énkjínkón 1:21

Ki̱a̱ tsꞌénkjandayá nijon ndi̱yàtieé nínga ꞌniú tjimá xotaa̱, ko̱jo ki̱a̱ nínga bitjasꞌi̱e̱nnii̱ na̱xi̱ńdáꞌniuú, ndaꞌyá nga bi̱ tsó:

Énkjínkón 1:29

Ta̱ngatꞌanii̱ nga kiniꞌánchꞌójnú kjo̱a̱kjínkoón, kó kamámejénjínjnú nga kamáyàndikónjnú Néná,

Énkjínkón 1:32

Ngatꞌa̱ xota̱ xi jmí ni bejiín, achichí tsá fesón, ngatꞌa̱ mejénjiín nga xota̱ xi kjínkón ka̱ma. Kó xota̱ xi kitikjo̱a̱a̱, kjo̱a̱a̱ nga nda tjitjóninkꞌaa̱ yojoo̱ boá nga kju̱i̱e̱ni.

Énkjínkón 1:4

Kó ti̱ machjién kuí eén tsi̱ꞌe̱ nga xi̱ꞌinkjo̱a̱ ka̱ma xota̱ xi kji̱e̱ ꞌniújín maá ni xi bokoyá kjo̱a̱mindyioo̱n, ko̱jo tsi̱ꞌe̱ nga jákjíndí xí xo̱ngo̱ò kꞌuieé kjo̱a̱kjíntakón, ko̱jo nga nda sa̱ꞌínkjó ni xi sa̱ꞌín.

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Énkjínkón 14:6

Xota̱ xi mojnókiee̱ mejeén nga kjínkón ka̱ma, ta̱nga jmíni̱xtjin nga xota̱ kjínkón ka̱ma, ta̱nga xota̱ xi makjiín nii̱, nde niꞌínjín ka̱maa̱ nga kjínkón ka̱ma.

Énkjínkón 15:12

Xota̱ xi mojnókiee̱ tsjajín maá nga tjín xí sa̱ꞌínchji̱ni̱e̱, ti̱nde ki̱a̱jín tsꞌénkámajo̱ xota̱ xi kjínkoón.

Énkjínkón 19:29

Jè tikónnda kjo̱a̱botíjé tsi̱ꞌe̱ xota̱ xi mojnókiee̱, kó ti̱ jè tikónnda ńꞌniú xí kjónié nga̱xto̱n xota̱ xi kitikjo̱a̱a̱.

Énkjínkón 21:11

Kjiꞌanga niꞌánjeé xota̱ xi mojnókiee̱, xota̱ xi chi̱nii̱, xota̱ xi kjínkón má, kó kjiꞌanga niꞌánchji̱ni̱e̱ xota̱ xi kjínkoón, ta̱tra maa̱ ni xi bokoyaá.

Énkjínkón 21:24

Xota̱ xi mojnókie ꞌmií, xota̱ xi nkꞌakoo̱n ko̱jo xi je ꞌboxié yojoo̱, kui xi je jaꞌatjoón nga nkꞌakon ma.

Énkjínkón 22:3

Xota̱ xi tjiín kjo̱a̱kjíntakoón be ni xi ndajiín, kó ki̱a̱jín fítji̱ngi, ta̱nga xota̱ xi chi̱nii̱, ki̱a̱ fítji̱ngi, kó ndajín maá ngijee̱.

Énkjínkón 3:34

Néná mojnókie xota̱ xi mojnókiee̱, ta̱nga xota̱ xi ni̱ma̱kjo̱a̱a̱ tsjaá kjo̱a̱ndaa̱.

Énkjínkón 5:12

nga bi̱ sé jí: «¡Míkjo̱a̱a̱ nga katsꞌenchꞌó an kjo̱a̱botíxomaa̱! ¡Míkjo̱a̱a̱ nga ini̱ma̱na katsꞌénchꞌó kjo̱a̱niꞌánchji̱ni̱e̱e̱!

Énkjínkón 6:9

Ji chí tsiꞌé, ngaskande kjiꞌání nga to̱kó tsjáfé ji. Ngaskande kjiꞌání nga kjo̱a̱ꞌaá.

Énkjínkón 7:7

kamábe an achichí já xo̱ngò xi ndasénjiín nga tsꞌén ngo ni, kó askotsijen ndá ndáa̱ ngo xi ꞌniú kitikjo̱a̱ ngase.

Énkjínkón 8:5

Jún ndí já xo̱ngò xi jmí ni bejín, ndí jákjíndí xi kji̱e̱ jmí ni májiín, ¡nda má ti̱ꞌankjójnú ni xi ndyi̱niꞌánjnú!

Xki̱ 14:27

—Jè tsintꞌié an nga xota̱ Israee̱l chꞌo tsꞌén ndyi̱chji̱a̱taꞌinna. Ngaskande kjiꞌání nga sa̱ꞌinchíkjo̱a̱a̱ ni xi ndyi̱tsó kui xota̱ xi ndajiín.

Matioo̱ 17:17

Kó Kjisoo̱, bi̱ katsó: ¡Xota̱ xi sꞌijinjiín ko̱jo xi ndajín! Ngaskande kjiꞌání nga chjiéngá kotíjña̱jojnúꞌun. Ngaskande kjiꞌání nga ta̱kó sa̱ꞌinchíkjo̱a̱jnúꞌun. ¡Ndibájo̱jnúꞌun kꞌi̱e̱e̱!

Matioo̱ 23:37

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Rkaa̱ 19:42

kó bi̱ katsó: –¡Tsi yera ji ndatsi ta̱kuítsí ni̱xtjii̱n, ni xi tsja̱á kjo̱a̱xió! Ta̱nga ngotꞌe̱ tjiꞌmárií ndyikin kui nii̱.

Juaa̱ 3:20

Ngatꞌa̱ ngayeje xota̱ xi ndajínkjiꞌi ni xi ndyi̱tsꞌèn, chꞌoo̱ ndiꞌí xí tsꞌentsíjee̱n, kó fíkón tiñajiín ndiꞌií, tsi̱ꞌe̱ nga xcha̱jín ni xi ndyi̱tsꞌèn,

2 Xo̱jo̱o̱n Peé 3:3

Tjón kui nii̱ xi ꞌniú tjajintakónjnú, nga ni̱xtjin xi kju̱i̱e̱tꞌaa̱, kꞌuié xota̱ xi kꞌuíndo xikótsꞌèn mejeén ini̱ma̱a̱ nga kꞌuíndo, kó ko̱jno̱kie ni xi je akakoyájnú,

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.