Éksondo̱ 9:6 - Xo̱jo̱n eén Néná

⁶ Nga kamángindyiojón, Néná katsangiyaa̱ ngo chiꞌin xi ta̱nisién ꞌniú ngayeje cho̱ tji̱e̱é xota̱ Ejiptoo̱, kó jesón ngayejee̱, ta̱nga cho̱ xi kisꞌiee̱ xota̱ Israee̱l nde ngo jesónjín.

Éksondo̱ 9:6 ပူးပေါင်းရင်းမြစ်များ

Xo̱jo̱n Salmoo̱ 78:48

ko̱jo kjiꞌanga katsjandiè nga katsꞌénkjaꞌatꞌe ko̱jo nga ixó ndókoá, kó nga kui nii̱ xi katsꞌénkjié cho̱yojoo̱ ko̱jo cho̱tsa̱nga̱a̱,

Xo̱jo̱n Salmoo̱ 78:50

ko̱jo kjiꞌanga katsꞌén ni xi mejeén nga katsꞌénxchán, kó tsꞌaxiéꞌájín ini̱ma̱a̱ ngi̱ya tsja kjo̱a̱bo̱yaa̱, ¡ta̱sá ki̱a̱ katsꞌénkꞌasꞌien yojoo̱ tsi̱ꞌe̱ nga kju̱i̱e̱són!

Éksondo̱ 12:12

»Kui ni̱xtji̱e̱e̱n an kjo̱a̱ꞌa an ngi̱jii̱n ngayeje nangi Ejiptoo̱, kó sa̱ꞌinkꞌién an ngayeje ndí xíꞌín xi tjoón nga ngo nga ngo xtín xota̱ Ejiptoo̱, ko̱jo cho̱ tjié xi tjiín nga. Án boá xi Nee̱ xota̱ Israee̱l, kó án boá xi tsjachjíi̱ ne xi tjín nangi Ejipto̱.

Éksondo̱ 12:29

Kó nga kamá masien ni̱xtji̱e̱n, Néná katsꞌénkꞌién ngayeje ndí xíꞌín xi tjoón xota̱ Ejiptoo̱. Kó jesón ngayejee̱, ki̱a̱ ítsꞌi̱yanii̱ ndeskande ndí xíꞌín xi tjoón nda̱ ree̱, kui xi jaskan ko̱tíxomaa̱, ngaskande ndí xíꞌín xi tjoón xota̱ xi síndo ndo̱bo̱a̱ya̱à. Ti̱ jesón ngayeje ndí tjoón ngayeje cho̱ tji̱e̱é xota̱ Ejiptoo̱ nga.

Éksondo̱ 8:22

Ta̱nga jmí chisien sangiyajín an nangi Ngosee̱n, nínga síndo xota̱ na̱xi̱ńdána, kui chisiee̱n xota̱ Ejiptoo̱ boá xi sa̱ꞌínxtií, ta̱nga jmí ni sa̱ꞌínjo̱jín xota̱ Israee̱l. Ti̱ ndyiojónní nga sa̱ꞌin an kui nii̱. Kó bo̱a̱ tsꞌén nga nda̱ ree̱ nangi Ejipto̱ sku̱i̱e̱ nga Nee̱ xota̱ Israee̱l ki̱a̱ tikón nangii̱».

Éksondo̱ 9:25

kó kui nii̱ katsꞌénkjié ngayeje xota̱ ko̱jo cho̱ tjié ko̱jo xka̱. Yá xí tjiín iskjítꞌojén má nga katsꞌénxi̱,

Éksondo̱ 9:26

kó xka̱a̱ linoo̱ ko̱jo xka̱a̱ sebandaa̱ jatson ngayejee̱, ngatꞌa̱ linoo̱ jè má tjiín naxó kui ni̱xtjin nga bo̱a̱ kamaá, kó sebandaa̱ jè má tjitjó ńtiín. Ta̱ ngototo to ndso̱ko̱a̱n ṉño̱paa̱n ko̱jo sentenoo̱ xi jmí ni kamájiín, ngatꞌa̱ ngi̱chí sájín ma to. Ta̱nga nangi Ngosee̱n nínga síndo xota̱ Israee̱l nde ngo ndókoá tsꞌákajín ki̱a̱. Kuíni nga nda̱ ree̱ nangi Ejipto̱ tsíchji̱a̱a̱ Moisee̱ ko̱jo Aaroo̱n kó bi̱ katsoó: —Be an nga ndajín katsꞌen an ngotꞌe̱. Ji̱n boá xi konnijne̱, jmí tsi Néná, kó kuíni nga bo̱a̱ tꞌínjnúu̱ nga jè tsjandièe̱ nga kjo̱tjo xota̱ Israee̱l. ¡Jè ngiti̱ chikjo̱a̱jínjne̱ kui ndókoaá ko̱jo kui cho̱ꞌo̱o̱n! Kó Moisee̱ bi̱ katsoó nda̱ ree̱: —Koko máraa̱ ji nda̱ re, nga Nejne̱ kuí boá xi tsi̱ꞌe̱ ngayeje tꞌanangii̱. Ta̱ niꞌin kjo̱tjo an kui na̱xi̱ńdáꞌniuú, kuichjiájo an Nejne̱, kó ngiti̱ jmí cho̱ꞌo̱n ko̱jo kó ngiti̱ jmí ndókoá ku̱i̱xo̱jín ngase. Sa̱ꞌin an kui nii̱ ndatsi ji ko̱jo xota̱ xi mosoo̱ nde bendikónjín Nejne̱.

Éksondo̱ 9:4

Ta̱nga cho̱ tji̱e̱é xota̱ Israee̱l jmí ni sa̱ꞌínjo̱jín an, kuíni nga nde ngojín cho̱o̱ xi kju̱i̱e̱són.

Éksondo̱ 9:5

¡Ti̱ ndyiojónní nga sa̱ꞌinꞌóo̱n cho̱ tji̱e̱é xota̱ Ejiptoo̱!»